1
Phato se sual karikaina ghri ataw zhe tara ek moc ais tasa baza sus`i ashes .
2
Zhe te tasa wal` thi apau pron ki ki se pe al`a sabatas adua pe prust araw pe haw tasa thara jhek.
3
Se tasa mocas kai amaaw kas baza sus`i ashes amaaw ki moc una c`isti.
4
Zhe tasi kai amaaw sabatas adua prust karel`i e yao shum krom? zhan bac karik e yao nashek? Te c`up apaw pron.
5
Se tasi dang hardian wajen dai pareshan thi zhe saw c`aw gehen kahari thi jagayo tasa mocas kai amaaw tan baza ruaw kari. Se ruaw arau zhe tasaa baza prust hawaw.
6
Phato Pharisi shatara mi bian payo Hiridian som tasa khilap una mashwara karikas pron ki to khen~ kai nashek.
7
Yasu tan shagetan som babayuk tada parau zhe Galil aini bo mocbi tasa pistaw on zhe Yahudia asta.
8
Yaroshelum zhe Adumia aini zhe Yardanaw al`el`aw zhe Sura zhe Saidaw s`oiyaw bo moc shehen` sangaiyo ki se khen~ kai ghona krom kariw dai tasa tada on.
9
Phato se tan shagetan kai amaaw bo mocan wajen dai mai hatya ek c`utak kishti tayar kara ki te mai no~ mo Karin aria.
10
Koki se bo moc prust kai ais. To kimon ki moc bo lahaz aini tasa thara shuruiman aini ki to c`utin.
11
Zhe shum arwah to pasheman aini e tasa ruaw shuruiman aini zhe tol` kai maiman aini ki tu Khodayas putr.
12
Se tasi kai bo prust kai maiman ais ki mai barauna ka kai mo ma.
13
Phato se dhen~ta una ustaw zhe kas ki se khoshaiman ais te tan tada khundiaw zhe te tasa tada on.
14
Se dash zhe dua akhojaw ki te tasa som apaw den zhe se te hutiw ki tasa bara una man.
15
Zhe shum Arwah nehaikas ikhtiar asta then.
16
Te shemi : Shamoon kas nom ki Patras athan.
17
Zhe Zabdi e putras Yakup zhe yakup e bayas Yuhana tasa nom Buaenargis matlab Garj e putr athan.
18
Indrias zhe Philpas zhe Bartulmai zhe Mati zhe Tuma zhe Halfahias putr Yakup zhe Tadi zhe Shamoon qanani.
19
Yahuda Iskaryoti se to griawais. Se dura aw.
20
Zhe shohon moc gheri sarini ki te au asta zhuk ne abhan.
21
To khoshawaw moc shehen` sangaio te grika nehon koki maiman aini ki se gezi aw.
22
Phikia kura ki Yaroshelum aini ita aini shehen` maiman aini ki tasa som Bahilzbol au zhe shehen` asta ki se shum Arwahan sardaras madadas thara shum Arwah nehel` dai.
23
Se te s`oi khundiayo tasi kai ac`oik jeman amaw ki shaithan shaithan khen~ kai nehel?
24
Zhe kawa mulk una pe shumi hawaw pe haw to se mulk ne bata thaw hiw.
25
Zhe kawa dura pe shumi hawaw pe haw te se dur asta ne bata thaw hiw.
26
Zhe shaithan asta pe tan som prust ne hawaw pe haw se asta thaw ne hiw khul hiw.
27
Magam kura moc kas takatwar mocas duarai ati tasa ishnayari ne harik bhaw shatara zhe ki se awel` to takatwar moc ne boniw. To se tasa dur c`enik bhaw.
28
A mimi kai sahi mam dai ki Adamas putrasi saw gunah zhe kia ki shum mondr te den dai mauh Karin pariw.
29
Magam kura pe Ruhulqudus e barauna pe kia shum mondr praw peo te akher una zhe muah ne grik bhan baliki hameshas gunah karaw hin.
30
koki te maiman aini ki isa udreman shum Arwah an.
31
Phato tasa ayas zhe tasa bayas on zhe bian c`isti to khundiawaini.
32
Zhe moc tasa nasenaw nesi aini zhe te tasa kai aman jagai tai aya zhe tai baya bian tai phuchin dai .
33
Se tasi kai shehen` jawab prau mai aya zhe mai baya kura?
34
Zhe shatasi thara kura ki tasa nasenaw nesi aini jagayo amaaw Jaga mai aya zhe mai baya shemi!
35
koki kura pe khodayas marzias thara akasaw peo shase mi mai baya zhe mai baba zhe aya.