Ukuwumbulika Umutwe 5
1
Avyo naweni kwi kasa lyendilo lyewenga wino wisile pandulu wawalisile e kalata pankolelo swinya napansizi, chamatisilwe nivimatilo munenula mbali.
2
Naweni numungeli uwamaka akuwizya nizwi ikulu,'' weweni wino ayine ukwiyula e kalata swinya nukufwampula ivimatilo?"
3
Nawenga kupela nanti apansi nanti apamusili wamanyile ukwiyula ekalata pamwi ukuwazya.
4
Nene nalizile nkaninye pamulandu patazanilwe wumwi wuno ayine ukwiyula ekalata pamwi ukuwazya.
5
Kweni wenga muwa songo watili kwenene ,'' Mutalila. Lola! inkalamu amutundu wawa luko lwawa yuda awamusisi we Davidi, wachinya ali nukwiyula e kalata swinya nga nichimatilo munenulambali.''
6
Nene naweni umwana ng'onzi pakasi pamasyo yandulu swinya pavya wumi vimwi swinya napawa songo. walolesile nge akomwilwe. walinji nimpembe nunenulambali swinya aminso munenulambali yino amizimu munenulambali iya kwe Leza yino yatumilwe munsi yapansi.
7
Wayile swinya asenda kalata kunzi kwikasa lyendilo lyewenga wino wisile pandulu.
8
Pano walile wasenda kalata, ivyelewulwa vyawumi vini swinya wasongo amakumi yawili nayani waponile pansi pankolelo pa mwana wang'onzi. Wenga mwewoliwo walinji nivya kulizya swinya ni ndweso zye golide zino zyizwile nuwusule, yano amapepo ye Leza kuwantu awatele.
9
Wimbizile ulwimbo ulupya: '' ulingine ukusenda ekalata swinya pakwiyula ivimatilo vyakwe amuno mwakomilwe, swinya nuwazi wako wakazile awantu kwe Leza ukufuma kuluko lonsi, ivwango, awantu, ninsi.
10
Wewe wapannzile ukuwapa uwufumu swinya wasimapepo ukumuwombela Leza, witu swinya ukutula munsi.
11
Apano mnaweni swinya nivwile akampomezi kawangeli awavule waliwilizizye indulu swinya ni vya wumi swinya nawasongo. Impendwa yalinji nimyanda nimyanda swinya imyanda nimyanda.
12
Watili nizwi ikulu, '' amukankala umwana wanng'onzi, wino ati akomwa, ukupochela amaka, insawu, injelu, amaka, umuchinzi,uwukankala nulutuvyo.
13
Nivwile kuchelewulwa chonsi vyovyalinji mupela swinya napansi pamusili swinya nape sumbi_vyonsi mwevyo vyolivyo _vikuti, kwakwe wino wapungime pandulu swinya nakumwana ng''onzi ukutunya, umuchinzi, uwukankala, namaka yakutungulula, penape.''
14
Ivyelewulwa ivyawumi vini vyatili ,'' Amen!''swinya nawasongo awapona pansi nga awamupepa.