¹ Nomba chachitikwe pa mulungu ukuti Yesu wapitanga muchalo, nga nayalondezi yakwe yasolelanga imitwe yambezu, ukuzipukusa namakasa yakwe, nukulya. ² Kweni yamwi aya Falisayi yavwanzile, '' Ichani chino mukuwomba chimwi chino sichakuzumilizwa ukuwomba pa wanda wa Mulungu?'' ³ Ukuwasuka woliwo, Yesu watili, '' Wuzye mutawelenzile vino David wawonvile pano wali ninzala, weliwe na yanthu yano yali nawo? ⁴ Winjile mung'anda yakwe Leza nga wasenzile umukate wakwe yano yali papa nukulya wumwi, nga wawapile umukate wumwi ukuyanthu yano wali nawo ukuti yalye, nanthi wuli chazumilizwe ukuti yalye yasimapepo yatupu.'' ⁵ Apano watili kuli woliwo, '' Umwana wamunthu a Mwene wa Mulungu.'' ⁶ Chachitikwe nupya pa Mulungu wuze ukuti wayile mu Sinagogi nukuyasambilizga ayanthu mumu. Umunthu wali palya wino ikasa lyakwe lyakwe ndilo litawombanga. ⁷ Yakawalika naya Falisayi yamulolechesyanga sana ukuti yalole nanthi angapozya wumwi pa mulungu, ukuti yazane ichifukwa ukuti yamulongde. ⁸ Kweni wamanyile vino yelenganyanga ngawatili kumunthu wilya wuno ikasa lyakwe litawombanga , '' Nyamuka yimilila pano pakasi payanthu wonsi.'' Apano umunthu wimilile nukwimilila palya. ⁹ Yesu watili kuli woliwo, ''Nkhuwakolowozya, ichakuzumilizwa pawanda wamulungu ukuwomba ichisuma nanthi ukuwomba ichiyipe, ukupususya uwumi nanthi ukuwonona ?'' ¹⁰ Apano wawalolechesizye wonsi nukumunena umunthu wilya , '' Wololosya ikasa.'' Nga wachisilo chicho kwene, nga ikasa lyakwe lyawelile. ¹¹ Kweni yazuzile nichipyu nga yavyanzile wenga numuze chino yangawomba kuli Yesu. ¹² Chachitikwe mumanda yalya pano wayile kumwamba pakupepa. Wapitilizizge mphaka wusiku wonsi ukupepa kuli Leza . ¹³ Lino kwacha , wawamile ayalondezi yakwe, nga wasozile pali woliwo ikumi lyonga nayayili yano wawamile ayapositoli. ¹⁴ Amazina yawapositoli yalya yali Simoni (wino wamwamile Peter ) nga nayanyina wakwe Andileya, Yakobe, Yohani, Filipu, Bartholomew, ¹⁵ Mateyo, Tomasi, Yakobe umwana wakwe Alphaeus, Simoni wina wamwanga Zealot, ¹⁶ Yudasi umwana wakwe Yakobe, nga na Yudasi iscariot, wino wizile wamukana . ¹⁷ Apano Yesu wizile wika nawo ukuya pansi pamwamba nga wimilile apatengane niwumba lya walondezi yakwe nayanthu imphendwa iyikulu ukufuma ku Yudeya naku Yelusalemu namumbali mjuli yemba waku Taya na Sidon. ¹⁸ Yizile pakuvwichisya kuli weliwe nupola kundwala zyawo . Ayanthu yano yachulanga nimipasi iyiyipe nawo yapozile . ¹⁹ Wensi umwiwumba wezyanga ukuti amuleme umulandu amaka yakupozya yafumanga muli weliwe, nga wawapozizye wonsi . ²⁰ Apano wawalolechesizye ayalondezi yakwe nukuvwanga ukuti , '' Mweyalote mweyanthu mweyasaluke, muno uwino uwumwene wakwe Leza . ²¹ Mweyalotwe mweyanthu muli ninzala nomba , muno mulilya . Mweyalotwe mweyanthu mukulosya nomba , muno mulisechela . ²² Mweyalotwe mweyanthu nanthgi ayanthgu yawapata , nga nanthi yawapawula nukuwatuka nukuwakana amazina yinu ngati ayayipe, umulandu wa mwana wa munthu. ²³ Sechelini pawanda wulya nukugowola ululusechelo, umulandu mulipochelela ichawupi kupela , muno yakuku yawo yawasenzile ayantchimi chilichimwi. ²⁴ Kweni umukosi kuli mwemwe mweyakankhala, muno mupochile kali umutende winu. ²⁵ Umukosi kuli mwemwe mweyanthu mwikwite nomba muno muliya ninzala munkholelo. Umukosi kuli mwemwe mweyanthu nomba mukuseka , muno mulilosya nukuya nichitima munkholelo. ²⁶ Umukosi kuli mwemwe pano ayanthu wonsi yakuvwanga ivisuma vyakwe wewe, muno avino yakuku yawo yawasendile ayantchimi