¹ Lelo ndi Leza wazyulupusizye mwemwe ne Kilisitu, vwambani vintu mwiyulu, kuno Kilisitu ayisile kwikasa lyendilo ilye Leza. ² Yelengania kuvya vintu mwiyulu, kuvya vintu vya pansi awe. ³ Amuno mufwile, nga nuwumi winu wufisime ne Kilisitu Mwe Leza. ⁴ Pano Kilisitu waloleka, wino awumi winu, apano namwe swinya muliloleka naweliwe muwuchindami. ⁵ Ale, komani, ivyawi vyansi yapansi_ivyawuzelele, uwukandamane, ukuvwambichizya, ivikumbuchilwa iviwipe, nuwumfu, chino amakolania. ⁶ Aku vintu vyoo vino uwukalale we Leza wukwiza pa wana wantayivwila. ⁷ Amuvintu vyoo vino namwenye mwatezile mwapitamo pano mwalinji mwenemo. ⁸ Kweni kanonzi mufwile mufumye ivintu vyonsi vyoo_ uwukalale, ukufulwa, uwuzuwa, intusi, nivikandamane vyakufuma mumulo winu. ^{11 9} Mutati mwawipana, pakuti mwati mufumya umuntu wakali ni milimo yakwe, ¹⁰ nga mwati muwika umuntu umupya wino ati apangwa amupya muwumanyinsanie ukulingana kuchimanyikwilo che weyo wino welewuzile choo. Akulikuno kusi nanti amu Giliki nu Yuda, uwuputulwa nuwu ntaputulwa, uwakunzi, umusizyani, umuzya, umusapulwe, kweni Kilisitu awensi, swinya ali mwevyonsi. ¹² Achaleka, vino awasolwe we Leza, awatele nawa kundikwa, awa mwenzo wawila, awachikuku, ukuyichefya, uwufwase, nukuzizimichizya. ¹³ Ukuzumilizania. Wani awankumbu kwewe numuwuye. Ndiwumwi ali nukuyilumbusya nawumwi, mutetele munzila iyiliyonga yino imfumu yati yiwatetela mwemwe. ¹⁴ Papela pavintu vyonsi, muwe nulukundo, chino awunyepe wakufichilikwa. ¹⁵ Lekani umutende wutungulule mu mwenzo yinu. Chalinji acha mutende woo ukuti mwisilwe mumuwili wonga. Swinya muwe awakusalifya. ¹⁶ Lekani amazwi ye Kilisitu yawe mwakwe mwemwe muwuvule. Ninjelu zyonsi sambilizyani nukutalichilana we numuwuye na malumbo ni ndwimbo ni ndwimbo zyawuzimu. Yimbilanji nukusalifya mu mwenzo yinu kwe Leza. ¹⁷ Chonsinye chino mukuwomba, mumazwi pamwi mumilimo, wombani vyonsi mwi zina lya mfumu Yesu. Salifyani kwe Leza Etata ukupitila mwakwe weliwe. ^{21 18} wanachi, tontelani awalume winu, vino chiyine mu mfumu. ¹⁹ Mwewonsi, temwani awachi winu, swinya mutati muwe nuwulamba nawoliwo. ²⁰ Mwewana, yivwilanji awakwasi winu muvintu vyonsi, amuno achakusechelesya mu mfumu. Watata, mutafyenga awana winu, akulikuti watakatombololwe. ²² Mwe wazya, yivwilanji watatakulu winu ukulingana nakumuwili mwakwe vyonsi, asawuzya wapa minso, ngati awakusechelesya-wantu, kweni nu mwenzo wachine. Tinani Imfumu. ²³ Chonsi chino mukuwomba, wombanji ukufuma mu mwenzo vino aku mfumu asakwa wantu. ²⁴ Mumanye kuno muli pochelela ku mfumu ichawupi cha mpyani. Amfumu Kilisitu wino mukupyunjila. ²⁵ Amuno wensi wino akuwomba uwuntalungama alipochelela ichilambu pa wuntalungama wuno wawonvile, nga kusi nanti akutemwela.