¹ Lino Yesu wavwanga amazwi ya, wayile na yalondezi yakwe imbalama zyuze ku Lunyika lwa Kidiloni, kuno kwali ichalo chino muno weliwe na yalondezi yakwe yinjile. ² Nomba Yudasi, wino wali nukuti amamulemesya, nawe wawamanyile amasyo, muno akuno Yesu na yalondezi yakwe yakomenkhananga lili lili. ³ Alino Yudasi wakolelile iwumba lya yasilika na ya kawomba yamwi ayakufuma kuli ya simapepo yakalamba na ya Falisi, yayile kulya na malukozyo ni vilwilo. ⁴ Alino Yesu, wino wamanyile ivinthu vyonsi vino vyawombwanga kuli weliwe, wayile pa nkholelo nu kuwakolowozya, ''Wuzye mukulonda weni?'' ⁵ Yamwaswike ukuti '' Yesu wa ku Nazaleti.'' Yesu wawanenyile ukuti, ''A nene.'' Yudasi, wino wa mulemisye, nawekwene wimilile na yasilika. ⁶ Nomba lino wawanena ukuti, ''A nene,'' yafunthuchile ichisila nu kupona pansi. ⁷ Apano wawakolowozizye nupya ukuti, ''Wuzye mukulonda weni?'' Yaswike na kupya ukuti, ''Yesu wa ku Nazaleti.'' ⁸ Yesu waswike ukuti, ''Imbanenyile ukuti anene. Fwandi ndi mukulonda nene, lekini ya yapita.'' ⁹ Ku u kwali ukufichilisya kwizwi lino watili: ''Pali yano wamphile, inthaponzizye nanthi wumwi.'' ¹⁰ Alino Simoni Petulo, wino wali na panga, wazunzwile panga nu kuchentha umuwomvi wakwe ya simapepo yakalamba nu kuputula ikutwi lyakwe lyako ndilo. Izina lya muwomvi wali a Malichusi. ¹¹ Yesu watili kuli Petulo, ''Yika panga mu chola chakwe. Wuzye inthang'wa ichikombe chino Tata amphile?'' ¹² Nga iwumba lya yasilika nu mukalamba wawo, na yakalamba ya wa Yuda, yamulemile Yesu nu kumunyepa. ¹³ Yatalichile ukuya nawe kuli Anasi, amuno wali a yisi-vyala wakwe Kayafasi, wino wali a simapepo mukalamba umwaka wulya. ¹⁴ Nomba Kayafasi ali wino wawapanzizye aya Yuda ukuti chingazipako ndi umunthu wenga angafwila ayanthu. ¹⁵ Simoni Petulo wamukonsile Yesu, nu mulondezi muze wakonsile. Nomba umulondezi wilya wamanyikwe kuli simapepo mukalamba, nu kuti winjile ponga na Yesu mu luwungo lwa masunde lwakwe simapepo mukalamba; ¹⁶ kwene Petulo wimilile pa mulyango wa panzi. Apano umulondezi muze wilya, wino wamanyikwe kuli simapepo mukalamba, wafumile panzi nukuvwanga nu mwanachi wino wali a malonda wa pa mulyango, nu ku mwinjizya Petulo. ¹⁷ Apano umuwomvi wachikazyana, malonda wa pa mulyango, wamunenyile Petulo ukuti, wuzye nawekwene usi ponga na yalondezi ya munthu wii?'' Watili, ''A nsanene.'' ¹⁸ Nomba a yawomvi na yakalamba yano yimilile palyakwene, yapemvile umoto wa mafito, muno kwazusile, nu kuti yotanga. Petulo nawe wali palyakwene, wimilile palyakwene wotanga. ¹⁹ Simapepo mukalamba wakolowozizye ivya yalondezi yakwe nga ni misambilizizye yakwe. ²⁰ Yesu wamwaswike ukuti, ''Navwanzile apatiswe kunsi yonsi. Insita zyonsi nasambilizyanga mu ma sinagogi na mu tempheli muno aya Yuda wonsi yakakongana. Inthafisapo nanthi