1
Se phato ugh tada sabak dikas prau zhe tasa tada shohon bo moc sarini ki se ugh una ek kishti una pai nesaw zhe saw moc ughas nasenaw apau pron.
2
Zhe se ac`oik jiman bo mondr tasi c`ec`aw zhe tan sabak dekwew tasi ka amaaw.
3
Ko~ kara! Jaga ek phal`ik histaw phal`ik jikas praw.
4
Zhe histikwew shehen` hawaw ki ade phondas awatikai apal`an zhe pac`iak ita te azuhan.
5
Zhe ade o bat tharai apal`an tara o bop haw ne ashes zhe bop haw ne hikas wajen dai das ubujaw.
6
Zhe suri nehaw e te aduan zhe isnos ne hikas wajen dai as`us`an.
7
Ade o jhaw mocai apal`an zhe jhaw no~ thi te kak` ne aran.
8
Ade o prust c`om una apal`an zhe te ubujon zhe ghona hawaw zhe kurai ta beshi zhe das gunah ziad kurai o tre beshi ziad mewa aonan.
9
Phato se amaaw kas ki ko~ karikas bati ko~ shian te ko~ kara.
10
Se gezi thaw hawaw e to tasa malgiri zhe tasi dash zhe dua shagetan pe tasi ac`oikan barauna aphucaw.
11
Se tasi kai amaaw ki mimi kai khodayas bacaias mondr dai shiaw magam shatasi hatya kura ki bian an saw mondr ac`oik una hin.
12
Ki te jagai pashik bhan magam jonik o ne bhan.
Zhe ko~ kaio sangan zhe jonin o ne.
Shehen` mo hiw aria ki te muahi grin.
13
Phato se tasi kai amaaw kia abi shama ac`oik ne ajonil`i e? Dho~yo saw ac`oik khen~ kai jhona?
14
Bahaw khodayas mondr bel`.
15
Kurai ki phondas awatai shian kawa ki khodayas mondr ben dai shemi shate ki te sangaini e to shaitahan ek dam ita shato khodayas mondr kia ki tara bai ashini uprai hariu dai.
16
Zhe shehen` mi thi kia ki batan tharai bai ashini shemi shate kura ki khodayas mondr ko~ kayo ek dam khoshan thi te manin dai.
17
Zhe tan udreman isnos ne then dai khal`i ade wat hatya. Phato khodayas mondras wajen dai kia musibat yao kura zulum pe aran peo to ek dam shuruan dai.
18
Zhr kurai ki jhaw mocai bai ashini te warek kia. Shemi shate kura ki khodayas mondr ko~ aran.
19
Zhe dunias fikir zhe Dawlat zhe warek ishnayarian lalic` kai khodayas to mondr pin dai zhe teo phal`ik ne oni thaw hin dai.
20
Zhe kurai ki prust c`om una aban shemi shate kura ki khodayas mondr ko~ kai zhe to manin asta dai zhe phal~ik asta onin dai. Kura ta beshi zhe das kurai o tre beshi. Kurai o shor .
21
Phato se tasi kai amaw kia lalten shehen` gho~i onin dai ki shen` nohai then? Yao shehen`as bati ki tasi thaikain as jaiga una thaikas bati.?
22
Koki kia ishnayari lawan ne pai shiaw magam shehen` gho~i ki to pashan pariw zhe lawai o ne shiaw.
23
Kas sangaikas bati ko~ shiaw pe haw te ko~ kara.
24
Phato se tasi kai amaw khabardar hali ki kia sanga dai. Kia tol`uni gri abi tola dai shato mi gri mimi hatya asta tol`in zhe mimi o ziad den.
25
Koki kas som ki shiau tasa den zhe kas som ne hiu tasa pi shate asta kia ki shian tasa pi grin.
26
Se amaw khodayas badshahi shatasa rau kikura moc` c`omuna phal`ik jel dai.
27
Rat dudi zhe aduo usti zhe se phal`ik shehen` thi ubujiw zhe ghona hiw ki se o ne honiw.
28
C`om tan phalik oniw awel` po`. Phato s`ha tasa pistaw o phalik.
29
Phato se apac`aw pe haw to se ek dam moc s`atel dai koki l`aikas wat azhalaw.
30
Phato se amaw abi khodayas badshahi kas barabarek zhe kawa ac`oik una tasa bara una maik?
31
Se phalikas raw ki to c`om una aban pe haw se com aini saw phalikan pe c`utik hiu dai.
32
Magam aban pe haw se badi sawin pe ghona hiu dai zhe shehen` ghona shong nihin dai ki s~era aini pac`iak tasa c`ag una apaw den dai.
33
Se tasi kai shehen` bo ac`oik jiman tasi jonik bas kai khodayas mondr amaw.
34
Zhe se micmi o kia ne maiman ais magam gezi una tan shagetan kai saw mondran matlab maiman ais.
35
Shatara mi adua c`ak prau e to se tasi kai amaaw andaiaw al`el`aw parik.
36
Zhe se mocbi histi khen~ ki se ais kishti una ek thi paron zhe tasi som ade asta kishti asheni.
37
To bo khac`a se~ra prau zhe ugh shohon bo hawaw ki kishti una ugh puri hawaw.
38
Zhe se mi o pistaw dudi ais. Phato te to ustai o amaan Ay bandawaw tai kia fikir ne hiu dai e ki abi nashik dai?
39
Se usti ughas kai kahari hawaw zhe ughas kai amaw Cisti! Phato se~nra jek band hawaw zhe boa man hawaw.
40
Phato tasi kai amaaw abi ko behaw dai? Shonja zhe Bhawar ne kara dai e?
41
Zhe te bo behon zhe agoegin kai maikas pron ea kura Ki se~nra zhe ugh asta isa hokum manin dai?