¹ Nomba lino Yesu akupita, wino wali a nthionkho ukufuma kumphapa yakwe. ² Ayalondezi yakwe yamukolowozizye , '' Rabbi , wino awonwine aweni, umunyhun wino nanthi ayakwasi, pano wapafilwe nthonkho?'' ³ Yesu waswike, '' Umunthu wino atononapo nanthi ayakwasi yakwe , kweni ukuti intchito yakwe Leza yimanyikwe kuli weliwe . ⁴ Tufwile tuwombe umulimo wakwe wino wanthumile nene pano kuchili umusanya. Usiku wukwiza pano nanthi wumwi ataliwomba . ⁵ Pano indi pansi yapansi , ne lukozyo lwansi.'' ⁶ Lino Yesu wavwanga ivinthu vino, waswilile pansi, wapanzile utumatipa namati , nga wamusyemule amatipa muminsi yakwe. ⁷ Wavwanzile kuli weliwe, '' Pitanga , Ukafulale muchiziya chakwe Siloyamu'' ( chino chikapulwa ukuti ''Senti'') . Apano umunthu wilya wapisile, wafulazile , nga wawelile akulola . ⁸ Nga ayapalami ya munthu wilya nayano yamuweni kali ngati akalenga yavwanganga , '' Suweliwe umunthu wino wikalanga nukulenga wi ?'' ⁹ Yamwi yavwanganga ukuti , '' Uweliwe.'' Yamwi yatinji, '' Awe, yakoline sile.'' Kweni wavwanzile , '' Anene.'' ¹⁰ Yavwanzile kuli weliwe, '' Nga apano aminso yako yayulike wuliwuli?'' ¹¹ Waswike, ''Umunthu wino akayamwa Yesu wapanzile umatipa nukumphaka muminso nukuvwanga kuli nene, 'yanga ku Siloyamu ukafulale.' Apano napisile nukuyafulala, nga apano napochelile ukulola kwane.'' ¹² Yavwanzile kuli weliwe, '' Alikwi?'' Waswike'' Nthamanyile .'' ¹³ Yamulesile umunthu wino wali a nthonkho ku ya Falisayi. ¹⁴ Nomba pali apa wanda wa mulungu pano Yesu wapanzile amatipa nga nukuyula aminso yakwe. ¹⁵ Apano nupya aya Falisayi yamukolowozizye muno wapochelelile ukulola kwakwe . Watili kuli woliwo, '' Wayisile amatipa muminso mwane, Nafulazile , nomba nene nkhulola .'' ¹⁶ Aya Falisayi yamwi yatili, '' Umunthu wino atafumile kuli Leza umulandu atakusunga uwanda wa mulungu .'' Yamwi yatili, '' Umunthu wino umononyi angawomba wuli ivilanjizyo?'' Nomba pali ukupawulana pali woliwo. ¹⁷ Nomba yamukolowozizye nupya nthonkho, ''Ukuti wuli vyakwe weliwe, pano wayuzile nupya aminso yako?'' Nthonkho wavwanzile ukuti, '' Intchimi.'' ¹⁸ Nomba aya Yuda yatuvwichisyanga vwakwe weliwe ukuti wali anthonkho nukuti wapochelela ukulola nupya mphaka yamile ayapapi yakwe wino wapochelile nupya ukulola kwakwe. ¹⁹ Yawakolowozizye ayapapi, '' Wino umwana ako wino ukuti wapafilwe anthonkho ? Nga nomba akulola wuliwuli?'' ²⁰ Apano ayapapi yakwe yawaswike ukuti, '' Tumanyile ukuti wino umwanitu nukuti wapafilwe a nthonkho. ²¹ Muno nomba akulolela , tutamanyile, nawino wayuzile aminso yakwe, tutamumanyile . Mukolowozyini, Umukalamba . Angavwanga wenga .'' ²² Ayapapi yakwe yavwanzile ivinthu vino, umulandu yatinanga aya Yuda . Muno aya Yuda yazumilizge kali ukuti nanthi wumwi wazumilizya ukuti a Khilisitu, alisumbilwa kunzi kwakwe Sinagogi. ²³ Umulandu wakwe chino ayapapi yakwe yavwanzile ukuti, '' Umukalamba , mukolowonzini.'' ²⁴ Apano kakwe chili yamwamile kapya umunthu wino wali a nthonkho nukuvwanga kulki weli, ''Mupe Leza uwukulu wakwe. Tumanyile ukuti umuntnu wino umuyembu.'' ²⁵ Apano umunthu wilya waswike , '' Nthamanyile nanthi umuyembu. Ichinthu chonga chino manyile : Nali ne nthinkho, nga nomba nkhulola .'' ²⁶ Apano yavwanzile kuli weliwe, ''Wachisile chani kuli wewe? Nga wayuzile wuli aminso yako?'' ²⁷ Waswike , '' Mbanenyile kali , Nga mutuvwichisye! Ichani chino mukulonda muvwe nupya ? Mutakulonda ukuya alondezi yakwe, mukulonda ? ²⁸ Yamutusile nukuvwanga ukuti, '' We mulondezi wakwe, kweni swe yalondezi yakwe Mose. ²⁹ Tumanyile ukuti Leza wavwanga kuli Mose, kweni tutamanyile kuno wino wafuma.'' ³⁰ Umunthu waswike nukuvwanga kuli woliwo, '' Umunthu wino umumanyikwe, ukuti mutamanyile kuno afumile , ngawuli wayuzile aminso yane. ³¹ Tumanyile ukuti Leza asiwuvwila awononyi, kweni nanthi wumwi ayipile nukuwomba ukulonda kwakwe akamuvwila . ³² Muno insi yatalichila kutatela kuvwike ukuti wumwi wayula aminso ya munthu wino wapafilwe a nthonkho . ³³ Nanthi umunthu wino atafumanga kuli Leza , nge atawonvile nachimwi.'' ³⁴ Yaswike nukuvwanga kuli weliwe, '' Wapafilwe muluyembu, nga nupya ukutusambilizya?'' Apano yamusumbile kunzi. ³⁵ Yesu wuvwile ukuti yamufumya kunzi kwa Sinagogi. Wamuzanyile nukuvwanga ukuti, '' Mukusuwila mu Mwana wa Munthu?'' ³⁶ Waswike nukuvwanga ukuti, '' Aweni, Mwene, ukuti nsuwile muli weliwe?'' ³⁷ Yesu wavwanzile, '' Umuwenimkali , nga awino wuno akuvwanga nawe.'' ³⁸ Umunthu wavwanzile, '' Mwene, nasuwila,'' nga wamupefile. ³⁹ Yesu wavwanzile , ''Muwupinguzi nizile munsi yino ukuti yano yasilola yalola nga nukuti yano yakulola yangaya ayanthonkho .'' ⁴⁰ Aya Falisayi yamwi yano yali nawe yuvwile ivinthu vino nga yamukolowozizye, '' Naswe kwene swe yanthonkho?'' ⁴¹ Yesu watili kuli woliwo, '' Nanthi mwali mwe yanthonkho, nge musi nuluyembu nalumwi, kweni nomba mukuvwanga ukuti , ' Tukulola, ' apano uluyembu lwinu lulipo.''