¹ Pansita yilya , ayanthu yamwi kuku yamunenyile weliwe ivya wa Galileya yano uwazi wawo Pilate wasanzizge nivyakufumya vyawo. ² Yesu waswike nga wavwanzile kuli woliwo, '' Mukwelenganya ukuti aya Galileya yano awononyi sana ukulusya aya Galileya awuze umulandu wakuti yachula umunzila yino? ³ Awe, Nkhuwanena . kweni nanthi mutakulapa, mweni mulononeka umunzila yiliyimwi . ⁴ Nanthi ayanthu ikumi lyonga ayasano nayatatu mu Siloam pali wino ichipilala chaponyile nukuwakoma , mukwelenganya ukuti yali awononyi sana ukulusya ayanthu wonsi mu Yelusalemu? ⁵ Awe, Nkhuvwanga . Kweni nanthi mjutakulapa, mwensi mulononeka .'' ⁶ Yesu wavwanzile umulumbe wuno, '' Wumwi wali numuti wamukuyu wuno wakomelwa umuchalo chakwe nga wizile pakulonda ivikomwa mumuti wuwu kweni atazanhyile nachimwi. ⁷ Umunthu watili kumwenecho wachalo , ' Lolini, kumyaka yitatu niza nukwezya ukuzana ichikomwa umuti wuno uwamukuyu nga nthazanyile nachimwi . Wuputulini . Ichani chino mungawusya ukuti wawonona ichalo ?' ⁸ ''Umwenecho wachalo waswike nukuti , ' Wusyini wonga umwaka wuno pano nkhwimba umwisika mwakwe nga nukuyika insakwi pali woliwo . ⁹ Nanthi waya nivikomwa umwaka wuno wukwiza , ichisuma ; kweni nanthi wapotwa , mwize muwuputule!''' ¹⁰ Nomba Yesu wasambilizganga musinagogi uwanda wapa mulungu . ¹¹ Chenjelini , umwanachi walinji penepo wino kumyaka ikumi lyonga yisano nayitatu walinji numjupasi uwakufoka . Winime nga wapotwanga ukuti awololoke ningo . ¹² Lino Yesu wamulola, , wamwamile nukuvwanga kuli weliwe , '' Mwanachi, wasapuka kuwupotwe wako .'' ¹³ Wayisile amakasa yakwe pali weliwe , nga papokwene wololwike nga wamutupwile Leza. ¹⁴ Kweni umukoleleli wa Sinagogi wasosile umulandu Yesu wapozizye pa mulungu . Nga umukalamba waswike nukuti ukwiwumba, '' Kuli amanda yasano nalyonga yano umunthu angawomba . Yizini nga mwize mupole, kweni pamulungu pole.'' ¹⁵ Leza wamwaswike weliwe nga watile, '' Mweyasomvi! Wuzye wenga wakwe mwemwe asisapula inkhambaku nanthi imphunda ukufuma umuchiwaka nukuzitwala ukunywa amanzi pa mulungu ? ¹⁶ Ichilichimwi umwana wakwe Abraham, wino satana wamunyefile imyaka ikumi lyonga yisano nayitatu, ukuti inkhusa zgakwe zitange zisapulwe pawanda wamulungu . ¹⁷ Pano wavwanganga ivinthu vino , wonsi yano yamususyanga yalemilwe ninsonyi , kweni iwumba lyonsi lyasechelanga pali vyonsi ivisuma vino wawonvile . ¹⁸ Apano Yesu watili, '' Wuzge umwene wakwe Leza wuli wuli , nga ningayanisya nachani ? ¹⁹ Wuli ngati akamphumba kakwe mugagala kano umunthu wasenzile nukuyasumba muchalo , nga kakuzile ukuya umuti uwukalamba , nga nuvyunyi vyakupela vyazenzile ivisalanzo munsamba zyakwe. '' ²⁰ Nupya watili, '' Ningayanisya chani nuwumwene wakweleza ? ²¹ Wuli ngati umutele wuno umwanachi wasenzile nukusanzya nivipimo vitatu ivyawusu mphaka pano vyansazinkhana nuwusu wonsi .'' ²² Apano Yesu wapitine ukuchilinganya umumisumba numumizi, ukusambilizga nukupanga inzila yakwe ukuya ku Yelusalemu . ²³ Wumwi watili kuli weliwe , '' Mwene , wuzye pali ayanthu yanono sile yano yangapususwa ? '' Apano watili kuli weliwe ²⁴ '' Lwisyini ukuti muchilinganye pakamjulyango akanono , umulandu , ayinji yalilonda ukwinjila , kweni yalipotwa ukuti yinjile . ²⁵ Nanthi umwenecho wang'anda wakatuka nukuyala ichisasa, apano ulimilila kunzi nga nukukong'osya ichisasa nukuti , ' Mwene, Mwene, twinnile kweneko .' '' Alasuka nukuti kuli mwemwe, ' Nthamanyile nga mwafuma kwi.' ²⁶ '' Apano mulati , ' Twalyanga nukung'wa paminso yakwe mwemwe nga mwasambilizganga umumisewo .' ²⁷ Kweni alasuka , ' nkhuti kuli mwemwe , nthawamanyile kuno mwafuma . Fumini kweneko kuli nene, mwe yakawomba iviyipe!' ²⁸ Kuliya ukulosya nukusyeta amino nanthi mwiza mwamulola Abraham, Isaki , Yakobe , nayanchimi wonsi muwumwene wakwe Leza , kweni mulisumbwa ukunzi. ²⁹ Yaliza ukufuma ukukatondo , ukumanguzi , kupela , nakwisika , nga nukwikala pi tewulo pa wumwene wakwe Leza . ³⁰ Mumanye chino , yano yakulondwa panono yaliya ayanthandiko , nga nayano yakulondwa nkhani yaliya ayawumalilo .'' ³¹ Lino papita insita panono , Ayafalisayi yamwi yizile kuli weliwe , '' Pitanga nupya fuma penepo pano umulandu Herod akulonda akukome.'' ³² Yesu watili , '' Yanga nga kamunene nkusa wilya, ' Lola, ukufumya imipasi iyiyipe nga nukupozya ayalwale nga mutondo , napawanda wakwe chitatu ndifisya ilayizyo lyane .' ³³ Muchilichonsi, chikulondwa ukuti mphitilizye uwanda wilelo , mutondo , nga nuwanda wakukonkha muno chitazumilizwa ukukoma inchimi ukufuma mu Yelusalemu. ³⁴ Yelusalemu, Yelusalemu, aweni wino akukoma inchimi nukuvwintha amawe ayano yatumwa kuli mwemwe . Akanga kano nkhalonda ukukonganika ayaninu muno inkhoko yikakonganichila twapiyopiyo umuvyapa vyakwe, kweni musikumbwa chino . ³⁵ Lolini, ing'anda zinu mwazisya . Nkhuti kuli mwemwe, mutalitela mundole mphaka pano mwiza mwavwanga ukuti, 'Umulotwe wino akayiza umwizina lyakwe Mwene.'''