Ukuwumbulika Umutwe 4
1
Pansizi pakwe vyoo naweni, nga indola umulyango uwiyulwe mwiyulu. Amazwi yakutalichila yano nivwile yavwanganga kwenene ngati alipenga , nukuti, ''kwela zangako, nga njize nkulanjizye vino vifwile viwombwe pansizi pavintu vyoo.
2
''pampindi yoyo nayoyo nalinji muwuzimu, nga naweni indulu yikuwikwa mwiyulu, nawumwi wino wisile penepo.
3
Weyo wino wisile penepo walolekanga vino Jasipeli ne kaneliyani. Palinji umuvwevwelunvwe ukuliwilizya indulu. Umuvwevwelunvwe walolekanga vino amelodi.
4
Pawuziwulilwe wa ndulu palinji indulu amakumi yawili nayani, nga wano wisile pazyandulu walinji wasongo amakumi yawili nayani, awazwale ivizwalo vitiswe, nimpumpu zye golide pamitwe yawo.
5
Ukufuma ku ndulu kwizile ukwaka kwakamesya, ukujilimisya nupanta nukulipula kwa chiwulumo. Inyali munenulambali zyakanga pankolelo ya ndulu, inyali zino zyalinji imizimu munenulambali izye Leza.
6
Pankolelo pandulu palinji e sumbi we kalilole, umuyane ne kilisitoli. Mukasi mwa ndulu nakuwuziwulilwe wa ndulu kwalinji ivyelewulwe vini, ivyaminso ayakwane, pankolelo napansizi.
7
Ichelewulwa chakutalichila chalingine ni nkalamu, ichelewulwa chechitiwili chalingine nu mwanang'ombe ichelewulwa chechiyitatu chalingine nu muntu, ichelewulwa che chini chalingine ni zwanga.
8
Ivyelewulwa vini chonsi chalinji namapa mutanda, naminso ayakwane papela namwisika. Umusanya nuwusiku nanti kuleka uktui, '''mutele, mutele, umutele Amfumu Leza wamaka yonsi, wuno walinji, nawino ali , nawino akwiza.''
9
Ndipano ichelewulwa chawumi chikupa uwuchindami, umuchinzi, nukusalifya kwe wino ayisile pandulu, wino awakwikala penape,
10
wasongo amakumi yawili nayani waponile pansi pankolelo pe wino ayisile pandulu nukumupepa uwawumi wamuyayaya. Wanzile impumpu zyawo panklelo pandulu, nukuti,
11
umukankala awewe, Mfumu yitu ne Leza witu, pakupochela uwuchindami umuchinzi namaka, amuno welewuzile ivintu vyonsi, nga napakulonda kwinu vyazailwe swinya vyelewuzilwe.''