1
Phato tal`el`a nehi se tan mulkuna awZhe tasa shaget tasa pistaw on.
2
Sabatas adua aw e to se sual karikai una sanak dikas prau zhe bo moc sangaio hairan hawan zhe maikas pron ki shemi mondr isa som kawel`a on? Zhe ea kia akul ki isa dai shiau zhe kia hairan hikas bas` krom isa mucaw hind ai?
3
Kia ea shase moc ne e kura ki Mariam e put zhe Yakup zhe Yusis zhe Yahuda zhe Shamoon e baya? Zhe kia isa babasi homa aya ne an e? Phato te tasa wajen dai shuruini.
4
Yasu tasi kai amaw paygumbar tan Shahar zhe tan rishttadaran zhe tan duraw mocan sar gairo warek kawel`a bezat ne hiw.
5
Zhe se tara kia hairan hairanhikas bas` krom ne pashek abhaw. Kahl`i ade l`ahazan thara baza thai te prust araw.
6
Se tasi ne yakin karikas wajen dai pareshan hawaw. Zhe se saw c`aw gehenaw grom una sabak dikas praw.
7
Zhe se te dash zhe dua tan tada khundiayo du du kai hutik shurug arau zhe tasi shum Arwahan thara ikhtiar praw.
8
Zhe hokum prau ki phondas bati gundakias sar gairo kia mo gria. Zhe neo au. Neo kaz`oi. Zhe neo tan dak bonunai paisa.
9
Magam kirmec` sambia zhe du peran mog ria.
10
Zhe se tasi kai amaw kawa peabikas dura atal`i pe haw tara me apaw praw tal`el`a ne para shohon.
11
Zhe kawel`a jaiga aini moc mimi ne manin zhe mimi nondr ne ko~ Karin tal`el`a parikwew tan khangaraw udhu tuka ki tasi hatya guahi hin.
12
Te parikwew aman ki thoba kara.
13
Zhe bo shum Arwah nehan zhe bo l`ahaz tewas thara prust aran.
14
Hairodes S`a tasa barauna sangais koki tasa nom mashoor thi ashes zhe se amaw ki Yuhana baptisma diaw naston mocaw zinda usti au koki asa pe hairan hikas bas` krom hind ai.
15
Magam ade o maiman aini ki Alia au
Zhe ade o shehen` ki paygumbaran mocaw ek paygum aw.
16
Magam Hairodes o sangaio amaw Yuhana kas ki sis a c`inawai ais se usti aw.
17
Koki Hairodes tan moc hutawai o Yuhana griwai ais zhe tan bayas Pilpas e jas Hairodias e wajen dai to jelai boni ais koki Hairodes to ja kai ais.
18
Zhe Yuhana tasa kai mai ais tan bayaw jas tan som apaw diek prust ne.
19
Phato Hairodias tasa som dusmani kai o zhe to nashek c`itiman ais magam ne hawaw.
20
Koki Hairodes Yuhana ek ujak phond una kasaw zhe onjasta gho~i joni o tasa pi behiman ais zhe tasa mondr ko~ kai o bo hairan himan ais magam khoshan the ko~ kariman ais.
21
Zhe mokas adua Hairodes tan ubujikas adua tan amir zhe foji gaderakan zhe Galilau amir moc au una akhojau.
22
Shatasa mi Hairodes e c`ulas udreman au zhe nat kai Hairodes zhe tasa mehnu khoshan arauw to S`a tasa istrizhas kai amaw kia tai ajat mai pi gati. A tai dem.
23
Zhe tasa kai shat praw ki tu kia mai pi gatis tan khonda mulk asta tai dem.
24
Phato se bian pai tan ayas kai amaw ki a kia gatum?
25
Se ek dam S`as tada udreman aw zhe tasa kai amaw a c`itim dai ki tu Yuhana baptisma diawas sis shonja mai hatya onawas.
26
S`a bo pareshan hawaw magam tan shatas zhe mehnuan wajen dai tasa inkar ne araw.
