1
Phato se tal`el`a usti Yahudia mulkani Yardanas peranaw hatya paraw zhe gheri bo mocbi tasa nasenaw sarini zhe se tan dasturas raw gheri tasi sabak c`icaikas praw.
2
Zhe Pharisi tasa tada ita dro binikas bati tasa pi aphucan kia shehen` hiu e ki moc tan jaas histik bhaaw?
3
Se tasi kai jawab una amaaw Musa mimi kai kia hokum dai aw?
4
Te amaan Musaa ta ijazat dai aw ki neweshi thalak dai o hutik bhaa.
5
Magam Yasu tasi kai amaaw ki se mimi dang hardian wajen dai mimi hatya shama hokum neweshi ais.
6
Magam dunias shurug una se moc zhe istrizha sawzai aw.
7
Shatalako moc tan dadas zhe ayas pe desha thi tan jaas soma paw del`.
8
Zhe se zhe tasi jaas awdu ek jhandas raw hin. Shalayo te du ne baliki ek jhan.
9
Shatalako kas ki khoday ek kai aw te moc desha mo Karin aria.
10
Zhe dura shagetan tasa pi tasa mondras barauna gheri aphucan.
11
Se tasi kai amaaw kura tan jaas histi zhe warek istrizha ja araw peo se tan s`umberaw jas khilauna gunah araw.
12
Zhe istrizha pe tan beruas histio zhe warekis som ja hawaw peo to gunah kariw dai.
13
Phato moc sudayak tasa tada al`ikas pron ki se te c`utiw magam shagetan o te atukan.
14
Yasu te jagai o kahari hawaw zhe tasi kai amaaw sudayak mai tada iuna lasa. El`i mo mana kara koki d`ias bacai shama shehen` bati shiaw.
15
A mimi kai ujak mam dai ki kura pe khodayas bacai sudayakan raw pe ne manion peo te tara parik ne bhaan.
16
Phato se te tan uc`unak una grio tasi thara baza athaw zhe tasi barkat praw.
17
zhe phato se bian nehi phonduna dai pariman ais e to ek moc adhai tasa tada aw zhe tasa ruaw d`heik thai tasa pi aphucaw ki Ay prust bandawaw a kia karim ki ne khul` hikbas` umbur zhe majar saprem?
18
Isaa tasa kai amaaw tu ko mai kai prust gho~I mas dai? Ura prust ne magam khal`i ek khoday.
19
Tu hokum ta jonis dai. Nashai mo. Shumi mo kari. H`ae mo kari. Lawai mo. Dhuka dai nuksan mo kari. Tan dadas zhe tan ayas izat kari.
20
Se tasa kai amaaw Ay bandawaw a duaniuna `ita shemi saw mondr mani ita am.
21
Yasu to rakumas thara jagaw zhe tasa kai amaaw ek mondras kami shiaw. Pari kia ki tai shian briki gariban de. Tai d`iuna behest`una Khazana milaw hiw zhe ita mai pstaw ie.
22
Shesa mondras thara se citbicit zhe bo pareshan thi paraw koki se bo dawlatmand ais.
23
Phato Yasu saw c`aw gehe~n jagaio tan shagetan kai amaaw dawlatmand mocan hatya khodayas bacaiuna parik kimon geran!
24
Shaget tasa mondras thara hairan hawan. Isaa gheri jawab una tasi kai amaw sudayakan! Kura ki dawlatas thara bharosa Karin dai tasi hata khodayas bacai una atik kimon geran!
25
Ut`as suzhikas ecikuna dai drasnikas pi dawlatmandas khodayas bacai una parik bo geran.
26
Te bo hairan thi tasa kai maikas pron ki dho~yo kura bac hik bhaw?
27
Yasu tasi gehen~ jagaio amaaw ia mocan bati ta namumkin magam khoday o karik bhaaw koki khodayas saw kia karik bhaaw.
28
Patras tasi kai amaaw jagai abi ta saw kia ahistimi zhe tai pistaw ita aik.
