1
Phato Pharisi zhe ade Phiki moc tasa tada sarini. Te Yaroshelumaw ita aini.
2
Zhe te jagan ki tasa ade shaget napak matlab ki baza ne negi au zuiman aini.
3
Koki Pharisi zhe saw Yahudi akhabiran dasturas hisabuna tan baza ne negikani sumber au ne zuiman aini.
4
Zhe bazaraw ita ne wazin shohon ne zuiman ainizhe ade asta bo mondr kia ki tasi una zhal`i ashini te maniman aini khen~ ki piala zhe misharba zhe istelas giarum negik.
5
Phato Pharisi zhe Phiki moc tasa pi aphucan kia waja shiau ki tai shaget akhabiran dastur una ne kasin dai napak bazan thara au zhum dai.
6
Se tasi kai amaw Yasaya mimi phan diaw mocan barauna kia prust mondr mai aw khen~ ki neweshi shiau:
Emi moc ashas thara ta mai ishtikhen dai
Magam isi hardi o mai pi desha shian.
7
Zhe emi micmi mai hatya gho~ jhen dai
Koki insanan hokuman sabak den dai.
8
Abi khodayas hokum histi mocan sawzail`i dastur maniaw dai.
9
Zhe se tasi akia maw abi tan dastur thawaikas bati khodayas hokum o hista dai.
10
Koki Musa mai ais ki tan dadaw ze tan ayaw izat kara zhe kura ayas zhe dadas kai khac` gho~i maw se tan zhan ani nashuw.
11
Magam abi ma dai kura pe dadas aya o ayas kai maaw peo ki kia ishnayarias pi pai tai mai pe phaida zhaliman ashes pe haw se khodayas ruaw phawazhun paraw.
12
To tu tasa pahto tan ayas zhe dadas kia madad karawan ne des.
13
To tu khodayas kitab tan dasturas mutabak una kia ki tu sawzai as to desha karis dai. Khen ki bo moc Karin dai.
14
Phato se moc gheri tan tada khundiayo tasi kai maikas praw abi saw mai ko~ kara zhe c`ec`a.
15
Kia ishnayari bianaw mocan udreman ita to napak ne karik bhaw magam kia ishnayari mocan pe nehin dai shatemi to napak Karin dai.
16
kas pe ko~ karikas ko~ shian peo to ko~ kara.
17
Zhe se mocbian pe tan dura hatya paraw e to tasa shaget tasa pi ac`oikas barauna aphuc`an.
18
Se tasi kai amaw kia abi asta shehen` mi ne jonaw e? kia abi ne jona dai e ki kia ishnayari bianaw mocas udreman atiu dai to napak karik ne bhaw.
19
Shehen`as bati ki se tasa hardi una ne kuc` una pariu dai zhe tal`el`o behan nehiw dai? Shehen` mai se saw zhuikbas` ishnayarian kai pak aghow.
20
Phato se amaw kia ki mocas udremanaw nehiw dai shase mi to napak kariu dai.
21
Koki udremanaw matlab mocas hardiaw shum kheyal nehin dai.
22
L`awek, L`ui nehek, Shumi karik, L`alic`, shumi, shum kai jagek, waregin hatya mondr dek, tan soro ishtikhek.
23
Shemi saw shum mondr uremanaw nehi moc napak Karin dai.
24
Phato tal`el`a usti Soor zhe Saida wa~una paraw zhe ek dura ataw zhe ne c`itiman ais ki kura jonin magam l`uik ne abhaw.
25
Ek dam ek istrizha kas ki c`utak c`ul`as udreman napak arwah aini tasa bara una sangaio aw zhe tasa khuruna apal`aw.
26
Shia istrizha Yunani ais zhe mulkas Soarphiniki. Se tasa kai ishkal`i araw ki shum Arwah tasa c`ul`as udremanaw nehai.
27
Se tasa kai amaw awel` suda tac`erin aria koki sudon au gri shohon` dek prust ne.
28
Se jawab una amaw ha khoday! Shoa asta maiz aini c`omai histil`a pal`um zhun dai.
29
Se tasa kai amaw shesa khodayas kitabas khater una pari. Shum arwah tai c`ul`aw udemanaw nehi au.
30
Zhe se tan dura paio jagaw ki istrizha shen` una au zhe shum arwah o nehi au.
31
Zhe se gheri Sur wa~n aini nehi Saidas phonduna dai Dikpuls phondaw dai Glilas babayuk una azhal`aw.
32
Zhe moc ek karutu se mondr asta dek ne baiman ais tasa tada al`io ishkal`i aran ki tan baza isa thara thai.
33
Se to mocbian pi gezi awata aniau zhe tan angu tasa ko~ai prau zhe thok histi tasa jip ac`utau.
34
Zhe d`ias gehen` jagaio tasa kai amaw IFTAH! Matlab kholaw ha.
35
Zhe tasa ko~ khol`aw hawaw zhe tasa jip asta kholaw hawaw zhe se sapha kai mondr dikas praw.
36
Phato se tasi kai hokum prau ki kas kai mo ma magam kimon ki se tasi kai hokum prau shohon` mi ziad te tasa brauna aman.
37
Zhe te bo ziad hairan thi aman kia ki se kai au saw bop rust. Se karutuan ko~ karikas zhe mondr dek ne bhaowan mondr dikas takat del` dai.