¹ Chachitike pamulungu wumwi, pano winjile umung'anda yakwe wenga umukoleleli wawa Falisayi pakulya umukate , nga apano yamulolechesyanga sana. ² Chenjelini, pankholelo pakwe pali umunthu wumwi wino wavimbanga indilwa . ³ Yesu wakolowozizge yakamanyimanyi mumasunde yakuyuda naya Falisayi ,'' Wuzge ichiyipe ukupozya pamulungu nanthi awe?'' ⁴ Kweni yamyalile . Apano Yesu wamusenzile , nukumupozya , nukunena ukuti apita . ⁵ Watili kuli woliwo , ''Aweni pali mwemwe ali numwana nanthi inkhambaku wino angaponela umuchifula pawanda wamulungu atange papokwene amufumye ?'' ⁶ Yaposilwe ukwasuka pavinthu vino. ⁷ Lino Yesu walola muno yano yawamile yakusolela ivilimba vyawo, wizile wavwanga umulumbe, ukuti kuli woliwo , '' ⁸ Nanthi wumwi wakwama kuwinga , mutikala pansi pachilimba chapapela , umulandu wumwi yangalanga yamwamwile wino uwapapela ukulusya wewe. ⁹ Nanthi umunthu wino awamile mwensi yayili wiza , aliti kuli wewe, ' fuma penepo mupele wino umuzo ichilimba ,' nga munsonyi ulikala pachilimba chapansi. ¹⁰ Kweni nanthi yakwama, yanga ukikale pachilimba chapansi, umwakuti nanthi wiza wino wakwamile , angati kuli wewe, 'Munji, kikale pachilimba chapapela chilya .' Apano ulachindama pali wonsi yano yikala nawewe pitewulo. ¹¹ Muno wensi wino akuyikwezga yalimwisya , nga nawino akwiyisya yalimukwezga . '' ¹² Yesu watili ku monsi wino wamwamile , '' Nanthi ukupela ichakulya , utayama awuzo nanthi ayato yako nanthi ayakamu yako nanthi ayapalamani ayakankhala , , pakuti nawo yangakwama , nga pali vino ulalipilwa . ¹³ Kweni nanthi ukupa ichakulya , yama ayapotwe, ayalemale , nayanthonkhop, ¹⁴ nga ulalotwa, umulandu yatalikulipila . Muno ulalipilwa paluzusyo lwa yalungamane .'' ¹⁵ Wenga wakwe yano yikazile na Yesu pitewulo wuvwile vino , watili kuli weliwe , '' Umulotwe awino alilya umukate muwumwene wakwe Leza !'' ¹⁶ Kweni Yesu watili kuli weliwe , '' Umunthu wumwi wasenginye ichakulya chamanguzi ichivule nga wamile ayinji. ¹⁷ Lino yasenganya ichakulya, watumile uwantchito wakwe ukuti akame yano wawamile , ' Yizini, pakuti vyonsi vyasenganywa. ' ¹⁸ ''Wonsi ichilichimwi yatalike ukukana. Uwakutalika watili kuli weliwe , ' Nkhazile ichalo , nkhulonda inje nkhachilole . Munjelele nkhachilole .' ¹⁹ ''Muze watili ,' nakala inkhambaku amapeya yasano, nga nkhulonda ukuti nkhazyezye. Munjelele .' ²⁰ '' Apano umunthu wumwi watili ,' Nthwazile umwanachi, nga achino nthange nize.' ²¹ '' Uwantchito wizile nga wamuwuzizye umukalamba wakwe ivinthu vino. Apano umwenecho wang'anda wasosile nga watili kumuwonvi wakwe , ' Fuma zuwa yanga umunzila namumisewo yamumisumba nga ulete ayapotwe, ayalemale , nga nayanthonkho . ' ²² '' Uwantchito watili, 'Bwana, chino mwavwanzile chachitwa, ngawuli pachili pali umwenkho. ' ²³ ''Umukalamba watili kuwantchito wakwe , 'Yanga mumisewo iyikalamba namumisewo iyinono nga ukawanene ukuti yize, ukuti ing'anda yane yingazula . ²⁴ Muno nkhuti kuli wewe, pasi nawumwi wino namwamile alezya ichakulya.''' ²⁵ Nomba iwumba lyapisile nawe, nga wawalolechesizge nukuti kuli woliwo, '' ²⁶ Nanthi wumwi wiza kuli nene nga atakumupata tata wakwe, mama wakwe, umuchi wakwe, ana kwe, ayato yakwe nayanyina nga nuwumi wakwe , atangaye umulondezi wane . ²⁷ Wino asikunyamula uwuchingane wakwe nga nukwiza kuli nene atangaye umulondezi wane. ²⁸ Muno aweni muli wewe akukumbwa ukuzenga ichipilala asiyikala tasi pansi nukulolechesya vino vikulondwa ukuti awelenjele vino vikulondwa ukuti amanye nanthi ali navyo ukuti amalizye? ²⁹ Amuno , nanthi wazenga inthandiko nga wapotwa pakumalizga , wonsi yano yakulola yalitalika ukumusoweka , ³⁰ nukuti , ' Umunthu wino watalike ukuzenga nga waposilwe ukuti amalizye .' ³¹ Nanthi amwenechi, wino nanthi akulonda ukukomenkhana namwene muze ku nkhondo, atalikala pansi tasi nga nukumunena nanthi angalwa namwene nawonsi yakwe ikumi lyonga wino akwiza nawonsi yakwe imyanda amakumi yayili( 20 000)? ³² Nanthi ha, pano umukeya muze achili ali ukutali , akatuma umwimilili nukukolowozya ivyamutende . ³³ Achino , wensi wakwe mwemwe wino asikupa vino ali navyo atangaye umulondezi wane . ³⁴ Umusilya uwusuma , kweni nanthi umusilya wutaya nukunona kwakwe , wungapangwa wuli ukuti wunone nupya ? ³⁵ Chisi numulimo nawumwi nanthi ivu nanthi insakwi . likasumbwa . Wino ali namakutwi ayakuvwila , musyini awuvwe.''