29
Yasu amaaw a mimi kai ujak maam dai ki shehen` kura ne kura ki dur yao bayasi yao babasi yao ayas yao dadas yao sudayak yao c`et mai khateran zhe kitabas khateran histi aw.
30
Zhe shaya zamanauna shor ayni asta bes` ne saprel` Dur zhe baya zhe baba zhe ayasi zhe sudayak zhe c`et magam zuluman som. Zhe iw dai tarao se hameshas umbur zhe majara saprel`.
31
Magam bo ziad kura ki onja awel` una an te pi`staw hin zhe pi`staw an teo awel`.
32
Zhe te Yaroshelum hatya parikas bati phonduna pariman aini Isaa tasi ruaw ruaw pariman ais. Te hairan hawan zhe kura ki pis`taw pis`taw iman aini behon. Phato se te dash zhe dua tan som ni tasi shate mondr dikas praw kia ki tasa thra himan ashini.
33
Jaga abi Yaroshelum hatya parik dai zhe Adamas putr Sardar Kahin zhe Phikian hawla Karin pariw zhe teo to nashaikas hokum den zhe to warek mulkaw mocan hawala Karin.
34
Zhe teo tasa thara Mazak Karin zhe tasa thara thog histin zhe t timan nashen zhe tre bas pistaw o se zinda thi us`t`iw.
35
To Zabdia putrasi Yakup zhe Yuhana tasa tada ita tasa kai amaan Ay bandawaw! A c`itik dai ki kia mondras ki tai kai ishkal`i karik tu homa hatya kari.
36
Se tasi kai amaaw abi kia c`ita dai ki a mimi hatya karim?
37
Te tasa kai amaan homa hatya shehen` kari ki tu tan bacaias taktuna nesi homa mocaw ek ta tai kha`wi zhe ek o tai drac~ui gehen nesai.
38
Isaa tasi kai amaaw abi ne jona dai ki kia gata dai. Kia pial`a aini ki pim kia abi pik bhaa e? zhe kia baptisma ki a grim dai abi grik bhaa e?
39
Te tasa kai amaan Abi bhaik. Yasu tasi kai amaaw Kwael`a pial`a aini ki a pim abi asta pia zhe kia baptisma ki agrim abi to grea.
40
Magam tan drac`ui zhe kha`wi gehen nesek mai krom ne magam kas hatya ki tayar kai shiau tasi mi hatya hiw.
41
Phato te dash shehen` sangaio Yakup zhe Yuhana pe khapa hawan.
42
Magam Isaa te tan tada khundiayo tasi kai amaaw abi jona dai ki warek mulkaw mo tan soro baca jos`i hakumat Karin dai zhe tasi te Amer moc tasi thara gaderaki Karin dai.
43
Magam mimi mocai shehen` ne hiu baliki kura mimi mocaw gada hik khojiw se mimi krom karaw hiw.
44
Zhe mimi mocaw kura ki awel`o hik khojiw se sawin nokar hiw.
45
Koki Adamas putr asta shehen` gho~i ne ita aw ki khesmat karawaw baliki khesmat karika itaw zhe tan jhan boin hatya khal`as kariw.
46
Zhe te Yarhu hatya on zhe se zhe tasa shagetan zhe bo mocbi Yarhu aini nehiman aini e Tamai e putras Bartamai zhe s`ea moc phond una nesi aini.
47
Zhe shehen` sangaio ki Isaa Nasri aw abayo dai maikas praw Ay Dautas putras! Ay Isaa! mai thara rakum kari.
48
Zhe bo moc tasa kai mrish hawan ki c`up ha magam se ade asta abayo praw ki Ay Dauta putr mai thara rakum kari!
49
Yasu c`isti amaaw al`a khundia.
Phato te to s`ea tara al`iawaini. Usti asa tai khundiel` dai.
50
Se tan peran histi utikiman Isaa tada aw.
51
Yasu tasa kai amaaw tu kia c`it is dai ki a tai hatya karim? S`ea tasa kai amaaw Ay bandawaw! Shehen` ki a pashik bhaam.
52
Yasu tasa kai amaaw pari tai Bhawar tai prust araw. Ek dam se pashikas praw zhe phonduna mi tasa pistaw paraw.