¹ Apano Pilato wamusenzile Yesu nuku musyempa. ² Asilikali yaponvile inkata ya myunga.Yino yamuyisile pamutwe wakwe Yesu nu kumuzwalika umwenda wachifumu. ³ Yizile kuli weliwe yatili, ''tukulamuka we mwene wa wayuda!''Apano yamumile namalupi. ⁴ Apano Pilato wafumile apanzi nupya nukuvwanga kuli woliwo, ''Lola, inkumuleta panzi kuli mwemwe ukuti mumanye pakuti ntamuzana numulandu muli weliwe.'' ⁵ Apano Yesu wafumile apanzi, azwazile inkata ya myunga nu mwenda wakwe uwachimwene. Pilato wavwanzile kuli woliw, ''Lolini umuntu awuwi!'' ⁶ Nomba pano yasimapepo akalamba na asikali yamuweni Yesu, yapunzile nkani nukuti, ''mumupachike, mumupachike!'' Pilato wawawuzizye pakuti, ''musendini mwemwe nukuti mukamupachike, pakuti intakumuzana numulandu nawumwi.'' ⁷ Ayuda yamwaswike, ''tuli nisunde, swinya ukuyana ni sunde lilya azipile ukufwa pakuti akuyivwanjila ukuti umwana wakwe Leza.'' ⁸ Lyo Pilato wuvwa amazwi yakwene, watinyile nkani ukulusya, ⁹ wizile winjila mung'anda yaboma nupya watili kuli Yesu, ''wafumilila kwinye?'' Loli Yesu ataswike nanti chimwi. ¹⁰ Apano Pilato watili kuli weliwe, ''utakuvwanga kuli nene? Utakumanya pakuti ndinamaka ukukusapula, na maka akukupachika wewe?'' ¹¹ Yesu wamwaswike, ''usinamaka nayamwi pali nene kano yano yakupile ukufumila ukwiyulu. Apano, wino wandesile nene kuli wewe ali wino waluyembu ulukulu.'' ¹² Apakwasuka kuno, Pilato wezizye apakumusapula, kwene ayuda yapunzile nkani, yatile, nanti mungamusapula umuntu wino, usi wemukamu wakwe kaisale. Wensi wino akuyiyika ukuya amwene ukwiminkana kesale.'' ¹³ Pano Pilato wuvwile amazwi yakwene, wamufumizye Yesu apanzi yikazile apamupando wa kulonjela umulandu mumasho yano yakuti ulwalo lwa mawe mumu vwango wa Chihebeli, ''Gabata.'' ¹⁴ Nomba walinji uwanda wa kusenganya vyakwe Pasaka, pampindi yakwe chisano nalyonga(6). Pilato watili kuwa Yuda, ''Lola, umwene winu ali pano!'' ¹⁵ Yapunzie nkani, ''Apatali nawe, apatali nawe;mupachikini!'' pilato wawawuzizye, ''imupachike umwene winu?'' Akalamba yamapepo yaswike, ''Tusi na mwene kano Kaisale.'' ¹⁶ Apano Pilato wawapile Yesu ukuti yamupachike. ¹⁷ Apano yamusenzile Yesu, nukuya a panzi, wanyamwile ichikowenkanyo ku masho yano yakuti ipanga lya kumutwe,'' Muno muchialemike yakati ''Gologota.'' ¹⁸ Yamu pachike Yesu kulya, ponga nayayili antu, wenga ukumbali, na Yesu apakasi. ¹⁹ Pilato nawe walenvile ichimanyisyo nu kuyika pa chikowenkanyo. Palya chalenvilwe:YESU WAKUNAZALETI, MWENE WA WA YUDA. ²⁰ Ayinji achiyuda yawelenzile ichimanyisyo apakuti pamasho yano Yesu yamupachike pali apapipi numumuzi. Ichimanyisyo chalenvilwe muchi Yuda, ichi Latini nu muchi Giliki. ²¹ Apano ya simapepo akalmba achi Yuda yatile kuli Pilato, ''mutati mulembe, 'mwene wa wayuda,' Kwene muti, 'mene watile nemo nemwene wa wa Yuda.''' ²² Pilato waswike, ''Vino indenvile indenvile.'' ²³ Pano asikali yamu pachike Yesu, yasenzile imyenda yakwe, yankine panayi(4) wongawonga, wonsi wi ichakwe wi ichakwe; numukanju wakwe uwamukasi.Umukanju wa mukasi utalinji numusono yalusile ukufuma ukupela. ²⁴ Apano yawuzyinye, '' tutali tuwulopole, loli munzilayuze tupange amayele ukuti tu muzane wino angasenda, ''vino vyachitike umwakuti amawaliko yakwanisike yano yakuti, ''yankine ivizyalo vyakwe apakasi pane nukupanga amayele pavizyalo vyane.'' Vii avino ankondo yawonvile. ²⁵ Nomba yano yimilile mumbali pa mpinjika yakwe Yesu yalinji nyina wakwe, umuzuna wakwe nyina, Maliya muka Kopasi, na Maliya Magadalena. ²⁶ Pano Yesu wamuweni nyina numulondezi wakwe wino wamukunzile wimilile ponga, watili kuli nyina, '' Mwanachi, lola, umwanako!'' ²⁷ Apano wavwanzile kumulondezi, ''lola, mama wako!'' ukufuma pa nsita yilya umulondezi wamusenzile ukuya nawe ukwakwe. ²⁸ Pachisila pakwe, pakumanya ukuti vyonsi vyasila nomba nukutiamawaliko yakwanilisike, Yesu watile, ''ìnkuvwa ulusala.'' ²⁹ Ichiviya ichivule vinyo umusas yamuyisile palyanye, apano yasenzile sipanji umuzule vinyo umusase mwitete nukuyika kumulomo wakwe. ³⁰ Pano Yesu wasenzile vinyo umusase, watile, ''kwasila.'' Wakotamike umutwe wakwe nukumalizyika. ³¹ Apano ayuda, pakuti walinji uwanda wa kusenganizya, apano nomba imyili yita kasyale pa mpinjika pa wanda wa mulungu ( apakuti pa mulungu wali ukulusana), yamuwuzizye Pilato pakuti avune amakulu nu kuwafumya penepo. ³² Apano ankondo yizile yavuna amakulu ya muntu wakutalika na wakwe chili wino yamupachike ponga na Yesu. ³³ Lino yiza kuli Yesu, yazanyile kuno afwile kali, achino yatavunyile amakulu yakwe. ³⁴ Kwene, wumwi uwa wasilikali wizile wamulasa ni isumo mumbazo, nukuti papo kwene uwazi na manzi yafumile. ³⁵ Wenga wino waweni vii wasimichizye, ukuti ukamboni wakwe ukuti vino wavwanzile vyali ivyamolimo ali kuti namwe mwasuwila. ³⁶ Ukuyana nukuloleka kwa vyonsi vino umwakuti amawaliko yafisyike ''pasi nifupa nalimwi lino lilivunika.'' ³⁷ Nupya, amawaliko yamwi yakuti, ''yalilola pali weliwe wino yamulasile.'' ³⁸ Pachisila pali vi kwene, Yosefu uwa ku alimateya wino walinji u mulondezi wakwe Yesu (loli kumbali umusango wa kutina a yuda)wamulenzile Pilato ukuti yafumye umwili wakwe Yesu. Pilato wamuzumilizizye. Apano Yosefu wizile wasenda umwili wakwe. ³⁹ Nikodemu nawe wizile, wino apantandiko wayile kuli Yesu usiku. Wasenzile ivyakununchila vyakusanzinkana, ukuyana na Malita umwanda wonga. ⁴⁰ Apano ya senzile umwili wakwe Yesu nukuwupombelezya nu mwenda ponga namafuta, ayanunchile, ngati umwata wa a Yuda apakuzika afwe. ⁴¹ Nomba apamasho yano yamupamantile Yesu palinji ichalo; muchalo mulyanye mwali inkungwe yino yasitela yamuzichilemo umuntu. ⁴² Apakuti wali uwanda wa kusenganya kwa chi Yuda na nupya pakuti inkungwe yali apapipi, yayisile umwili wakwe Yesu mulya kwene.