1
Phato te ughas al`el`aw Grasina wa~una azhal`an.
2
Zhe se kishti aini uc`undaw e to ek dam ek moc kas udreman ki shum Arwah aini qabutaw nehi tasa som milaw hawaw.
3
Se qaburai apau diman ais zhe ajo kura to janjer gri asta bonik ne baiman aini.
4
koki to bar bar rajuk zhe janjer gri boni aini magam se janjer ac`inaw zhe rajuk pal`um pal`um kai ais zhe kura to grik ne baiman aini.
5
Zhe se hamesha rat adua qaburai zhe dhen~tai pai abayo diman ais zhe tan soro bat gri zakmi kariman ais.
6
Se Yasu desha kai pashi o adais zhe to ishtikhaw.
7
Zhe tol` kai abayo daio amaaw Ay Isaa khodayas putr mai tai som kia krom? Tai khodayas shat dem dai mai azab unam o histi.
8
Koki se tasa kai mai ais Ay napak Arwah isi mocas pe nehi.
9
Phato se tasa pi aphucaw tai nom kia?
Se tasa kai amaw mai nom Lashkar koki abi bo aik.
10
Phato se tasa bo ishkal`i araw ki homa andena jaiga aini behan mo huti.
11
Zhe tara dhe~nta una khinzir c`airman ani.
12
Phato te tasa ishkal`i kai o aman ki homa shesi khinsiran moc`ai huti ki abi isi udreman atik.
13
To se tasi ijazat praw zhe napak Arwah nehi khinziran aton zhe te suar kia ki du hazar aini utikiman pai ugai shuruini zhe ugai pal`i anashan.
14
Zhe te c`arawaw adhai pai Shaharai zhe gromai pai sawin jhabar pron.
15
Phato moc jagaikas bati Isaa tada on zhe kas udreman ki shum Arwah Lashkar ais to nesikwew pasha zhe peran samikwew zhe anga hikwew pashio te behon.
16
Zhe jagawaw tasa kas udeman ki shum Arwah aini zhe suaran saw mondr tasa kai aman.
17
Se tasa kai ishkal`I aran ki homa gromaw pari.
18
Zhe se kishti una atiman ais e kas udreman ki shum Arwah aini se tasa ishkal`i arau ki a tai soma paw dem dai.
19
Magam se tasa ijazat ne prau tasa kai amaw ki tan mocan tada tan dura hatya pari zhe tasi kai mond de ki khodayas tai hatya kimon ghona krom araw zhe tai thara rakum araw.
20
Se paraw zhe Dikpulus una to mondr dikas prau ki Isaa tasa hatya kia ghona krom araw se som moc mondr sawzaikas pron.
21
Yasi gheri kishti una al`el`aw paraw e to bo mocbi tasa nasenaw sarini zhe seo ughas al`el`aw ais.
22
Sual karikainaw ek gaderakaw mocaw ek moc Pahir noman aw zhe to pasha tasa khurai shuruis.
23
Zhe shehen` mai tasa bo ishkal`i araw ki mai c`utak c`u nashikas thi aw. Tu ita tan baza tasa thara thai ki se prust hiu zhe zinda hiw.
24
Phato se tasa som paraw zhe bo moc tasa pistaw paron zhe tasa thara pal`iman aini.
25
Phato ek istrizha kas ki dash zhe dua kaw shati l`ui pariman ashes.
26
Zhe bo dactaran pe bo azab uprai ais zhe tan saw ishnayari kharc`a kai asta tasa kia ajat ne hawaw ade asta l`ahaza hawaw.
27
Yasu e barauna sangai o mocan mocai tasa pistaw aw zhe tasa peran ac`utaw.
28
Koki se maiman ais ki a pe khal`I tasa peran mi asta pe ac`utis peo to prust him.
29
Phato ek dam tas l`ui parik band hawaw zhe se tan jhan una ajonaw ki a shesa lahaziaw pi prust hawaw.
30
Yasu ek dam tan mocaw shehen` jhoni ki mai pi takat nehaw tara mocbian mocuna pistaw ghri o amaw kura pai peran ac`utaw?
31
Tasa shagetan tasa kai aman tu jages dai ki mocbi tai thara pal`an dai pahto tu mas dai ki mai kura ac`utan?
32
Se saw c`aw gehenaw jagaw ki kura shama krom kai ais to pashaw.
33
Se istrizha kia ki tasa pi the ashes to c`iti o behi zhe ronziman aw zhe tasa ruaw shuruis zhe saw sai sai kai amaw.
34
Se tasa kai amaw c`u tai bhawaras thara tup rust hawi. Prust thi pari zhe tan l`ahazias pi bac ha.
35
Se shehen` maiman mi ais e ki sual karikainaw gaderakas moc ita tasa kai aman ki tai c`u anashaw. Ajo bandawaw as ko taklif des dai.
36
Kia mondr ki te diman aini Isaa to ne ko~ kaio sual karikainaw gaderakas kai amaw behi o mo. Kkali yakin thai.
37
Phato se Patras zhe Yakup zhe Yakup e bayas Yuhana sargairo warek kas tan som ikas ijazat ne praw.
38
To te sual karikainaw gaderakas dura on zhe se jagaw ki moc bo troin dai.
39
Zhe udreman paio tasi kai ama wabi ko tro dai? Istizha nashi ne aw dudi aw.
40
Te tasa thara katrikas pron magam se saw nehayo istrizhas ayas zhe dadas zhe tan malgiri gri kawa ki se istrizha ais udreman parau.
41
Zhe istrizhas baza gri tasa kai amaw Talita Qomi. Isa tarjuma o shia ki Ay istrizha a tai kai amam dai ki usti.
42
Se istrizha ek dam usti kasikas prau koki se dash zhe dua kal`an ais. Moc bo hairan hawan.
43
Phato se tasi kai hokum prau ki ama kura mo jonin aria zhe amaw ki istrizhas kia zuikas bati det.