¹ Nomba lino Yesu wamanya ukuti Ayafalisayi yuvwile wawombanga nukuwatizya alondezi ayinji ukulusya Yohani ² (nanthi wuli Yesu umwenecho atawatizyanga , kweni alondezi yawo yawombanga ), ³ wafumile ku Yudeya nga waswilile ku Galileya. ⁴ Kweni chali ichisuma sana kuli weliwe nanthi wapitanga ku Samaliya. ⁵ Apano wizile pamusumba wakwe Samaliya , wuno wamwanga Sychar, kupipi nakuwuyo wuno Yakobe wamupile umwana akwe YOsefe. ⁶ Ichifula chakwe Yakobe chali papa. Yesu watonsile ukufuma kuwulendo wakwe nga wikazile papipi nichifula . Yali insita i ola lyakwe chisano nalyonga. ⁷ Umwanachi umusamaliya wizile pakusemba amanzi , nga Yesu wavwanzile kuli weliwe,'' Mphanga yamwi amanzi yamwi ukuti ing'we,'' ⁸ Muno ayalondezi yakwe yafumile penepo ukuya mumusumba pakukala ichakulya . ⁹ Apano umwanachi umusamaliya wavwanzile kuli weliwe,'' Chingaya wuli wewe ukuya we mu Yuda , ukumbuzga nene, ukuya ne mwanachi u Musamaliya, ukuti nkhupe amanzi yakung'wa ?'' Muno aya Yuda yataya nichakuwomba naya Samaliya . ¹⁰ Yesu wamwaswike nukuti kuli weliwe, '' Nanthi wamanyanga ichawupi chakwe Leza , nga nukuti aweni wuno akuvwanga kuli wewe, ' Mphanga ichakung'wa,' Nge we ukumukolowozya, ngeakupile amanzi yawumi.'' ¹¹ Umwanachi wavwanzile kuli weliwe, ''Tata, usi nichakusembela nga nichifula ichizike sana. Apano akwi kuno uli na manzi yawumi ? ¹² Siwe mukalamba , awewe, ukulusya tata witu Yakobe, wino watupile ichifula nga wawe wang'anga ukufuma kuli cholicho, nga muno ayana akwe yawombelanga nivitekwa vyakwe ?'' ¹³ Yesu waswike nukuti kuli weliwe, '' Wensi wino wang'wa amanzi yano aliya nulusala kapya , ¹⁴ Kweni wensi wino wang'wa ukufuma kumanzi yano namupela ataliya nupya nulusala . Mbali yimwi , amanzi yano ndimupa yaliya ichifula muli weliwe, yalifuluka ukuya kuwumi wamuyaya.'' ¹⁵ Umwanachi wavwanzile kuli weliwe, ''Tata, mphini nene amanzi yawo ukuti nthaya nupya nulusala ukwawula ukwiza nupya kuno ukuzasemba amanzi.'' ¹⁶ Yesu watili kuli weliwde, '' Pitanga , ukumwame umulume wako, nga uwelele nupya kuno .'' ¹⁷ Umwanachi waswise nukuvwanga kuli weliwe , '' nthaya numonsi.'' Yesu waswike , '' Ukuvwanga umolimo, ' Nsi numonsi,' ¹⁸ muno wali nawonsi yasano, nga nawino uli nawe nomba sumulume wako. Vino wavwanga umolimo.'' ¹⁹ Umwanachi wavwanzile kuli weliwe, '' Tata, nkhulola ukuti mwe ntchimi. ²⁰ Yatata yitu yapepenga pamwamba wukwene, kweni ukuti Yelusalemu uwuyo wuno ayanthu yafwile yapepapo.'' ²¹ Yesu wavwanzile kuli weliwe, '' Nsuwila nene, mwanachi, ukuti i ola likwiza pano mulipepa Tata pano sapa mwamba nanthi samu Yelusalemu . ²² Mukapepa chino mutachimanyile . Tukapepa chino tuchimanyile , muno ukupusuka kukufuma kuwa Yuda. ²³ Nanga wuli , i ola likwiza , nga lili kali pano , pano yakapepa yawumolimo yalimupepa Tata mumupasi nuwumolimo, muno Tata akulonda ayanthu ngati yawo ukuti yaye ayakapepa yakwe. ²⁴ Leza umupasi, nga natanthu yano yakumupepa yafwile yamupepe mumupasi nuwumolimo .'' ²⁵ Umwanachi wavwanzile kuli weliwe, '' Namnya ukuti Messiya akwiza( wino aakyamwa Khilisitu). Nanthi akwiza , alitulongoswela vyonsi.'' ²⁶ Yesu watili kuli weliwe, '' Anene, wino nkhuvwanga kuli wewe.'' ²⁷ Pansita yilya