¹ Pansita yilya , lino amazimbi yawanthu yakongine ponga ngapano yatalike ukulyatana wenga numuze, watalike ukuvwanga kuwalondezi yakwe, '' Chenjelini numutele wa ya Falisayi wuno uwa wusonvi. ² Kweni pasi nakamwi akafisame kano katalawumbukwa, nukuti nakjamwi akafisame kano katalawumbukwa. ³ Nomba chonsi chino mwavwanga umufinzi chiluvwika apatiswe, nga nachino chavwangwa umwikutwi ukukasi chilivwangwa papela pamang'anda . ⁴ Nkhuti kuli mwemwe , mweyanji, mutatina yano yakakoma umwili , nga pakufuma pali chichi yasi nachuze chino yangawomba . ⁵ Kweni nkhulonda mbachenjezge pali wino mungatina . Mutinini wino , nanthi wakoma , ali namaka ayakukusumbila ku Gahena . Umolimo, nkhuti kuli mwemwe, mutinini. ⁶ Uzye yasikazya utunyi tusano pa tukopala utunono twili? nga pasi nakonga kano yangilila a pamanso yakwe Leza . ⁷ Kwene ninyele kwene zyakumutwe zyapendwa zyonsi . Mutatina . Mwemwe mweyamutengo ukulusya utunyi utuvule. ⁸ Nkhuvwanga kuli mwemwe , wensi wino akunzumila nene pa yanthu, umwana wa munthu alimuzumila pa yangelo yakwe Leza , ⁹ kweni wino akunkhana nene pa yanthu alikanwa paminso ya yangeli yakwe Leza . ¹⁰ Wensi wino akuvwanga izwi lino litakulemelelana numwana wa munthu , alitetelwa, kweni wino akuvwanga amazwi ayayipe kumupasi atalitetelwa. ¹¹ Nanthi yawaleta kusinagogi, yakateka , nayamaka , yatasakamala muno ungavwanjila pakuyichinjilizga , nanthi achino ungavwanga , ¹² muno umupasi wuliwasambilizga pansita yiyi chino ungavwanga .'' ¹³ Apano wumwi ukufuma mwiwumba watili, '' Musambilizi, wawuzgini ayanji ukuti yagawe ivyampyanyi nanene.'' ¹⁴ Yesu watili kuli weliwe, '' Umunthu, aweni wino wamphanzile nene ukuti inje ne kalonga nanthi umufusya ? ¹⁵ ''Watili kuli woliwo, '' Lolechesyini ukuti mutaya mwe yambunu, umulandu uwumi wa munthu wusiya nivinji vino ali navyo.'' ¹⁶ Apano Yesu wawawuzizge umulumbe, nukuti, '' Ichalo chamukankhala chagowile ivivule, ¹⁷ nga welenginye wenga , 'Nimawomba chani , muno nsi nuwuyo uwakusengulamo imbezu zgane?' ¹⁸ Watili , ' Chi achino nimawomba . Nimaponya inkhoma nukuzenga iyikalamba , nga apano kuliya uwuyo uwukalamba uwambezu zgane nga navyuze. ¹⁹ Ndivwanga kumupoasi wane, '' Mupasi, muli nakatundu wino mwasengula imyaka iyivule . Puzini, lyini , nwini, sechelini .''' ²⁰ Apano Leza watili kuli weliwe , ' We munthu wemupuwa, uwusiku wuno umupasi wako wukulondwa kuli wewe , nga nivinthu vino usenginye , viliya avilikwi?' ²¹ Amuno wumwi wayela wino akasengula ivyuma vyakwe nga sumukankhala kuli Leza.'' ²² Yesu watili kuyalondezi, ''Achino nkhuwanena mwewe, mutasakamana nuwumi winu , chino mulilya ; nanthi ivyamwili winu, nachino mulizwala . ²³ Muno uwumi uwaoapela ukulusya ichakulya , nga numwili wukalusya ivizwalo. ²⁴ Yelenganyini yamwankhole, muno yasitanda nanthi ukugowola . Yataya numwakusengula nanthi inkhoma , kweni Leza akavilisya . Mweyamutengo uwakulusya ivyunyi! ²⁵ Aweni pali mwemwe wino akulonda sana angonjezga insita kuwumi wakwe ? ²⁶ Nanthi mutange muwombe akanthu akanono kano , ichani chino mukuchula navino vyasyala? ²⁷ Yelenganyini ivwamaluwa - muno yakakulila . Yasiwomba , pamwi yasipunga , lelo inkhukunena wewe, nanthi a Solomoni kwene mu ukulu wakwe atazwite ngati muno vii vikazwalila . ²⁸ Nanthi Leza akazwika isote mumphanga , lino liliko ilelo, nga mutondo lisumbilwa umumoto, aliwazwika wuli mwemwe, O mwemwe mweyalusuwilo ulunono! ²⁹ Mutalola chino mumalya nga nachino mumanwa, nga mutasakamana. ³⁰ Muno insi yonsi iyapansi likulonda ivinthu vino , nga na Tata winu amanyile ukuti mukuvilonda . ³¹ Kweni londini umwene wakwe , nga nivinthu vino vilonjezwa kuli mwemwe . ³² Mutatina , mwe tumbelele utunonio, umulandu Tata wino umusechele sana ukuwapa umwene. ³³ Kazyini vino muli navyo nga muwape apotwe. Pangini utola twinu tuno tusilepuka - ivyuma ivyakupela vino visiwononeka , kuno ayivi yasipalamila , nga kuno nuluswa lusiwonona . ³⁴ Muno kuno kuli ivyuma vyako, akuno kuliya umwenzo wako . ³⁵ ''Ivizwalo vinu ivitali viyikwe umukasi pali lamba winu, nga musye ukuti ulukozyo lwinu lwayaka, ³⁶ nga muye ngati ayanthu yano umukoleleli wawo pano yakuwela pakulya kuwinga, ngananthi wiza nukukong'onsya , yangamuyulila papokwende. ³⁷ Ayalongo ayawonvi yano mwene alawazana yakulola pano alizanga . Ichendi nkhuti kuli mwemwe , aliyika umukasi ivizwalo vyakwe pamupango nga yalikala pitewulo, nga aliza nukuwapususya . ³⁸ Nanthi mwene wiza kakwe chili umukasi muwusiku, nanthi umukwiza kwakwe chitatu , nga nukuwazana ukuti yakulola , ayalongo awomvi yalya. ³⁹ Kweni wuvwichisyini, kweni nanthi umukalamba wa ng'anda wamanyanga insita yino umwivi akwiza , nge atazumilizya ukuti ing'anda yakwe ifwantwe. ⁴⁰ Apano chenjelini , umulandu mutamanyile insita yino umwana wa munthu akwiza .'' ⁴¹ Peteli watili, '' Mwene , ukutenena umulumbe wuno kuli sweswe kutupu, nanthi akuli wonsi ?'' ⁴² Mwene watili , '' apano aweni wino uwachumi nga namano wino Leza aliyika ponga nayawonvi yawuze ukuti awape ichakulya chawo pansita yakwe? ⁴³ Uwalongo uwancthito wino Leza alimuzana akuwomba chino pano akwiza . ⁴⁴ Ichendi nkhuti kuli mwemwe alimuyika pakulolechesya pali katundu wakwe wonsi . ⁴⁵ Kweni nanthi umuwonvi akuvwanjila umumwenzo wakwe , ' Mwene wane akuzimba ukwiza ,' nga nukutalika ukuma awonvi awonsi nayanachi nga nukulya nukunwa nga nukukoleka , ⁴⁶ Mwene wamuwonvi wino muwanda wuno wuno atawumanyile nga alimuputulanya nga nukumupa amasyo nayano sayisuwilo . ⁴⁷ Umuwonvi wiyo, pano amanyile kali chino mwene wakwe akulonda , nganokusenganya nanthi ukuwomba vino akulonda, alumwa amakofi ayinji . ⁴⁸ Kweni wino atamanya nga nukuwomba vino yangamuma , alumwa namakofi anono . Kweni wensi wino wapelwa ivivule , ukufuma kuli woliwo ivivule vilalondwa , kwenin wino yamusila ivivule , nga nivivule vililondwa . ⁴⁹ '' Nizile ukupemba umoto pansi yapansi, nga vino nkhulonda ukuti ngewalinji uwukozye kali . ⁵⁰ Kweni ndi nuluwatizyo ukuti imbatizwe nalo, nga namuno nkhuchulila mphaka pano lwasila ! ⁵¹ Mukwelenganya ukuti niza pakuleta umutende pansi yapansi ? Awe, nkhuwanena , kweni ukupusanya . ⁵² Muno ukufuma insita yino ukuya ukunkholelo paliya ayanthu yasano umung'anda yano yapusine- yatatu ukupusana nayayili, nga nayayili ukupusana nayatatu. ⁵³ Yalipusana, tata ukupusana numwana nga numwana ukupusana na tata, mama ukupusana umwanachi nga numwanachi ukupusana na mama, manguvwala ukupusana nanyinavyala.'' ⁵⁴ Kapya Yesu wavwanganga ukwiwumba, nanthi mwalola iwingo likufuma ukukatondo , papokwene mukuvwanga ukuti , ' Imvula yikwiza ; nga avino vikawombwa . ⁵⁵ Nanthi umuza wukuputa ukufuma ukwisika , mukati , ' Kumapya sana ; nga vikawombwa . ⁵⁶ Mwe yasomvi, mwamanya ukwilula akalolechele kansi naka kupela , nga chiliwuli mukupotwa ukwilula insita yino? ⁵⁷ Ichani chino mukupotwa ukupingula chino ichachumi pali mwenga ? ⁵⁸ Muno nanthi mungaya nimilandu yino kuli kalonga , umunzila ulwisye sana ukuti atakutwala kumupinguzi, nga nukuti kapingula atakutwala kuli kawomba , nga nakawomba atakusumbila umung'anda yaminyololo. ⁵⁹ Nkhuvwanga kuli mwemwe , mutalifuma mumu mphaka pano walipila ulupiya lwawumalilo. ''