¹ Lino vyapita ivinthu vino, Yesu wayilanjizye wenga kuyalondezi paliyemba wakwe Tibeliyasi. Muno amuno wayilanjizizge wenga: ² Simoni Peteli wali ponga na Tomas wino wamwanga Didymus, Nathaniel ukufuma ku Cana mu Galileya, umwana wakwe Zebediya, nayalondezi yamwi yayili yakwe Yesu. ³ Simon Peteli wavwanzile kuli woliwo , '' Naya pakuswela.'' Yatili kuli woliwo , ''Naswe , kwene, tuliza nawe.'' Yapisile nukwinjila muwato, Kweni yatalemile nachimwi wusiku wonsi. ⁴ Nomba , lino kwaya kali akatondo sana, Yesu wimilile pambali pali Yemba , kweni ayalondezi yatamanyile ukuti wali ali a Yesu. ⁵ Apano Yesu wavwanzile kuli woliwo, '' Yalumendo , muli nichakulya chimwi ichakuti mulye?'' Yamwaswike , ''Awe.'' ⁶ Wavwanzile kuli woliwo, '' Sumbilini uwukonde winu kuli ndilo wiwato, nga mukuzazana zimwi.'' Apano yasumbile uwukonde nga yaposilwe ukuti yanyunthe umulandu wanswi zino zgazuzile . ⁷ Apano umulondezi wino Yesu wamukunzile watili kuli Peteli , '' Amwene.'' Lino Simoni Peteli wuvwa ukuti wali amwene, wanyefile imyenda yakwe( muno atazwite), nukuyisumbula muli yemba . ⁸ Umulondezi muze wizile muwato( muno yatali ukutali ninsi) , yanyunthanga uwukonde wuno wazuzile ninswi. ⁹ Lino yafika oamusili, yaweni umoto wamalasha palya ninswi yili penepo, numukate. ¹⁰ Yesu wavwanzile kuli woliwo , '' Letini inswi zimwi zino mwalema .'' ¹¹ Simon Peteli wayile nukuyateka uwukonde pamusili, wuzuzile ninswi izikalamba zitupu, 153 zimwi, kweni nizivule sana, uwukonde wutalepwike . ¹² Yesu wavwanzile kuli woliwo , '' Zanji mwize mulye ichakulya chakatondo.'' Patali umulondezi wumwi wino walondanga ukuti akolowozye , ''Weweni?'' Yamanyile ukuti wali a Mwene. ¹³ Yesu wizile, wasenzile umukate, nga wawapile, ninswi kwene . ¹⁴ Yino yali insita yakwe chitatu yino Yesu wayilanjizyanga kuyalondezi lino wazyuka ukufuma kuyafwe. ¹⁵ Lino yalya ichakulya chakatondo, Yesu watili kuli Simon Peteli, '' Simoni mwana wakwe Yohani , wankhunda nene ukulusya vino?'' Peteli watili kuli weliwe, '' Umolimo Mwene, mumanyile ukuti nawakunda .'' Yesu watili kuli weliwe, ''Lisya ing'onzi zyane.'' ¹⁶ Wavwanzile kapya kuli weliwe kakwe chili,'' Simoni mwana Yohani, Wankhunda nene?'' Peteli watili kuli weliwe , '' Umolimo Mwene , mumanyile ukuti nawakunda .'' Yesu watili kuli wewe, '' Sunjililini ing'onzi zyane.'' ¹⁷ Wavwanzile kakwe chitatu Simon mwana wakwe Yohan, wankhunda nene?'' Peteli walinji nichitima umulandu Yesu wavwanzile kuli weliwe kawe chitatu, '' Wankhunda nene?'' Wavwanjile kuli weliwe '' Mwene, mumanyile vyonsi, mumanyile ukuti nawatemwa . '' Yesu watili kuli weliwe , '' Lisyini ing'onzi zyane. ¹⁸ Umolimo , umolimo, nkhuvwanga kuli mwemwe, limo wemunono, wayizwikanga wenga nukupita konsi kuno ukulonda , kweni lino wakota , ulololosya amakasa yako, nga wumwi alikuzwikanga nukukunyamula ukuya nawe kuno usikulonda ukuya .'' ¹⁹ Nomba Yesu wavwanzile chino ukuti alanjizye inzila yino Peteli alifwila ukuti amulumbule Leza. Lino vavwanga chino, Wavwanzile kuli Peteli, '' Nkhonkha.'' ²⁰ Peteli wasenwike nga waweni umulondezi wino Yesu wamukunzile akuwakonkha, nawumwi wino waseyamile Yesu ninsizi yakwe pachakulya chamanguzi nga wino wavwanzile , '' Mwene, aweni wino alikukana?'' ²¹ Peteli wamuweni nga apano wavwanzile kuli Yesu, '' Mwene, umunthu wino amawomba chani?'' ²² Yesu wavwanzile kuli weliwe , '' Nanthi nkhulonda ukuti ayaikale mphaka pano niza chingaya ichani kuli wewe? Nkhonkha.'' ²³ Apano chino wavwanzile chino chanyamile kuwawuze, ukuti umulondezi wilya atalifwa . Pano Yesu atavwanzile kuli Peteli ukuti ayalondezi yamwi yatalifwa, kwe, '' Nanthi nkhulonda ukuti ayikale mphaka pano niza, chingaya ichani kuli mwemwe?'' ²⁴ Wino umulondezi wino akusimichizga vyakwer chino, nawino walenvile ivinthu vino, nga tumanyile ukuti ukusimichizya uwamolimo. ²⁵ Kuli nupya ivinthu vyuze ivinji vino Yesu wawonvile. Nanthi vyonsi vyawalikwanga , nkhumanya ukuti ninsi kwene nge litaya nikope lino vingalembwa mwenemo.