alondezi yakwe yawezile . Nomba yazungukanga ichani chino wavwanganga numwanachi, kweni nanthi wumwi atavwanzile , '' Ukulonda chani'' nanthi '' ichani chino ukuvwanga nawe?'' ²⁸ Apano umwanachi wasile inthendo yakwe, wawelile ukuya kumusumba nukuyavwanga kuyanthu, ²⁹ '' Zanji , mulole umunthu wino wambuzya vyonsi vino nthawombapo. Wi atange aye a Khilisitu, angaya?'' ³⁰ Yasile umusumba nukwiza kuli weliwe. ³¹ Pansita yinono sile , ayalondezi yamulenganga , nukuti , '' Rabbi , lyanga .'' ³² Kweni wavwanzile kuli woliwo, '' Indi nichakulya ichakuti ningala chino mutachimanyile.'' ³³ Apano ayalondezi yavwanzyanyanga , '' Pasi nawumwi wino wamuletela ichakuti alye, wuzye yalesile ?'' ³⁴ Yesu wavwanzile kuli woliwo, '' Ichakulya chane ichakuwomba ukulonda kwakwe wino wanthuma nga nukumalizya intchito yakwe. ³⁵ Musivyanga ukuti, 'Kwasyala imyezi yinayi apano ukugowola kukayiza'? Nkhuvyanga kuli mwemwe, lolini nukulola ivyalo, muno vichile kali ukuti vigowolwe! ³⁶ Wino akugowola akapochela ichawupi chakwe nukukonganika ivikomwa ukwamuyaya, ukuti wino akutanda nga nawino akugowola yafwile yasechele ponga . ³⁷ Muno mukuvwanga ku, 'Wumwi akutanda , nga nawumwi akugowola , ' umolimo . ³⁸ Nawatumile mwemwe ukuti mwize mugowole vino mutawombelapo. Yamwi yawombela , nga mwinjila mutncito zgawo.'' ³⁹ Ayasamaliya ayavule mumusumba yasuwile muli weliwe umulandu wakuvwanga kwa manachi wilya wino wasimichilanga . ''Wambuzizye vyonsi vino nawombapo. '' ⁴⁰ Nomba lino aya Samaliya yiza kuli weliwe, yamukolowozizge ukuti ayikale nawo, nga wikazile nawo amanda yayili . ⁴¹ Ayinji yasuwile umulandu wamazwi yano. ⁴² Yavwanzile kumwanachi, '' Tutakusuwila nupya vino wavwanzile , muno swemo sweyenecho twayivwila , nga tumanyile ukuti umolimo wino umupususyi wansi.'' ⁴³ Lino amanda yalya yayili yapita , wafumilepo palya ukuya ku Galileya . ⁴⁴ Muno Yesu umwenecho wavwanzile ukuti intchimi yisichindikwa kumwawo. ⁴⁵ Lino wiza mu Galileya , ayanthu ya mu Galileya yamupochelile . Yaweni vyionsi vino vyawonvile mu Yelusalemu palusechelo , muno nawo yayile ku lusechelo. ⁴⁶ Nomba wizile nupya ku Cana mu Galileya , kuno wapanzile amanzi ukuya uwengwa. Kwali umukalamba wumwi wino umwana akwe mu Kapenamu walwazile . ⁴⁷ Lino wuvwa ukuti Yesu wiza ukufumile ku Yudeya ukuya ku Galileya , wayile kuli Yesu nukumukolowozga ukuti ayike nukuzapozya umwana , winom walim papipi ukufwa . ⁴⁸ Yesu wavwanzile kuli weliwe, '' Nanthi utalola ivimanyilo nivwakuzungusya , utamasuwila .'' ⁴⁹ Umukalamba wilya watili kuli weliwe, Tata, yikini pano umwana nane atani afwe.'' ⁵⁰ Yesu wavwanzile kuli weliwe, '' Yanga . Umwana ako uwawumi.'' Umunthu wasuwile izwi lino Yesu wavwanzile kuli weliwe, nga wapisile . ⁵¹ Lino akwika , ayawonvi yakwe yakomenkhine nawe , ukuti umwana akwe uwawumi. ⁵² Apano wawakolowozizye i ola lino watalike ukuya ningo . Yamwaswike , '' Mutondo i ola lyakwe chisano na yayili indwala yafumile.'' ⁵³ Apano tata wilwike ukuti yalinji insita yilya pano Yesu wavwanzile kuli weliwe, ''Uwumi wamwana ako. '' Nomba weni nga ning'anda yakwe yasuwile. ⁵⁴ Chi chali ichilanjizyo chakwe chili ukuti Yesu wawonvile lino wafuma mu Yudeya ukuya ku Galileya.