ayawufi. ²⁷ ''Kweni nkhuvwanga kuli mwemwe mweyanthu mukuvwichisya , muwakunde ayalwani yinu nga wombini ichisuma kuli yano yawapata mwemwe. ²⁸ Walotini yano yakuwatipa nukuwapepela nayano yakawayinva. ²⁹ Kuli wino akukuma wewe kwitama lyonga, mupe lyuze. Nanthi wumwi wasenda inkhanzu yako, musye asende nupya ishati. ³⁰ Mupe wensi wino akulenga kuli wewe. Nanthi wumwi wasenda chimwi chakwe wewe , utamuwuzya ukuti akuwewezezye. ³¹ Ngati muno mukulondela ukuti ayanthu yachite kuli mwemwe muwombe chilichimwi kuli woliwo. ³² Nanthi mukukunda sile ayanthu yano yawakunda , inkhongolechi yiyo kuli mwemwe? Muno nawononyi yakakunda yano yawakunda. ³³ Nanthi mukuwomba ichisuma kuyanthu yatupu yano yakawomba ichisuma kuli mwemwe , inkhongolechi yiyo kuli wewe? Muno nawo awononyi yakawomba chilichimwi. ³⁴ Nanthi ukwazimya ayanthu yano ukumanya ukuti yaliwezya, inkhongolechi yiyo kuli wewe? Muno nawononyi yakayazimya awononyi, ukuti yizre yasende imphendwa yilitimwi . ³⁵ Kweni yakundini ayalwani yinu nupya muwombe ivisuma kuli woliwo. Yazimya , utalonda nachimwi ichakuwezya , nga ichawupi chako chiliya ichikalamba , nga muliya mweyana yakwe wino umukalamba sana, muno weliwe ali nuluse ukuyanthu tyano yasisalifya nayayipe. ³⁶ Muye mwe yaluse, ngati muno tata winu ayelile . ³⁷ Mutapingula , nga utalipingulwa. Utasula , nga nawe yatalikusula . Watetela ayawuzo, nawe ulitetelwa. ³⁸ Pela, nga chilipelwa kuli wewe. Umwenzo uwusuma -wuno walyatililwa, ukutensya ponga nukusamphuka- wulitichilwa pali wewe.Muno nichipimo chino ukuwombela, chilipimwa nupya kuli wewe.'' ³⁹ Apano wawawuzizye nupya ichili, '' Wuzye nthonkho angamukolelela nthonkho muze? Nanthi angawomba , wonsi yangaponela muchiwina , wuzye yatange yaponele? ⁴⁰ Umulondezi sumukalamba ukulusya umusambilizi wakwe, kweni wensi nanthi wasambilila sana aliya ngati umusambilizi wakwe . ⁴¹ Ichani chino mukulola utupapa utunono tuno mjuli mwilinso lya munyina wako, kweni utakulola ichisinga chino chili mwilinso lyako? ⁴² Ungavwanga wuli kumunyina wako, 'Munyina , zanga nkhufumye akachipapa kano kali mwilinso lyako,' pano wemo utakulola ichisinga chino chili umwilinso lyako? Mweyasonvi! Ichakutalika fumya ichisinga chino chili umwilinso lyako, apano ulalola ningo pakufumya akapapa kano kali umwilinso lya muto wako. ⁴³ Muno pasi umuti uwuzima nawumwi wuno wukaseka ivikomwa iviwole , nupya kusi umuti uwuwole wuno wukaseka ivikomwa ivisuma . ⁴⁴ Muno umuti wonsi wukamanyikwa nivikomwa vyakwe vino wukaseka . Muno ayanthu yasikunthula umukuyu ukufuma kumuti wamyunga, ⁴⁵ Umunthu umuzima ukufuma kuvwakusengula ivizima ivyamwenzo wakwe wukaleta vino ivisuma , nga numunthu umuyipe ukufuma kuvwakusengula iviyipe ivyamumwenzo wakwe wukaleta vino iviyipe . Muno ukufuma kuvivule ivyamumwenzo wakwe umulomo wukavwanga . ⁴⁶ ''Ichani chino mukungama, 'Mwene, Mwene,' nanthiwuli musiwuvwila ivinthu vino nkhuvwanga ? ⁴⁷ Umunthu wensi wino akwiza kuli nene nukuvwa amazwi yane nukuwazumila, Ndiwanena muno ayelile . ⁴⁸ Ali ngati umunthu wino akuzenga ing'anda , wino winvile pansi nukuzenga inthaliko yang'anda yakwe piwe. Lino amanzi yiza, amanzi yapisile pang'anda yilya kweni yatayitensizye, umulandu yazenzulwe ningo. ⁴⁹ Kweni umunthu wino akuvwa izwi kweni atakuwuvwila , ali ngati umunthu wino akazenga ing'anda papela pamulundu ukwawula inthaliko. Nanthi amanzi yiza nukupita pang'anda yilya , papokwene yaponyile, nganukononeka kwa ng'anda yilya kwasizile.''