¹ ''Umolimo, umolimo, Nkhuvwanga kuli mwemwe, wino asikwinjila ukupitila pamupongwelo ukuya muchiwaka cha ng'onzi, kweni akakwela sile pakwinjila, umunthu wiyo umwivi nupya umupondo. ² Wino akwinjilila ukupitila pamupongwelo akachema wa ng'onzi. ³ Umunthu wino akayula pa mupongwelo akamuyulila . Ing'onzi zikawuvwa izwi lyakwe, nga akayama ing'onzi zyakwe amazina nga akazisokola . ⁴ Nanthi wazifumya zyonsi izyakwe, akazikolelela , nga ing'onzi zikamukonkha , muno zyamanya izwi lyakwe. ⁵ Zitalimukonkha umwenyi kweni zilimusula sile , muno zitamanya izwi lyamwenyi.'' ⁶ Yesu wavwanzile umulumbe kuli woliwo, kweni yatuvwichisye vino ivinthu vino vyali vino wavwanganga kuli woliwo. ⁷ Apano Yesu wavwanzile kuli woliwo nupya , '' Umolimo, umolimo, Nene nkhuvwanga kuli mwemwe, ne mupongwelo wa ng'onzi. ⁸ Wensi wino wizile pano nthani nize umwivi numupondo, kweni ing'onzi zitawuvwile . ⁹ Nemupongwelo. Nanthi wensi winjila ukupitila muli nene, alipusuka ; alinjila nukufuma nga alizana umulenvi. ¹⁰ Umwivi asiyiza ukupawula ukuzayiya nukuzakoma nukonona . Niza ukuti yaye nuwumi nukuti yaye nawo uvule. ¹¹ Ne kachema umusuma . Kachema umusuma akayika uwumi wakwe wonsi pa ng'onzi. ¹² Wino yamwamile sile sakachema nga asi ning'onzi. Nanthi walola ichimbwi chikwiza akazisya ing'onzi nukutuka , nga ichimbwi chikalema nukuzisssya. ¹³ Akawutuka umulandu uwakumwama sile nga asisakamana ivya ng'onzi. ¹⁴ Ne kachema umusuma, nga navimanya ivyane nga nivyane vyamanya nene. ¹⁵ Tata amanyile nene, nga namumanya Tata, nga nayika nuwumi wane pang'onzi. ¹⁶ Indi ning'onzi zyuze zino sizyachiwaka chino. Nize nazo, nga zikuzawuvwa izwi lyane ukuti zikongane ponga na kachema wenga . ¹⁷ Achino Tata wankhundila: Nkhayika uwumi wane ukuti ningawusenda nupya . ¹⁸ Pasi wino angawusenda ukufuma kuli nene, kweni nkhawuyika pali nene, ndi namaka ukuti ningawusenda nupya . Npochelela uwulamulili wuno ukufuma kuli Tata.'' ¹⁹ Ukupawunkhana kwachitikwe nupya pawa Yuda umulandu wamazwi yano. ²⁰ Ayinji yakwe woliwo yatili, '' Ali numupasi uwuyipe nga ...... Ichani chino mukumuvwila ?'' ²¹ Yamwi yavwanganga ukuti, '' Ya samazwi ya munthu wino ali numupasi uyuyipe. Umupasi uwuyipe wungayulka aminso yakwe nyhonkho?'' ²² Apano yali insita yalusechelo lyakwe pasaka uwa kuyipa mu Yelusalemu. ²³ Yali insita iyizuke, nga Yesu wapitanga mung'anda yamapepo mutung'anda twakwe Solomon. ²⁴ Apano aya Yuda yamuwunganile nukuvwanga kuli weliwew ukuti, ''Wuzye umalanga ukatuzungusya mphaka lilachi? Ndi we Kilisitu, tunene apatiswe.'' ²⁵ Yesu wawaswike ati, ''Nawawuzizye, kwene mutasuwile. Imilimo yino nawomvile mwizina lyalwe Tata, vii vikuleta uwukamboni wakuyana nanene. ²⁶ Nanombakwene mutasuwile umulandu wakuti nsimwengónzi zyane. ²⁷ Ingónzi zyane zikawuvwa amazwi yane; Nazimanya, nupya zikankhonkha. ²⁸ Nkhazipela uwumi wamuyaya; zitalifwa, nukuti pasi nanthi wumwi wino angapoka mumakasa yane. ²⁹ Tata wane, wino wazileta kuli nene, umukalamba ukuchila wonsi yawuze, nukuti pasi nanthi wumwi wino angakwanisya ukupoka mwikasa lyakwe Tata. ³⁰ Nene na Tata tuli ponga.'' ³¹ Alino ayayuda yanyamwile nakupya amawe ukuti yamutame. ³² Yesu wawaswike ati, ''Mbalanjizizye imilimo iyivule iyakufuma kuli Tata. Imilimochi pali yiyo yino mukulonda ukunthamila na mawe?'' ³³ Ayayuda yamwaswike ayati, ''Tutakukutama pamulandu numulimo wumwi uwuzima, kwene pamulandu nu musamu, amuno wewe, we munthu, ukuyipanga wenga ukuya we Leza.'' ³⁴ Yesu wawaswike ati, ''Wuzye chitawalikwa mwisunde linu ukuti, 'Natili, ''Mwe twaleza'''? ³⁵ Ndi wawamile ukuya a twaleza, kuli wino izwi lyakwe Lizile (nukuti amawaliko yafwanthike), ³⁶ mukuvwanga kuli weliwe wino Tata wamupawula nu kumutuma munsi ya pansi, ukuti 'ukusamula,' pakuti nati, 'nene Mwana Leza'? ³⁷ Ndi inthakuwomba imilimo yakwe Tata, mutasuwila nene. ³⁸ Kwene ndi nkhuziwomba, napano ndi mutanga munsuwile nene, musuwile mumilimo umwakuti limwi mungamanya nu kuvwichisya ukuti Tata ali muli nene nu kuti nene indi muli Tata.'' ³⁹ yezizye nakupya ukuti yamuleme, kwene wafumilepo ukufuma mumakasa yawo. ⁴⁰ Wapisile nupya ukuchila Yolodani ukuya kuwuyo kuno Yohani wawatizizwe akakutalika, nga wikazile kulyakwene . ⁴¹ Ayanthu ayinji yizanga kuli weliwe nukuvwanga ukuti , '' Yohani umolimo atawonvile ivilanjizyo, kweni ivinthu vyonsi vino Yohani wavwanzile ivya munthu wino ivyamolimo.'' ⁴² Ayanthu ayavule yasuwile muli weliwe kulyakwene.