¹ ຕໍ່ ໄປນີ້ ແມ່ນ ລາຍຊື່ ປະຫວັດ ເຊື້ອສາຍ ຂອງ ອາດາມ. (ເມື່ອ ພຣະເຈົ້າ ໄດ້ ສ້າງ ມະນຸດ ນັ້ນ ພຣະອົງ ໄດ້ ສ້າງ ເຂົາ ໃຫ້ ມີ ຮູບ ລັກ ສະນະ ຄື ພຣະອົງ. ² ພຣະອົງ ໄດ້ ສ້າງ ພວກເຂົາ ໃຫ້ ເປັນ ເພດ ຊາຍ ແລະ ເພດຍິງ ອວຍພອນ ພວກເຂົາ ແລະ ຕັ້ງ ຊື່ ໃຫ້ ພວກເຂົາ ວ່າ, “ມະນຸດ”) ³ ເມື່ອ ອາດາມ ອາຍຸ ໄດ້ 130 ປີ, ລາວ ມີ ລູກຊາຍ ຜູ້ໜຶ່ງ ຊື່ ວ່າ ເຊດ ຜູ້ ທີ່ ຄ້າຍ ຄື ກັບ ລາວ ເອງ. ⁴ ຫລັງ ຈາກ ນັ້ນ ອາດາມ ຍັງ ມີ ອາຍຸ ຍືນ ຍາວ ມາ ອີກ 800 ປີ. ລາວ ມີ ລູກ ຊາຍ ຍິງ ອີກ ຫລາຍ ຄົນ ⁵ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 930 ປີ. ⁶ ເມື່ອ ເຊດ ອາຍຸ ໄດ້ 105 ປີ ລາວ ໄດ້ ລູກຊາຍ ຜູ້ໜຶ່ງ ຊື່ ວ່າ ເອໂນດ ⁷ ແລະ ມີ ອາຍຸ ຍືນ ຍາວ ມາ ອີກ 807 ປີ. ເຊດ ມີ ລູກ ຊາຍ ຍິງ ຫລາຍ ຄົນ ⁸ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 912 ປີ. ⁹ ເມື່ອ ເອໂນດ ອາຍຸ ໄດ້ 90 ປີ ລາວ ໄດ້ ລູກຊາຍ ຜູ້ໜຶ່ງ ຊື່ ວ່າ ເກນານ ¹⁰ ແລະ ມີ ອາຍຸ ຍືນ ຍາວ ມາ ອີກ 815 ປີ. ເອໂນດ ມີ ລູກ ຊາຍ ຍິງ ຫລາຍ ຄົນ ¹¹ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 905 ປີ. ¹² ເມື່ອ ເກນານ ອາຍຸ ໄດ້ 70 ປີ. ລາວ ໄດ້ ລູກຊາຍ ຜູ້ໜຶ່ງ ຊື່ ວ່າ ມະຫາລາເລນ ¹³ ແລະ ມີ ອາຍຸ ຍືນ ຍາວ ມາ ອີກ 840 ປີ. ເກນານ ມີ ລູກ ຊາຍ ຍິງ ຫລາຍ ຄົນ ¹⁴ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 910 ປີ. ¹⁵ ເມື່ອ ມະຫາລາເລນ ອາຍຸ ໄດ້ 65 ປີ, ລາວ ໄດ້ ລູກຊາຍ ຜູ້ໜຶ່ງ ຊື່ ວ່າ ຢາເຣັດ ¹⁶ ແລະ ມີ ອາຍຸ ຍືນ ຍາວ ມາ ອີກ 830 ປີ. ມະຫາລາເລນ ມີ ລູກ ຊາຍ ຍິງ ຫລາຍ ຄົນ ¹⁷ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 895 ປີ. ¹⁸ ເມື່ອ ຢາເຣັດ ອາຍຸ ໄດ້ 162 ປີ ລາວ ມີ ລູກຊາຍ ຜູ້ໜຶ່ງ ຊື່ ວ່າ ເອນົກ ¹⁹ ແລະ ມີ ອາຍຸ ຍືນ ຍາວ ມາ ອີກ 800 ປີ. ຢາເຣັດ ມີ ລູກ ຊາຍ ຍິງ ຫລາຍ ຄົນ ²⁰ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 962 ປີ. ²¹ ເມື່ອ ເອນົກ ອາຍຸ ໄດ້ 65 ປີ. ລາວ ມີ ລູກຊາຍ ຜູ້ໜຶ່ງ ຊື່ ວ່າ ເມທູເສລາ. ²² ຫລັງ ຈາກ ນັ້ນ ເອນົກ ກໍ ໄດ້ ຕິດຕາມ ພຣະເຈົ້າ ໄປ ຕື່ມ ອີກ 300 ປີ ແລະ ມີ ລູກ ຊາຍ ຍິງ ຫລາຍ ຄົນ. ²³ ເອນົກ ມີ ອາຍຸ ທັງ ໝົດ 365 ປີ. ²⁴ ລາວ ໄດ້ ດຳເນີນ ຊີວິດ ໃນ ຄວາມ ສາມັກຄີທໍາ ຕິດສະໜິດ ກັບ ພຣະເຈົ້າ ແລະ ລາວ ກໍ ໄດ້ ຫາຍຕົວ ໄປ ເພາະ ພຣະເຈົ້າ ໄດ້ ຮັບ ເອົາ ລາວ ໄປ. ²⁵ ເມື່ອ ເມທູເສລາ ອາຍຸ ໄດ້ 187 ປີ ລາວ ມີ ລູກຊາຍ ຜູ້ໜຶ່ງ ຊື່ ວ່າ ລາເມັກ ²⁶ ແລະ ມີ ອາຍຸ ຍືນ ຍາວ ມາ ອີກ 782 ປີ. ເມທູເສລາ ມີ ລູກ ຊາຍ ຍິງ ຫລາຍ ຄົນ ²⁷ ແລະ ໄດ້ ຕາຍໄປ ເມື່ອ ລາວ ອາຍຸ ໄດ້ 969 ປີ. ²⁸ ເມື່ອ ລາເມັກ ອາຍຸ ໄດ້ 182 ປີ ລາວ ມີ ລູກຊາຍ ຜູ້ໜຶ່ງ ²⁹ ແລະ ລາວ ເວົ້າ ວ່າ, “ເດັກ ນ້ອຍ ຜູ້ ນີ້ ຈະ ເລົ້າໂລມ ພວກເຮົາ ໃຫ້ ຫາຍ ຄວາມ ອິດເມື່ອຍ ຈາກ ວຽກງານ ໜັກ ເນື່ອງ ຈາກ ອົງພຣະ ຜູ້ ເປັນເຈົ້າ ໄດ້ ສາບແຊ່ງ ດິນ. ” ສະນັ້ນ ເພິ່ນ ຈຶ່ງ ໃສ່ ຊື່ ເດັກ ນັອຍ ນີ້ ວ່າ ໂນອາ. (ຫ) ³⁰ ລາເມັກ ມີ ອາຍຸ ຍືນ ຍາວ ມາ ອີກ 595 ປີ ແລະ ມີ ລູກ ຊາຍ ຍິງ ຫລາຍ ຄົນ. ³¹ ລາວ ໄດ້ ຕາຍໄປ ເມື່ອ ລາວ ອາຍຸ ໄດ້ 777 ປີ. ³² ເມື່ອ ໂນອາ ອາຍຸ ໄດ້ 500 ປີ ໂນອາ ມີ ລູກຊາຍ ສາມ ຄົນ ຄື: ເຊມ, ຮາມ ແລະ ຢາເຟດ.