¹ Mutachula nu mwenzo. Mwasuwila muli Leza, suwilani na muli nene. ² Amasyo ayavule sana munyanda yako Tata. Ndivitali vikwene, ngali nawanenyile, pakuti nkuya pakuwapekanyizya amasyo. ³ Ndinapita mukupekanya amasyo yinu, indiza nupya nukuza wapochelela uli nene, ukuti kuno ndi akuno namwe mulaya. ⁴ Mumanyile ninzila kuno nkuya.'' ⁵ Tomasi watili kuli Yesu, ''Mwene, tutamanyile kuno mukuya, wuzye tungamanya wuli inzila?'' ⁶ Yesu watili kuli weliwe, ''Ne nzila, ichumi, nu wumi; Pasi uno angiza kuli Tata nkandi ukupitila muli nene. ⁷ Mumanyange nene, natata kwene ngali mwamanya. Ukutalika ilelo mwamumanya nupya nukumulola.'' ⁸ Filipa watili kuli Yesu, ''Mwene tulange Tata, alichino chingatulinga.'' ⁹ Yesu watili kuweliwe, ''Nali namwe insita itali nanomba muchili ukumanya,Filipu? Wensi uno walola nene walola Tata. Nga mungati uli, ' tulange Tata'? ¹⁰ Wuzye mutakusuwila ukuti indi muli Tata na Tata ali muli nene? Amazwi yano nkuvwanga kuli mwemwe ntakuvwanjila kunsambu kano Tata uno wakila muli nene akuwomba umulimo wakwe. ¹¹ Nsuwilini ukuti indi mili Tata, nawe Tata muli nene, pamwi suwilini pamulandu wavyakuchitika. ¹² Ichumi, ichumi, nkuwanena, wensi wino akusuwila muli nene alawomba intchito zino nkuwomba, kupya alawomba ukuchila paa pamulandu wakuti nkuya kuli Tata. ¹³ Ichili chonsi chino mungalenga umwizina lyane, idawomba ukuti Tata lichindikwe mu mwana. ¹⁴ Ndimungandenga ichili chonsi mwizina lyane indawomba. ¹⁵ Ndi mwankunda, mulisunga amasunde yane, ¹⁶ Kupya indapepa kuli Tata, kupya alawapa umwaywilizi muze ukuti aye namwe umutata kuya_ ¹⁷ umupasi uwa chumi. Insi yene itanga mupochele pamulandu wakuti isimulola nanti ukumunya. Kweni mwemo kupya aliya muli mwemwe. ¹⁸ Ntali wasya mwenga; indiza kupya kuli mwemwe. ¹⁹ Pali kasita muno sile insi italindola kupya kwene mwemwe mulandola. Mulandu wakuti nemumi, namwe muliya mweyawumi. ²⁰ Pawanda uwo mulamanya ukuti indi muli Tata, kupya ukuti muli nene, kupya ukuti indi muli mwemwe. ²¹ Wensi wino ali namasunde yane nukuwasunga ali wino wankhunda nene, alakundwa na tata, kupya ndamukunda nukilanjizya kuli weliwe.'' ²² Yudasi(wino asa sikalioti)wati kuli Yesu, '' Mwene, uzye ichani chino mulayilanga kuli sweswe kunsi pole?'' ²³ Yesu waswike nukumunena ukuti, '' ndi umwi wankunda nene, alisunga izwi lyane. Tata wane alamukunda, kupya tuliza kuli weliwe nukwikala nawe. ²⁴ Wensi wino atankunda asisunga amazwi yane. Izwi lino mukawuvwa silyakufumila kuli nene kwene ukufuma kuli Tata wino wantuma. ²⁵ Navwanga ivintu vino kuli mwemwe, pano nkhwikala namwe. ²⁶ Napano uli, umwavwilizi- umupasi uutiswe wuno Tata alawatumila mwizina lyane - alawasambilizya vyonsi kupya alawizusya vyonsi vino nawanenyile. ²⁷ Nkuwasila umutende; Nkuwapela umutende wane. Insipa ndimuno insi ikapelela. Mutachula ni myenzo yinu, kupya mulatina. ²⁸ Muvwile vino navwanzile kuli mwemwe, ''nkufuma penepo, kupya indawelela kuli mwemwe.' 'munkundanga, nakusechela pamulandu nkuya kuli Tata, pakuti Tata umukalamba ukuchila vino indi. ²⁹ Nawawuzizya limwi nomba pano vitani vichitike ukuti, ndivyachitika, mulisuwila. ³⁰ Natalivwanga kupya ivivule namwe, amuno kateka wansi yino akwiza. Asinamaka pali nene, kwene ukuti insi iyize imanye kuno ³¹ kwene ukuti insi yize yimanye ukuti nakunda Tata, nkawomba ukuyana navino Tata wansunda. Tuyini tukatuke nukufuma pano.''