¹ Nomba umunthu wumwi izina lyakwe Lazalo walwazile. Wali uwaku Betaniya,umuzi wakwe Maliya numwina Malita. ² Wali a Maliya wino wampakazizye Mwene na milii nukupuputa amatamba ninyele zyakwe, wino ndume yakwe Lazalo walwazile. ³ Alino yakachi yamile Yesu, yatili, ''Mwene,lola, wino mwamukunda umulwale.'' ⁴ Lino Yesu wuvwa, watili,'' indwala yii siyakukoma,kwene mumalo mwakwe ichawuchindaw me wakwe Leza ukuti mwana Leza achindame nayo.'' ⁵ Nomba Yesu wakunzile Malita numunyina na Lazalo. ⁶ Nomba lino wuvwa ukuti Lazalo umulwale,Yesu wikazile amanda yawuze yayili kumasyo yano waliko. ⁷ Nomba lino jii vyapita, watili kuyasambili yakwe,''Tuyani kuYudeya nupya.'' ⁸ Ayasambili yatili kuli weliwe,''Musambilizi, likwene lii aYuda yakulonda ukukutama namawe, apano ukuswilila nakupya kweneko?'' ⁹ Yesu waswike,''Uzye pasi amaola ikumi na yayili pawanda? Ndiumwi atupita umusanya atalipumika, pamulandu wakuti akulola ukfumila kuluswepo lwa nsii. ¹⁰ Nkhndi, ndakupita uwusiku alipumika wakuti uluswepo lusi muli weliwe.'' ¹¹ wavwanzile ivinthu vino, nupya linovyapita vii, wavwanzile kuli woliwo,'' umukundwe witu Lazalo alazile, nomba nkhuya ukuti nkhamuzyule.'' ¹² Apano ayasambili yakwe yatili kuli weliwe,''Mwene, ndakaswile, amaya ningo.'' ¹³ Nomba apano Yesu wavwanzile ivyamfwa yakwe, kwene yelenganyanga ukuti akutaka ukulala kwa kupuza. ¹⁴ Apano wavwanzile kuli woliwo umwa ¹⁵ Indi nichimwe, pamulandu wakwe mwemwe, pakumanya ukuti nthali kweneko ukuti musuwile.Tuyani kuno ali.'' ¹⁶ Tomasi wino wamwanga Dinamasi, watasile kuwasambili yauze,''Izini naswe tuye ukuti tungafwa na Yesu.'' ¹⁷ Lino Yesu wiza, wazanyile ukuti Lazalo alikuli munkhungwe ukwamanda yanayi(4). ¹⁸ Nomba Betaniya wali kupipi na Yelusalemu, inthamphulo ikumi na zisano ukutalimpha kwakwe. ¹⁹ A yuda ayavule yizile kuli Malita na Maliya, pakuwapemphula ukuyana na ndume yawo. ²⁰ Apano Malita lino wuvwa ukuti Yesu akwiza, wayile pakukomenkhana nawe, kwene Maliya wikazile mung''anda. ²¹ Apano malita watili kuli Yesu,''Mwene,muyange pano, ndumeyane ngali atafwile. ²² Nalikwene, manyile ukuti chino mungalenga ukufuma kuli Leza, akuwapela,'' ²³ Yesu watili ,''Ndumeyako amazyuka.'' ²⁴ Malita watili kuli weliwe,'' Manyile ukuti alizyuka nupya pawanda wawumalilo uwakuzyuka .'' ²⁵ Yesu watili nene kuzyuka nuwumi; wensi wino akusuwila muli nene,napano angafwa,aliya nuwumi; ²⁶ nukuti aliwensi wino umumi nukusuwila muli nene atalifwa. ukuchisuwila chii? ²⁷ Watili kuli weliwe,''eee, Mwene, nkhusuwila ukuti wew Kilisitu, mwana Leza, wino akwiza kunsii yapansi.'' ²⁸ Lino wavwanga vii, wizile wapita nukuyamwama umunyina kumbali.Watili, ''umsambilizi wiza nupya akukwama.'' ²⁹ Lino wuvwa vii, wakatwike zuwazu nukuya kuli weliwe. ³⁰ Nomba Yesu wali ukuti atani afike mumuzi kwene wachlinji kumalo kuno yakomenkhine na Malita. ³¹ Achino lino aYuda, yano yali ponga nawe mung'anda yano yamupemphulanga, yaweni Maliya akukatuka zuzuwa nukufuma, yamukonsile, pakwelenganya ukuti ukya kukhungwe pakulila. ³² Lino Maliya wafika pamalo pano Yesu wali nukumulola, waponyile pansi mumakulu yakwe nukuti kuli