1
Bo wat pistaw o se Kuphur Nahum wa~una gheri aw e to sangaini ki se dura aw.
2
Phato shohon moc sarini ki drawazas tada asta jaiga ne hawaw phato se tasi kai khodayas kitab aini sabak diman ais.
3
Zhe moc ek khuta caw mocan satawai griawayo tasa tada al`on.
4
Magam te bo mocbian wajen dai tara ik ne abhaan e to te to moc shatara dramia kawa ki se ais to umran zhe to khuta shen una kai tara l`apan.
5
Yasu tasi Bhawar pashi khutas kai amaw putr tai gunah muah hawan.
6
Magam tara ade Phiki moc nesi aini te tan hardiay ac`itan ki.
7
Ea ko shehen` maw dai? Shum mondr del dai khodayas sargairo kura gunah muah karik bhaw ?
8
Phato ek dam Yasu tan Arwahas pe pata kayo ki ali tan hardiay shehen` c`itin dai tasa kai amaw abi ko tan hardiay shehen` c`ita dai ?
9
Asan kia? Khutas kai shehen` maik ki tai gunah muah hawan yao shehen` maik ki usti zhe tan shen uprayo kasi?
10
Magam shehen` gho~i ki abi jona ki Adamas putras c`om una gunah muah karikas ikhtiar dai shiaw (se tasa khutas kai amaaw).
11
A tai kai mam dai usti tan shen uprayo tan dura hatya pari.
12
Phato se ustaw zhe ek dam tan shen uprayo tan sawin ruaw bian nehi paraw. Shatalako te saw hairan hawan zhe khoday ishtikhayo aman ki abi shehen` kai asta ne pasha aimi.
13
Se phato bian babayukas awatika parau zhe saw mocbi tasa tada on zhe se tasi sabak dikas praw.
14
Se pariman ais e to se Halphai as putras Lawi paisa griaw bian nesikwew apashaw zhe tasa kai amaaw mai pistaw ie. Phato se usti tasa pistaw paraw.
15
To shehen` hawaw ki se tasa dura au zhuika nesaw zhe bo paisa griaw zhe gunah garaw moc Yasu zhe tasa shagetan tada au zhuika neson koki te bo aini zhe tasa pistaw ita aini.
16
Zhe Pharisian Phiki to gunah garaw zhe paisa griawan som au zhuikwew pashio tasa shagetan kai amaaw ea paisa griwan zhe gunah Garawan som zhuw piw dai.
17
Yasu shehen` sangaio tasi kai amaw taza mocan dactar ajat ne lahazan ajat. A ujak mocan ne gunah garaw khundiaika itam.
18
Yuhana shaget zhe Pharisi roci gri aini. Te ita tasa kai amaan Yuhana shaget zhe Pharisian shaget ta roc`i then dai magam tai shaget o ko roc`i ne then dai?
19
Yasu tasi kai amaaw kia sambokas som iaw mocbi roci thek bhan e? kai zha ki sambok tasi som aw se roci ne thek bhan.
20
Magam shase adua iw ki sambok tasi pi desha Karin phato shatara o to te roci then.
21
Noa peranaw asho kura paranu peranai ne satel. Koki se phato noa paranuai hocun pai ade asta utrukiw.
22
Zhe noa d`a paranu dramai perai kura ne thel. Shehen aran pe haw dram zhe d`a beshi awdu uzuki barbad hin. Noa d`a noa awatai jai then.
23
Phato shehen` hawaw ki se sabatas adua c`et una dai pariman ais e zhe tasa shagetan phond una parikwew gum k`ak c`inikas pron.
24
Zhe Pharisi tasa kai amaaw jagai emi sabatas adua shehen` krom ko Karin dai kia ki ne kark bas?
25
Se tasi kai amaaw kia abi kai ne mai aa ki Daood kia kai ais se zhe tasa malgiri anora aini e?
26
Se ko Abiatar Sardar kahin e wat una khodayas dura paraw zhe se phawazikas bati thal`a au azhuaw te Kahin e sargairo kura zhuk ne bhaan zhe se tan malgiran asta praw.
27
Zhe se tasa kai amaw sabat mocan hatya sauz thi shiau moc o sabatas hatya ne.
28
To Adamas putr sabatas asta gaderak.