1
Se tasi kay amaaw A mimi kai ujak mam dai ki kura ki aya c`isti aan andena mocaw adhe shehen` an ki khodayas bacai tasa qudratas som ikwew pe ne apashan peo nashikas maza kai asta ne sapren.
2
S`o bas pis`t`aw o Isaa Patras zhe Yakup zhe Yuhana tan som gri Zhe te gezi ek hutal`a dhen~ta una hatya aniaw zhe tasi ruaw tasa shikil badel hawaw.
3
Phato tasa peran shehen` upuis zhe shohon` gora hawaw ki duniauna kura peran negaw asta shohon` gora ne karik bhaan.
4
Zhe Alia Musa som te apashan zhe te Isaa som mondr diman aini.
5
Patras Yasu e kay amaw Bandawaw! Homa aya apau dek prust hiu. Abi tre c`atir sawzek. Ek tay hatya. Ek Musa hatay. Ego Alia hatya.
6
Koki Patras ne jonim ais ki kia maik koki te bo behi aini.
7
To ek menj tasi thara c`ak arau Zhe tal`el`a menj mocaw awas aw ki ea mai sheshoyak putr. Isa mondr ko~ kara.
8
Zhe te shatra mi saw c`aw gehen` jagaio zhe to Isaa sargairo tasa som kas ne apashan.
9
Te dhen~taw uc`undeman aini e to se tasi kai hokum prau ki Adamas putr naston mocaw gheri ne ustuw shatara zhe kia ki abi apashil`i kas kai mo ma.
10
Te to mondr yad athan zhe te ogoegin som behes kariman aini ki Naston mocaw ustikas kia matlab?
11
Phato te tasa pe shehen` aphuc`an ki Phiki ko man dai ki Alia sumber ik zaruru?
12
Se tasi kai amaw ki Alia sumber ita saw kia khol`aw kariu Magam kia waja shiaw ki Adamas putras hak una neweshi shiau ki se bo dukh uprel` zhe to shum Karin?
13
Magam a mimi kai mam dai ki Alia ta itaw Zhe kia ki tasa hak una neweshi shiau ki te kia ki ac`itan tasa soma ran.
14
Zhe te shagetan tada on e to apashan ki tasi saw c`aw gehenaw bo mocbi an zhe Phiki tasi som behes Karin dai.
15
Zhe ek dam saw mocbi to jagaio bo hairan hawan zhe tasa gehen adaio tasa kai Ishpata karikas pron.
16
Se tasi pi aphucaw abi isi som kia behes kara dai?
17
Zhe mocbian mocaw ek jawab prau ki Ay bandawaw A tan putr kas udreman ki ek ne mondr dek bhaw shum arwah ais tai tada al`i ais.
18
Se kawa to griw dai o to shuriel` dai zhe dandoik bruduw dai zhe tal`uyak himan pariu dai zhe a tai shagetan kai mai ais ki te ama nehen magam te ne nehek abhan.
19
Se jawab una tasi kai amaw Ay nejonaw mulk a kai zhe mimi som apau dem? Kai zhe mimi bardast karim? To mai tada al`aw.
20
Phato te to tasa tada al`on. Zhe se to jagaw e to ek dam arwah to al`aw zhe se c`om una shuruis zhe tal`el`a parkas hawaw.
21
Se tasa dadas pi aphucaw ea isi som kimon wat shati au? Se amaw c`utak aini sati.
22
zhe se ama b c`at angar una zhe ugh una asta histi au ki al`a nashel` magam tu oe kia karik bhas dai o to homa thara wal` joshi homa madad kari.
23
Isaa tasa kai amaw kia! Tu pe karik bhas o! kura ki Bhawar thel tasa hatya saw kia karik bham.
24
Tasa sudas dadas ek dam abayo dai o amaw a yakin karim dai. Tu mai ne yakin karikas ilaj kari.