weliwe, ''Mwene,muyange pano, ndume yane ngali atafwile.'' ³³ Lino Yesu walola ukulila kwakwe, naYuda yano yizile nawe yalilanga, wayilizyinye sana mumupasi nukuchula; ³⁴ watili ,''mumulalike kwii?'' yatili kuli weliwe, ''Mwene, izini mulole.'' ³⁵ Yesu walosizye. ³⁶ Apano ayayuda yatili, ''Lolini vino wamukunzile Lazalo!'' ³⁷ Kwene yamwi pali woliwo yatili, ''Wuzye umunthu wii, wino wayuzile amanso yakwe nthonkho ngali atapanjisya ukuti umunthu wii atafwa?'' ³⁸ Apano Yesu nakupya, umwachitima, wayile pilalo. Nomba yali imphako, nichiliwe chali papela. ³⁹ Yesu watili, ''Fumyinipo iwe.'' Malita, nkhazi yakwe Lazalo, wino wafwile, wavwanzile kuli Yesu ati, ''Mwene, pansita yii umwili wulingine ukuti wukununkha, amuno papita amanda 4 {yani} muno wafwilile.'' ⁴⁰ Yesu wamunenyile ati, ''Wuzye inthakunenyile ukuti, ndi wasuwila, umalola uwuchindame wakwe Leza?'' ⁴¹ Apano yafumizyepo iwe. Yesu winusizye amanso yakwe mupela nu kuti, ''Tata, inkhusalifya pakuti mukawuvwa kuli nene. ⁴² Namanya ukuti insita zyonsi mukawuvwa kuli nene, kwene a pamulandu ni wumba lino linzingulwike achino navwanjila vikwene, umwakuti yasuwile ukuti mwanthuma nene.'' ⁴³ Walile wavwanga vii, wapunzile nizwi lyapapela, ''Lazalo, fuma!'' ⁴⁴ Umunthu umufwe wafumile; amatamba yakwe namakasa vyali ivipombwe ni myenda, ni chinso chakwe chali ichipombwe nu mwenda. Yesu wawanenyile ati, ''Musapulini nukuti muleke apita.'' ⁴⁵ Alino ayavule muwayuda yano yizile kuli Maliya nukulola vino Yesu wachisile, yasuwile muli weliwe. ⁴⁶ Kwene yamwi pali woliwo yafumilepo nukuya ku yafalisayi nukuwanena ivinthu vino Yesu wawomvile. ⁴⁷ Apano ya simapepo yakalamba na yafalisayi yakongine ponga akawungwe yatili , ''Wuzye tumawomba chani? Amuno umunthu wii akuchita ivyakuzungusya ivivule. ⁴⁸ Ndi tungamuleka sile vikwene, wonsi yamasuwila muli weliwe; aya Loma yaliza nukusenda amalo yitu nu mutundu witu.'' ⁴⁹ Kwene, umunthu wumwi pali woliwo, Kayafasi, wino wali umukalamba wa mapepo mumwaka wuwo, wawanenyile ati, ''Mutamanyile nanthi chimwi. ⁵⁰ Mutakwelenganya ukuti chingazipa kuli mwemwe ukuti umunthu wenga afwile ayanthu ukulusya ukuti ayanthu wonsi yononeke.'' ⁵¹ Nomba chii atavwanzile pali weliwe wenga. Kwene, pakuti wali asimapepo mukalamba umwaka wuwo, wasesime ukuti Yesu alifwila umutundu; ⁵² nukuti nsukufwila umutundu wutupu, kwene nukuti ayana yakwe Leza yano yasatana yakongane muwuponga. ⁵³ Nomba ukufuma pawanda wulya yuvwine ukuyana na muno yangamuklomela Yesu. ⁵⁴ Yesu walesile ukupita umwakulolechela pamanso ya wayuda, kwene watalwike ukufuma kulya nukuya munsi yino yali ukupipi na mapoli mu musumba wa Efulayemu. Wizile ayikala kulyakwene na yalondezi. ⁵⁵ Nomba pasika wa yayuda wapalamile, nukuti ayavule yayile kuyelusalemu ukufuma munsi lino uwanda wakwe pasika wutani wufike umwakuti yayiswefye wonga. ⁵⁶ Yamulondanga Yesu, nukuvwanzyana aliwensi numuze lino yimilila mung'anda ya mapepo, ''Ukwelenganya chani? Ukuti atamayiza kulusechelo wuzye? ⁵⁷ ''Nomba ya simapepo yakalamba na yafalisayi yalamwile ukuti ndi wumwi wamanya kuno Yesu wali, afwile avwange umwakuti yamuleme.