¹ Watatakulu, panji awazya chino achizima ni chiyanane, pakumanya kuno namwenye swinya muli nu tatakulu mwiyulu. ² Twalilani umwamute mukupepa. Muwe aminso mwakwe vyovyo musalifya. ³ Pepelanji ponga naswe swinya, ukuti Leza ayiyule ichisakati pa mazwi, pakuvwanga inkama yachisinka iye Kilisitu. Pamulandu wakwe choo, ndi muvingololo. ⁴ Pepanji kuno zipizile nchipange ichete, vino nfwile nvwange. ⁵ Pitanji munjelu kwe wawo wano wali kunzi, nga muchite wangu pa mpindi. ⁶ Lekani amazwi yinu impindi nzyonsi yawe aya nkumbu. Walekani walungwe ni membe, akulikuti mumanye muno mungasuchila muntu wensi. ⁷ Ukuwa ku vintu ukulingana nanene, Etikasi alivimanyisya kwe mwemwe. Amwanitu umukundikwe, umuwonvi umusuwalikwa, nu muzya uwunji mu Mfumu. ⁸ Namutuma kwe mwemwe pakwe choo, ukuti muzipizile mumanye ivintu ivya kwakwe sweswe, nga nukuti awomye imyenzo yinu. ⁹ Namutuma ponga ne onesimasi, umusuwalikwa nu mwanitu umukundikwe, wino awenga uwe mwemwe. Wandi wawanene chonsi chino chiwonvilwe koo. ¹⁰ Arisistakas, uwamuvingololo uwunji, wawavwanzya, ne Mariko nye, umuvyala we Banaba(kuvye wino mwapochelezile umutantiko; ndi kwiza kwe mwewe, mumupochelele), ¹¹ nga swinya ne Yesu wino akwitwa Justus. Waa wonga awaputulwe awawonvi awanji ku wufumu we Leza. Walinji awakumyalilika kwe nene. ¹² Epaphras wawavwanzya. Awenga uwe mwemwe nu muzya we Kilisitu Yesu. Impindi zyonsi akatamichila mwemwe mwipepo, ukuti mufwile mwimilile ukufikapo nukusimichilwa nkani mwakwe vyonsi ukulonda kwe Leza. ¹³ Amuno ne kamboni wakwe weliwe, ukuti akawomba ukufwilichila pakwe mwemwe, kwe wawo awa lawodikaya, nga nawawo awa mu Hirapolisi. E ¹⁴ Luka ekalola umukundikwe ne Demas wawavwanzya. ¹⁵ Vwanzyani awanitu mu lawodikaya, ne Nayimpha, nga ni Keleziya lino lili mung'anda yakwe. ¹⁶ Pano kalata wee wawazwa mwakwe mwemwe, awazwe swinya mu Keleziya ya wa Lawodikaya, nga mulole swinya ukuti mwemwe muwazye ekalata ukufuma ku Lawodikaya. ¹⁷ Uti kwe Archippus, ''Lola ku mulimo wuno watupochelela mu Mfumu, ukuti ufichilisye. '' ¹⁸ Ukuvwanzya koo kuli ni kasa lyanenye_Pauli. Yizuka ivingololo vyane. Inkumbu ziwe namwemwe.