¹ Kumungeli wa keleziya ku Sardis walika: Amazwi ya wino walemile imizimu yekwe Leza munenulambali nga ni ntanda munenulambali."Manyile vino muwonvile. Muli ni mbili iyizima ukuti mwewumi, kweni mwewafwe. ² Nyamukani nukuwonya chino chisyazile kweni chili pakufwa, pamulandu ntazanile imlimo yinu yisizile muminso yakwe Leza wane. ³ Achaleka, yizuka chino watu pochelela nukuchivwa. Utontele, nukutontolokwa. Kweni ndi utakukatuka, ndiyiza ngati amung'o, nga utalimanya ampindichi yino ndiyiza pakulimbana nawewe. ⁴ Ukuwa ulinamazina yatichi mu sardis wano watakombezya amalaya yawo, swinya walipita nanene, wazwite ivitiswe, amuno awatele. ⁵ Weyo wino akuchinvya alizwikwa ivizwalo ivitiswe, nga ntalifumya izina lyakwe mwi buku lyawumi, swinya ndizumilizya izina lyakwe pankolelo pe Tata, napa wangeli wakwe. ⁶ Leka wino ali nikutwi, ayivwe chino akuvwanga ku makeleziya.''' ⁷ '''Kumungeli wakeleziya mufiladefya walika: 'Amazwi ye wino amutele numulungamane_alemile ifungulo lye Davide, akakwiyula pasi nanti awakwiyala, akakwiyala pasi nanti awakwiyula. ⁸ "'Manyile chino muwonvile. Lola, nati mbika pankolelo zyinu umulyango uwiyuke wuno pasi uwakwiyala. Manyile kuno muli namaka yatichi, lelo mwati mutontela amazwi yane swinya nanti kukana izina lyane. ⁹ Lola! wawo wano awa kwe sunagogi we satana wano wakuti awa Yuda pano wasi, kweni awawufi_ndipanjisya woliwo ukwiza ukusokowala pankolelo pamatamba yako, nga walimanya kuno nakukunda. ¹⁰ Pakuti usunzile isundo lyane nukuzizimichizya mukutekania, nani swinya ndikufumya kumpindi yakwelezwa yino yikwiza pansi yonsi, ukuwelezya wawo wano wakwikala munsi. ¹¹ Nkwiza nombanye. Ulemansye kwechino ulinacho nga patawa uwakufumya impumpu yako. ¹² Weyo wino awakuchinvya ndipanga ulupanda mung'anda yakupepelamo Leza. Atalitela afume swi kwe choo, nga ndiwalika peweliwe izina lye Leza wane, izina lya musumba lye Leza wane (Yelusalemu umupya, wino akwika ukufuma mwiyulu kwe Leza wane ), nizina lyane ipya. ¹³ Leka wino ali nikutwi, ayivwe chino umuzimu wukuvwanga kumakeleziya.''' ¹⁴ ''Kumungeli wakeleziya mu Lawodisiya walika: 'Amazwi yawantu, awayane nawakasimichizya wachisinka, wapanzya pa vyewulwa vyakwe Leza. ¹⁵ Manyile chino muwonvile, nukuti mwewa talale nanti kulungula. nkulondesya ukuti nge mwanga awatalale pamwi awalungule! ¹⁶ Lelo, pamulandu mwe watalale nuwulungule nanti kulungula pamwi ukutalala_ indi pakuwa luka mumulomo wane. ¹⁷ Amuno mukuti, 'nemuwotoke, indinavyo iviwombelo ivivule, ntakuluchila chimwi. ' kweni mutamanyile kuno mwewakutamisisya, awachitima, awasaluke, awantonko, nawachitali. ¹⁸ Teyelezyani kwilango lyane: kalani kumwane golide umwengululwe numulilo ukuti muwe mwe wawotoke, nga nawazikimile wavizwalo vitiswe pasipo muyizwike mwenga nga mutalolesya ukusozwa insoni kwawuchitali winu, nga pususyani ukupaka aminso yinu apano mulilola. ¹⁹ Nkasambilizya wensi wuno mukunzile, nga nkawasambilizya muno wangikalila. Achaleka, awakukangalika nukutontoloka. ²⁰ Lola, njimilile pamulyango nkukong'onsya . Ndi wumwi wivwa izwi lyane nukwiyulu mulyango, ndiyiza kumwakwe nukulya naweliwe, nga weliwe nanene. ²¹ Weyo wino akuchinvya ndimupa insambu yakwikala pansi nanene pandulu yane, ndivino nani swinya nachinvizye nga injikala pansi nu Tata pandulu yakwe. ²² Leka wino ali nikutwi, ayivwe chino umuzimu wukuvwanga kumakeleziya.'''''