25
Yasu jagaw e ki moc adai adai jama hin dai toa to napak arwah tuki o tasa kai amaw ki Ay ne mondr dek bhaw zhe karutu arwah ! A tai hokum dem dai. Isi udremanaw nehi zhe isa udeman ghri kaio mo ati .
26
Se tol` kai abayo dai zhe to l`ai o nehaw zhe se naston raw hawaw shehen` ki ade o aman ki asa anashaw.
27
Magam Yasu tasa baza gri to ustaw zhe se usti ac`istaw.
28
Se dura aw o tasa shagetan gezi una tasa pi aphuc`an ki abi to ko ne nehek abaimi?
29
Se tasi kai amaw ki ea shat sualas sargairo warek khen~ thi ne nehiu.
30
Phato tal`el`a paron zhe Galil una dai paron zhe se ne c`itiman ais ki kura jonin aria.
31
Shehen` as bati ki se tan shagetan sabak diman zhe tasi kai maiman ais ki Adamas putr mocan hawala hiu zhe te to nashen zhe se nashikas tre bas pistaw o gheri zinda hiu.
32
Magam to to mondr joniman ne aini zhe tasa pi phuc`ik beheman aini.
33
Phato te Kuphur e Nahum on zhe se dura ais e to se tasi pi aphuc`aw ki abi phonduna kia behes kariman ail`i?
34
Te c`up hawan koki te phonduna ogoegin som shehen` behes kai aini ki gaderak kura?
35
Phato se nesi te das` zhe dua khundiaw zhe tasi kai amaw ki kura peawl`o hik khojiw dai o to se sawin p pistaw zhe sawin krom karaw hiw.
36
Zhe ek sudayak gri tasi mocuna c`istaw. Phato to ac`unak una kaio tasi kai amaw.
37
kura pe mai nomas thara shesi sudayak mocaw ek maniw haw se mai maniw k dai zhe kura may maniu dai se mai ne mai kura ki huti au shato maniw dai.
38
Yuahana tasa kai amaaw Ay bandawaw! Abi ek moc tai nomas thara shum arwaah nehaikwew apashimi zhe abi to manak arimi koki se homa mondr ne ko~ kariman ais.
39
Magam Isaa amaaw abi to manak mo kara koki kura shehen` ne aw ki se mai nomas thara hairan hikas bas krom pashel` zhe mai kai pis`t`aw o kia maik ne bhaaw.
40
koki kura homa khilauna ne aaw se homa som aw.
41
Zhe kura pe ek kund`ok ugh tai shehen` gho~i pihel` ki tu masih e as. A mimi kai ujak maam dai ki se tan bas`es kai asta ne dumbel`.
42
Zhe kura pe shisi sudayakan mocaw kura ki mai thara Bhawar oni an kas pe shuruan peo tasa hatay prust hiu ki ek ghona z`hontas bat tasa g`a una l`apaio zhe to samandar una histel`i.
43
Zhe tai baza pe tai shuruaw peo tu to c`ini histi.
44
We bazaw thi zindagiuna atik tai hatya shatasa pi prut ki du baza thi druz`akas tara angarauna parik se o kai asta ne phal`aw.
45
Zhe tai khur pe tai shuruaw peo tu to c`ini histi. Khuta thi zindagi una ik tai hatya shatasa pi prust ki du khur thi asta druz`akai histun paris.
46
(kawa ki tasi gohik ne nashiw zhe a~ngar ne phal`aw.)
47
Zhe tai ech pe tai shuruaw peo tu to nehai. S`eat hi khodayas bac`ai una atik tai hatya shatasa pi prust ki du ech thi asta druz`haikai histun paris.
48
kawa ki tasi gohik ne nashiw zhe a~ngar ne phal`aw.
49
Koki har ek moc a~ngaras thara k`awa Karin (zhe har ek qurboni l`oas thara khal` Karin)
50
L`o prust magam l`oas kal` pe paraw haw phato to kia ishnayarias thara mazadar karis? Tan mocuna oas raw khal` payda kara zhe egoegin som sarajam thi apaw det.