¹ Lyo kwa chila amanda yatatu, kwalinji uwinga mukana ya Galileya, na nyina wakwe Yesu walinjiko. ² Yesu ponga nalondezi yakwe yawamile ku winga. ³ Pano vinyo wasizile, nyina wakwe Yesu watile kuli weliwe, ''yasi na vinyo.'' ⁴ Yesu watili kuli weliwe, ''mwanachi, ngaichani chino ukwiza kuli nene? impindi yane yitani yifichile.'' ⁵ Mama wakwe watile ku awonvi, ''chonsi chino akuwanena Yesu, muwombe.'' ⁶ Nomba kwalinji insembo zya manzi izya mawe zisano na yonga(6) zino ayuda yawombelanga pakuyanyizya amasho ya kufulalila, umuntu ukuyana nivipimo vili na vitatu. ⁷ Yesu awanena ati, ''suzyini insembo izya manzi na manzi, '' apano yazuzizye mpaka apapela.'' ⁸ Apano wawawuzizye awonvi, ''sendini yamwi mutape nomba mutwale kumukalamba wa nchito.'' Apano yawonvile. ⁹ Umukalamba wa nchito wezizye amanzi yano yasenwike ukuya a vinyo, kwene atamanyile kuno vyafumilile(loli awonvi yene yasembanga amanzi yamanyile). Apano wamile umwinga ¹⁰ watile kuli weliwe, ''umuntu wensi akayika vinyo umuzimatasi apano vinyo wino asi numutengo nkani pano yang'wa kali.Loli walusunzile vinyo umusuma mpaka insita yino.'' ¹¹ Ichilolesho ichakutalika chino Yesu wawonvile kukana ya Galileya, nukulanjizya ukalamba wakwe, na alondezi yakwe yasuwile muli weliwe. ¹² Pachisila palichi Yesu, mayo wakwe, ayato yakwe, nalondezi yakwe yachilile ku Kapenihamu nu kwikala kulya ku manda yanono sile. ¹³ Nomba pasaka wayuda lino ali papipi, Yesu wapisile ku Yelusalemu. ¹⁴ Wawazanyile yano yakazyanga inkambaku, ni ng'onzi inkunda mu tempeli, na yano yachinjanga impiya yikazile palyanye. ¹⁵ Apano wizile wawasyempa numukota nukuwazinga wonsi yano yalinji mu tempeli, ukusanzya ponga ni ng'onzi ni ng'ombe. Wasasizye impiya zino yachinjanga nukupenula amatewulo. ¹⁶ Yano yakazyanga inkunda watile, ''Fyumyini vyonsi apanzi.Muleke apakupanga ing'anda yakwe Tata ukuya amasho ya chisankano. ¹⁷ Alondezi yakwe yakumbwike pakuti chalembwa, ''chitalawombwa ukuti in'ganda yinu yize yindye nene.'' ¹⁸ Ayamaka achi Yuda yaswike nukuvwanga kuli weliwe, ''ichilolesho chi chino umatulanjizya sweswe muno watalichila ukuwomba vintu vikwene?'' ¹⁹ Yesu waswike, ''mumongole itempeli lii na mumanda yatatu nimalinyamusya swinya.'' ²⁰ Apano ivilimba a chiyuda yatile, ''itempeli lii yazenzile pa myaka amakumi yanaye nayanji yisano nalyonga(46) apano ulizenga wuli kumanda yatatu?'' ²¹ Kwene, wavwanganga ivya tempeli lino umwili wakwe. ²² Lino wazyuka kuwufwe, alondezi yakwe yakumbwike pakuti wavwanzile vikwene, apano ya zumilizizye amawaliko namazwi yano Yesu wavwanzile. ²³ Nomba lyo ali mu Yelusalemu pa chakulya chakwe pasaka, ayinji yazumilizyanga mwi zina lyakwe pano yaweni ivizungusho vino wawonvile. ²⁴ Kwene Yesu atawasuwile pakuti wamanyile wonsi ponga, ²⁵ apakuti atalondanga nawumwi ukusimichizya kuli weliwe ivya muntu, pakuti wamanyile chino chili mu muntu.