chimwi. ²¹ Nga ichani chino mukunkholowozya? Kolowozyini yano yuvwa vino navwanganga. Lolini, ayanthu ya yavimanyile vino navwanganga.'' ²² Lino Yesu wavwanga vii, kawomba wumwi wino wimilile palya wamumile Yesu nu kuti, ''Wuzye avino ungamwasuka simapepo mukalamba?'' ²³ Yesu wamwaswike ukuti, ''Ndi navwanga uwuyi, simichila ivya wuyi, kwene ndi umolimo, nga ichani chino wanguma?'' ²⁴ Alino Anasi wamunyefile nu kumutuma kuli Kayafasi Simapepo mukalamba. ²⁵ Nomba Simoni Petulo wimilile nu kota umoto. Apano ayanthu yamunenyile ukuti, ''Wuzye wemo nawe nsi we mulondezi wakwe?'' Wakanyile nu kuti, ''A nsa nene.'' ²⁶ Umuwomvi wenga wakwe simapepo mukalamba, wino wali umukamu wakwe wino Petulo wamuputwile ikutwi, watili, Wuzye inthenakulola muchalo mwemuli nawe wewe? ²⁷ ''Apano Petulo wakanyile nakupya; nukuti insita yiyokwene mukolwe walizile. ²⁸ Apano yafumile na Yesu kuli Kayafasi nukuya ku wuteko wukalamba. Kwali a kukatondo, nu kuti yatinjile ku wuteko wukalamba umwakuti yatayifya kwene yalondanga ukulya pasaka. ²⁹ Apano Pilato wafumile nukuya kuli woliwo nu kuti, ''Imilanduchi yino mukumuletela umunthu wii,?'' ³⁰ Yaswike nu kuti kuliweliwe, ''Ndi umunthu wii atawombanga uwuyi, ngali tutamulesile kuli wewe.'' ³¹ Alino Pilato wawanenyile ati, ''Musendini mwemwe kwene, nu kumupingula ukuyana ni sunde linu.'' Aya Yudayatili, ''Chisi ichakuzumilizyika kuli sweswe ukukoma umunthu.'' ³² Yavwanzile vii umwakuti izwi lyakwe Yesu lifichilisike lino wavwanzile ilya kulanjizya muno alifwila. ³³ Alino Pilato winjile nakupya mu wuteko wukalamba nu kumwama Yesu nu kuti, ''Wuzye we Mwene wa ma Yuda?'' Yesu waswike ukuti, ³⁴ ''Wuzye ukuvwanga ivyakufuma mumwenzo wako, pamwi yamwi yakunenyile sile vyakwe nene?'' ³⁵ Pilato waswike ukuti, ''I nsine Muyuda, wuzye nemuyuda? Ayanthu yakumwinu na ya simapepo yakalamba ayano yakulesile kuli nene. Nga uchisile chani?'' ³⁶ Yesu waswike ukuti, ''Uwufumu wane nsu wa munsi yii. Ndi uwufumu wane walinji uwa munsi yii, peni ayawomvi yane ngali yalwa umwakuti inthapelwa ku ya Yuda. Kwene nomba uwufumu wane nsuwakufuma munsi yii.'' ³⁷ Alino Pilato watili, ''Wuzye alikuti we Mfumu?'' Yesu waswike ukuti, ''Wavwanga ukuti ne mwene. Amuno pamulandu na chii achino navyalilwe, nu kuti pamulandu na chii achino nizila munsi, umwakuti inje na ya kamboni ya wumolimo. Aliwensi wino waya mu wumolimo akawuvwa kwizwi lyane.'' ³⁸ Pilato watili, ''Wuzye uwumolimo ichani?'' Watili wavwanga vii, wafumile nu kuya nupya ku wa Yuda nu kuwanena ukuti, ''Inthazana u mulandu nanthi wumwi mu munthu wii. ³⁹ Kwene muchinyefile ukuti imbasapwile umunthu wenga pali Pasaka. Wuzye mukulonda nene imbasapwile i Mfumu ya wa Yuda?'' ⁴⁰ Alino ya kolomwike nakupya nu kuti, ''Umunthu wii pole, kwene Balabasi.'' Nomba Balabasi wali.