¹ Nomba katondotondo pa wanda wa kutandika mu mulungu, lino kuchili kuli ifinzi, Maliya Magadalena wizile ukwilalo waweni iwe lye likunkuluswa ukufuma pilalo. ² Lyene wutwike nu kwiza kuli Simoni Petulo na ku mu londezi muze wuno Yesu wa mukunzile, wa wanenyile ukuti, ''yamufumizye u Mwene mwilalo, na kupya tutakumanya kuno yamuyisile.'' ³ Apano Petulo nu mulondezi muze yafumile nu kuya, yayanga ukwi lalo. ⁴ Wonsi yutukanga ponga, umulondezi muze wilya wutwike nkani nu kumuchila Petulo nu kuya uwa wutalichilo pa kufika kwi lalo. ⁵ Apano winamile waweni imyenda yino yamuvunjile yili palyakwene, kwene atinjile umukasi. ⁶ Apano Simoni Petulo wafisile pa chisila pakwe nu kwinjila mwilalo. Waweni imyenda yino ya muvunjile yili palya kwene ⁷ nu mwenda wuno wa seyamile. Wutali palipamwi ni myenda yino ya muvunjile kwene wapetike wali pali ponga. ⁸ Alino umulondezi muze wilya, wuno watalichile pa kufika kwi lalo, nawekwene winjile umukasi, nu kuti waweni nu kusuwila. ⁹ Pakuti mphaka ukufika kasita wilyayachilinji ukuti yamanye ukuti chalembwa ukuti alazyuka ku yafwe. ¹⁰ Achino ayalondezi ya welile kupya ukumuzi. ¹¹ Kwene Maliya wimilile kunzi kwilalo akulila. Lino akulila, wimilile nukusungamila mwilalo. ¹² Waweni ayangeli yayili yazwite ivitiswe yikazile, wenga ku mutwe, na wenga ku matamba kuno umuvimba wakwe Yesu walazile. ¹³ Yatili kuli weliwe, ''Mwanachi, ichani chino ukulila?'' Watili kuli woliwo, ''Umusango wakuti yamufumizye u Mwene wane, nu kuti ntamanyile kuno yamuyisile.'' ¹⁴ Watili wavwanga vi, wizile achewela nu kulola Yesu ayimilile palyakwene, kwene atamanyile ukuti wali Yesu. ¹⁵ Yesu watili kuli weliwe, ''Mwanachi, chino ukulila? Ukulonda weni?'' Welenginye ukuti wali umulimi, achino watili kuli weliwe, ''Mukombe, nanti mu mumufumizyeko, nenini kuno mu muyisile, inkamutole.'' ¹⁶ Yesu watili kuli weliwe, ''Maliya.'' wapiliwike nukuvwanga kuli weliwe muchi Alamayik, Raboni''(chino chikusula ukuti ''musambilizi''). ¹⁷ Yesu watili kuli weliwe, ''Utandema, pakuti intani inje kupela kuli Tata, kwene yanga ukuyanji nu kuya wanena ukuti namakwene ukuya kuli Tata wino a Tata winu, na Leza wane wuno a Leza winu.'' ¹⁸ Maliya Magadalena wizile nu kunena ayalondezi, ''Na mulola u Mwene,'' nu kuti wavwanzile vii kuli weliwe. ¹⁹ Pa wanda wuwokwene amanguzi, uwanda wa kutandika mu mulungu, imilyango yali iyiyalike kuno ayalondezi yali pakuti yatinaga aya Yuda, Yesu wizile na wimilile pakasi pawo na watili kuli woliwo, ''Umutende kuli mwemwe.'' ²⁰ Lino wati wavwanga vii, wa walanjizye amakasa yakwe ni mbazo zyakwe. Ayalondezi yakwe yakunzile pano yaweni u Mwene. ²¹ Yesu wa vwanzile nukupya kuli woliwo, ''Úmutende kuli mwemwe. Ngati muno Tata wantumila, nani inkuwatuma mwemwe.'' ²² Lino Yesu watili wavwanga vi, wa wafutile na watili kuli woliwo, ''Pochelini Mupasi mutiswe. ²³ Wonsi yano mulawatetela uluyembu lwawo, yalatetelwa; Wonsi yano mutalawatetela uluyembu lwawo, yatalatetelwa.'' ²⁴ Tomasi, wenga u wikumi na yayili(12), wuno wamwanga ukuti Didimasi, atalipo pano Yesu wizile. ²⁵ Ayalondezi yawuze pa chisila yamunenyileayati, ''Twamulola u Mwene.'' Wawanenyile ati, ''Patupu ndi nalola mu makasa yakwe ichidindo cha misomani, nu kuyika insalal zyane mu chidindo cha misimani, nu kuyika amakasa yane mu mbazu zyakwe nthali suwila.'' ²⁶ Lino papita amanda yasano na yatau(8) ayalondezi yakwe yali nukupya u mung'anda, na Tomasi wali nawo ponga. Yesu wizile lino ivisasa vyali ivi yulike, na wimilile pakasi pawo, na watili, ''Umutende kuli mwemwe.'' ²⁷ Apano watili kuli Tomans, ''Iza kuno nu lusalala lwako nu kuti ulole amakasa yane. Iza kuno ni kasa lyako nu kuti uliyike mu mbazu zyane. Utaya we wawula ukusuwila, kwene uwa kusuwila.'' ²⁸ Tomasi waswike nu kuti kuli weliwe, '' Mwene wane na Leza wane.'' ²⁹ Yesu watili kuli weliwe, '' pa mulandu wakuti wandola, wasuwila. Ayapepwe yano yakasuwila na pano yataweni.'' ³⁰ Nomba Yesu wachisile ivimanyilo vyuze ivivule pa manso ya yalondezi, ivimanyilo vino vitalembwa mwi buku li, ³¹ kwene vii vyalembwa ukwakuti musuwile ukuti Yesu Kilisitu, Mwana Leza, nu kwakuti pa kusuwila, muye nu wumi wa muyaya.