¹ Nomba pali Umufalisayi wuno izina lyakwe wali a Nicodemu umukoleleli wawa Yuda. ² Umunthu wino wizile ku Yesu usiku nukuti kuli weliwe , '' Rabbi, tumanyikle ukuti we musambilizi wino wafuma kuli Leza , muno nawumwi wino angawomba ivimanyisyo vino ukuwomba nanthi leza asi nawe.'' ³ Yesu wamwaswike , '' Umolimo , umolimo, nanthi wumwi atapafilwe kapya, atange alole umwene wakwe Leza .'' ⁴ Nikodemu wavwanzile kulki weliwe , '' Umunthu angapapwa wuli pano wakota kali? Atange ayinjile kapya muchipapilo chakwe nyina nukupapwa, wuzye angawomba ?'' ⁵ Yesu waswike, ''Umolimo, umolimo, nanthi wumwi atapafilwe namanzi numupasi , atange ayinjile muwumwene wakwe Leza. ⁶ Wino wapapwa kumwili uwakumwil, nawino wapapwa kumupasi uwamupasi . ⁷ Mutazunguka pano navwanzile kuli mwemwe, 'Mupapwe nupya .' ⁸ Umuza wukaya konsi kuno walonda ; mukawuvwa ichongo chakwe , kweni musimanya kuno wukufuma nanthi kuno wukuya . Avino chaya kuli wensi wino wapapwa kumupasi .'' ⁹ Nikodemasi waswike nukuvwanga kuli weliwe ukuti, '' Ivinthu vino vingaya wuli vikwene?'' ¹⁰ Yesu waswike nga wavwanzile kuli weliwe , '' We musambilizi waku Izilayeli, nga apano utakuvwichisya ivinthu vino? ¹¹ Umolimo, umolimo, nkhuvwanga kuli wewe, tukuvwanga vino tumanyile , nga tukasimichizga vino tuviweni. Kweni mutakuzumila ukusimichizga kwitu. ¹² Nanthi nawanenanga ivyansi yapansi nga mutasuwila , ngewiza wasuwile wuli nanthi nawanena ivyakupela? ¹³ Pasi nanthi wumwi wino waya kwiyulu ukulusya wino wafuma kupela - Umwana wa Munthu. ¹⁴ Ngati muno Moses wakwezyezuzye inzoka mumphanga , avino umwana wa munthu afwile akwezezwe, ¹⁵ ukuti yano yali nulusuwilo muli weliwe yangaya nuwumi wamuyaya. ¹⁶ Muno Leza wakunzile sana insi, ukuti watwazile umwana akwe mutupu, Ukuti wensi asuwile muli weliwe atise awononeke kweni aye nuwumi wamuyaya. ¹⁷ Muno Leza atatumile umwana akwe munsi ukuti asule insi, kweni ukuti apususye insi ukupitila muli weliwe . ¹⁸ Wuno wasuwila muli weliwe asisulwa, kweni wino asisuwila muli weliwe asulwa kali, umulandu atasuwile umwizina lyakwe Leza litupu. ¹⁹ Chi ali chifukwa chawuputuzi: Ukuswepa kwiza munsi, nga nayanthu yakunzile infinzi ukulusya ukuswepa umulandu izyatnchiti zyawo zyali iziyipe. ²⁰ Muno wensi wino akuwomba uwuyipe akapata uwutiswe, nga asiyiza kuwutiswe, ukuti ivwakuwombwa vyakwe vitalolechela. ²¹ Kweni , wino akuchita uwumolimo akayiza apatiswe ukuti viloleke apatiswe ukuti intchito zyakwe zyawombwa apatiswe.'' ²² Lino chino chachitwa, Yesu nayalondezi yakwe yayile ku Yudeya . Kulya wasunvileko kasita nawoliwo kuwatiwa. ²³ Nomba Yohani wawatizyanga mu Aenon kukupipi anku Salim umulandu kwali amanzi avule sana kulya . Ayanthu yizanga kuli weliwe nga yawatizwanga, ²⁴ muno Yohani wali ukuti yatamusumbile mung'anda yaminyilolo. ²⁵ Apano kwizile kwaya ukukanzinkhana pakasi payalondezi yakwe Yohani na ya Yuda palusechelo lwakufulala. ²⁶ Yayile kuli Yohani nukuvwanga kuli weliwe, ''' Rabbi, wino wali namwe kumbalama kwa luzi lwakwe Yolodani, wino mwamulumbula, lolini , ali pakuwatizya, nga nawonsi yakuya kuli weliwe.'' ²⁷ Yohani waswike,'' Umunthu atange apochele nachimi nanthi chitapilwe kuli weliwe ukuma kupela . ²⁸ Mwemwe mwenga mungasimichila chino navwanzile , ' Sine khilisitu,' kweni mmalo mwakwe , ' natumwa kuli weliwe.' ²⁹ Nawinga wino wakuli siwinga . Nomba umuze wakwe siwinga , wino akayimilila nukumuvwa, akasechela sana umulandu wamazwi yakwe siwinga . Apano, chino, ulusechelo lwane lonsi. ³⁰ Afwile awonjezye, kweni fwile nisye . ³¹ Wino akufuma kupela ali papela pali wonsi. Wino akufumila kunsi yapansi uwakunsi nga akavwanga ivyansi. Wino akufuma kupela ali papela pali wonsi . ³² Akasimichila vino walola nukuvwa, kweni nanthi wumwi wino akazumila kusimichila kwakwe. ³³ Wino wapochelela ukusimichizga kwawke wazumila ukuti Leza uwamolimo. ³⁴ Muno wino Leza wamutuma akavwanga izwi lyakwe Leza . Muno asipa umupasi nichipimo. ³⁵ Tata akakunda umwana nga wamupa nivinthu vyonsi mumakasa yakwe. ³⁶ Wino wasuwila mumwana ali nuwumi wamuyaya, Kweni wino asisuwila umwana atalilola uwumi, kweni uwukali wakwe Leza wukaya nawe. ''