27
Phato S`a shatarami ek sipahias hokum dai ahutau ki asa sis ona. Se jel una pai tasa sis ac`inaw.
28
Zhe ek bir khui una kai oni tasa istrizhas prau zhe istrizho tan ayas praw.
29
Phato tasa shagetan sangaio on zhe tasa to jhan upraio qaburai atan.
30
Zhe rasool Yasu e tada sarini zhe kia ki te aran zhe c`icai aini saw tasa kai amaan.
31
Se tasi kai amaaw abi ek weran jaiga una au zhe ade aram kara. Shehen`as bati ki bo moc iman pariman aini zhe tasi au zhuikas asta tem ne milaw himan ashes.
32
Phato te kishti una nesi ek gezi jaiga una paron.
33
Zhe moc te parikwew apashan zhe bo moc o ajonan zhe saw Shahar aini mocan som ek thi paidel tara adhai kasi pai tasi pi sumber azhal`an.
34
Zhe se uc`undi bo mocbi apashau zhe te jagaio tasa wal` prau koki te shatasi ameon raw aini kas ki wal`moc ne hiu dai zhe se tasi kai bo mondran barauna sabak praw.
35
Tramasung hikas hawaw e to tasa shaget tasa tada ita maikas pron ki ea jaiga weran zhe bo tramasung hikas thi shiaw.
36
Emi huti ki saw caw gehenaw gromai pai tan hatya kia zhuikas bati onin.
37
Se tasi kai jawab una ama wabi mi asi zhuikas bati det.
Te tasa kai aman kia abi pai du shor dinaras au onik e zhe asi zhuek e?
38
Se tasi kai amaw mimi som kimon au shian? Para jaga. Te jagaio aman ponj zhe du masi.
39
Se tasi kai hokum praw ki saw arel`ak bronz una nesaw.
40
Phato te shor shor zhe pac`as pac`as thi neson.
41
Phato se te ponj au zhe du masi agriau zhe D`ias gehen` jagaio barkat prau zhe au c`iniman shagetan diman parau ki tasi ruaw tha zhe te du masi asta tasi sawin mocuna aphazhan.
42
Phato te saw zhui o tac`erini.
43
Zhe te pal`uman zhe masian som das` zhe dua sawew puri kai upran.
44
Zhe zhuaw ponj hazar moc aini.
45
Zhe shatara mi se tan shaget majboor ara ki kishti una nesi tasa pi sumber Bait e saidas al`el`aw para shohon` zhe se moc hutuw.
46
Zhe te huti o se dhen~ta una suaal karika parau.
47
Zhe c`ak prau e kishti ughas mocuna ashes zhe se o gezi Comuna ais.
48
Se jagaw e ki te bo tang an koki sen~ra tasi gehenawashes to khonda ratan se ugh una kasiman tasi tada aw zhe tasi pi ruaw nehik khojiman ais.
49
Magam te to ugh una kasikwew pashio ac`itan ki bhala aw zhe abayo pron.
50
koki saw to pashio behon
Magam se ek dam tasi som mashkul hawaw zhe amaw ki A am. Behaw o mo.
51
Phato se kishti na tasi tada aw zhe sen~ra ac`istaw zhe te tan hardiuna bo hairan hawan.
52
Shehen` gho~i ki te au an barauna ne joni aini tasi hardi dang thi ashini.
53
Zhe te al`el`aw pai Ganisrat wan~una azhal`an zhe kisti tara kai abonan.
54
Zhe kishti aini uc`undon e to ek dam moc to joni o.
55
tara grom una saw c`aw gehenaw adhai pai lahaz shen~ una kai kawa ki sangaio ki tara aw tara te lahaz gri tasa pistaw akasan.
56
Zhe shase desh. Zhe Shahar zhe gromai kawai ki pariman ais moc lahaz bazarai thai o tasa kai ishkali kariman aini ki te khali tasa peran mi c`utin zhe kimon ki to c`utiman aini te prust himan aini.