¹ Nomba chawomvilwe pano ayantu yamukonganilanga Yesu nukuvwichisha kwizwi lyakwe Leza, ilyakuti wimilile mu mbali mu li yemba uwa Genezaleti. ² Waweni amawato yayili yali mumbali muli yemba. Yakalema yanswi yafumile na mwenemo yali pakufula amakonde yawo. ³ Yesu winjile mu wato wonga, wuno walinji uwakwe Simoni, nukumunena ukuti ayinjile nawo mumanzi pakalutala kanono. Apano wikazile pansi nukusambilizya ayanthu yano yali kunzi ukwi wato. ⁴ Lino wamala ukuvwanga watili kuli Simoni, ''Senda uwato uwinjile pakasi pa manzi usumbile konde ukuti muleme.'' ⁵ Simoni waswike ukuti, ''Mwene, tuwomvile wusiku wonsi nukuti tutalemile nanthi yimwi, kweni pizwi linu, nimasumbila imikwawo,'' ⁶ Lino yachita chii, yalemile inswi izivule sana, nga namakonde yawo yalepukanga. ⁷ Apano yawalanjile awuze yano yalinji mu wato wuze ukuti yize ya wavwe. Yizile nukuzuzya amawato wonsi yayili, nukuti yatalike ukunwela . ⁸ Kweni Simoni Peteli, lino walola chii, waponile mumakulu yakwe Yesu, ati, ''Mufumepo pali nene, oakuti nemononyi, Mwene.'' ⁹ Pakuti wazungwike, nawonsi yano wali nawo, pakulema kwanswi kuno kwachitike. ¹⁰ Chii chawapazi Yakobe na Yohani, ayana yakwe Zebediya, yano yalinji ayawuze yakqe Simoni. Yesu watili kuli Simoni, ''utatina, pamulandu wakuti ukutalika ilelo wandi walema ayanthu.'' ¹¹ Lino yiza na mawato yawo pano yakatuchile, yasile vyonsi nukumukonkha. ¹² Chizile chaya ndi vii pano wali mumusumba wumwi, umunthu wino walinji na mapute. Lino wamulola Yesu wayile pamanso pakwe nu kulenga ukuti, ''Mwene, ndimungalonda, mungaswefya.'' ¹³ Apano Yesu wasenzile ikasa lyakwe nu kumulema, ati, ''Nkhulonda. Swepa.'' Pansita yiyo kwene wapozile. ¹⁴ Wamusundilichizizye ukuti utati umuwuzye umunthu nanthi wumwi kweni wamunenyile ukuti, ''Pita munzila yako, nukuya yilanjizya wenga kuli yasimapepo nukupa ichawila pa kupola kwako, ukulingana na vino Mose wapingwile, pa wusimisi kuli woliwo.'' ¹⁵ Kweni pali chino wafisizye achileachimanyikwa konsi, ngi wumba lya yanthu lizile alikongana pali pamwi ukumuvwa pano ukusambilizya nukupola kwa wulwale wakwe. ¹⁶ Kweni weni watolwike ukuya kumapoli nukuya pepa. ¹⁷ Wizile uwanda wonda panda yalya yano wasambilizyanga, nupya yayanga nayasambilizi ayawupinguzi yano yafumile kumizi iya Galileya na Yudeya ukufuma mu Yelusalemu. Amaka yakwe Mwene yali nawe ayakupozya. ¹⁸ Nomba awonsi yamwi yizile yanyamwile pachitanda umunthu wumwi wino wino wafwile mbali, nga apano yalondanga inzila iyakuti yinjilile nawe mukasi ukuti yamuyike pansi pankholelo pali Yesu . ¹⁹ Yatayizanyile inzila ukuti yize nawe umukasi umulandu wiwumba , apano yayile papela pang'anda nga yamwinjizge ukupitila pamuson, pachitanda chakwe, pakasi pawanthu, wayile pankholelo pali Yesu. ²⁰ Ukulola ulusuwilo lwawo , Yesu watili , '' Monsi uwononyi wako wakutetela wewe.'' ²¹ Yakawalika na Falisayi yatalike ukuwuzichisya pali chino , nukuti yatile ,'' Aweni wino wuno akuvwanga vino? Wino angatetela uwononyi kweni Yesu mutupu?'' ²² Kweni Yesu, ukwelenganya vino yelenganyanga , waswike nga wavwanzile kuli woliwo,'' Ichani chino mukukolowozga chino mumyenzo yinu? ²³ Ichani chino ichipepuke pakuvwanga ukuti , ''' Uwononyi wako wakutetela ' nanthi ukuti ' Katuka nga upite'? ²⁴ Kweni mufwile mumanye ukuti umwana wa munthu ali namaka yakutetela uwononyi ,''- watili ukumunthu wilya -''Nkhukunena , nyamjuka , nyamula ichitanda chako nga yanga ukung'anda yako .'' ²⁵ Papokwene wakatwike pankholelo pawo nga wanyamwile ichitanda pano walazile . Apano wayile kung'anda yakwe,akumulumbula Leza ²⁶ .Wensi wazungwike nga yamulumbwile Leza . Yazuzile ninthete, nga yatili , '' Twalola ivyakuzungusya lelo.'' ²⁷ Lino ivinthu vino vwachitwa , Yesu wafumile penepo papa nga waweni kasontchesya misonkho wino wamwanga Levi ayikazile pachitenthi chakwe yakasontchesya . Watili kukli weliwe ,'' Nkhonkha .'' ²⁸ Apano Levi wakatwike nukumukonkha , ukusya chilichonsi kunsizi. ²⁹ Apano Levi wasenginye ichakulya umunyanda yakwe chakwe Yesu . Mwali yakasonchesya yamisinkho avule sana umunyanda yakwe nga nayanthu yawuze yano yikazile pitewulo nga yalyanga nawo. ³⁰ Kwene aya Falisi na yakawalika yawo yayilizinye kuya londezi yakwe , yatili, '' Ichani chino ukulya nu kunywa nayakasontchesya misonkho nawononyi?'' ³¹ Yesu wawaswike , '' Ayanthu yali ningo yasilonda sing'anga ; yalya yatupu ayalwale. ³² Nthiza pakwama ayalungamane , kweni awononyi ukuti yalape.'' ³³ Yatili kuli weliwe ,'' Ayalondezi yakwe Yohani yasala ukulya nukupepa, nga nayalondezi yawa Falisi yakawomba chilichonga . Kweni ayalondezi yako yakulya nukunywa.'' ³⁴ Yesu watili kuli woliwo,'' Wuzge pali wumwi wuno angama ayanthu kuchikwati zuwazuwa pano siwinga achili ali nawo? ³⁵ Kweni uwanda wuliza pano siwinga alisenda ukufuma pali woliwo, apano mumanda yalya kwene apano yalisala ukulya .'' ³⁶ Apano Yesu wavwanzile umulumbe kuli woliwo. '' Pasi nawumwi wino akalepula umwenda ukufuma kumwenda uwupya nukuwombela ukuti agambichile umwenda uwukali. Nanthi akuwomba chicho, alilepula umwenda uwupya, nga akamwenda ukufuma kukamwenda akapya kataliyana numwendfa uwukali. ³⁷ Pasi nawumwi wino akayika uwengwa mundala. Nanthi wawomba chicho, uwengwa uwupya wulifulusya indala, nga uwengwa wulitika , nga nindala yilononeka . ³⁸ Kweni uwengwa uwupya wuyikwe mumutele uwupya . ³⁹ Pasi nawumwi nanthi wang'wa indala akalonda uwupya, muno akuti, 'Uwukali wuli ningo.'''