¹ Lola ulukundochi luno Tata watupela, ukuti twayamwa swe yamwana Leza, nachii amuno tuyelile. pamulandu wukwene insi yitatumanya, umulandu wakuti yitamumanya weni. ² Yakundwe, nomba swe yana yakwe Leza, ukuti sile vitani viwumbukwe muno tuliyela. Twamanyile chii pano kilisitu walolike, tuliya ngati uweliwe, pakuti tulamulola ngati muno ayelile. ³ Wensi wino ali ni suwilo lii muli weliwe akuyiswefya wenga ngati muno ayelile umuswepe. ⁴ Wensi wino uwaluyembu akonona imilimo yamasunde, muno uluyembu ukukana amasunde. ⁵ Mwamanya kuno kilisitu wawumbwike umwakuti asende amaluyembu, nupya muli weliwe mutaya uluyembu. ⁶ Pasi nanti wenga wino aliya muli weliwe wino alipitilila ukuyembuka. Pasi nawenga wino alapitilila ukuyembuka wino wamulola nanti ukumumanya. ⁷ Mweyana, mutaleka wumwi awaponzye. Wino akuchita ichilungamane ali mulungamane, ngati muno kilisitu umulungamane. ⁸ Wino akuchita uluyembu wafuma kuli chiwa, pakuti chiwa wayembuka ukufuma pa nthandiko. Pamulandu wuu Umwana wakwe Leza wawumbulwa, ukwakuti ayize awonone imilimo yakwe chiwa. ⁹ Wensi wino wapapwa ukufuma kuli Leza asipitilizya ukuchita uluyembu, pamulandu wakuti imbezu yakwe Leza yasyala muli weliwe. atanga apitilile ukuyembuka umulandu wapapwa wakwe Leza. ¹⁰ Muli chii aana yakwe Leza na yakwe chiwa yawumbukwa: Wensi wino asichita ichilungamane atafuma kuli Leza nawe kwene wino atamukunda umwina. ¹¹ Pakuti lii izwi lino muvwa ukufuma pa nthandiko: tufwile twakunda wenga na wenga. ¹² Tutaya ngati a Kayini, wino wafumile kuwaluyembu nukumukoma umwina. Ichani chino wamukomile? umulandu imilimo yakwe yali iyipe niyamwina yali iyilungamane. ¹³ Mutazunguka, mweyanji, ndinsi yawapata. ¹⁴ Twamanya kuno twapita ukufuma mumfwa ukuya kuwumi, umulandu twakunda ayanji. wensi wino asikunda wasyala mumfwa. ¹⁵ Wensi wino akupata umuze achikomi. Mwamanya kuno chikomi ataya nuwumi uwamunthasila wuno wikala mumwakwe. ¹⁶ Pali chii twamanya ulukundo, umulandu kilisitu wayisile pansi uwumi wakwe pamulandu wakwe sweswe. Naswe kwene tufwile tuyike pansi amawumi yitu umulandu wawanji. ¹⁷ Kweni wensi wino ali niviya vyamunsi. Akulola umuze umupotwe, nukuyala umwenzo wakwe uwaluse ukufuma ukwakwe, ngulukundo lwakwe Leza lumasyala wuli muli weliwe? ¹⁸ Yanane, tutatemwa mwizwi nanti mululimi, mumilimo numuchumi. ¹⁹ Amuli chikwene chii twamanya ukuti twafuma ku chumi, nukusimichizya imyenzo yitu pankholelo pakwe. ²⁰ Pakuti ndimyenzyo yitu yikutusula, Leza umukalamba ukuchila imyenzo yitu, nukuti wamanya ivinthu vyonsi. ²¹ Yakundwe ngimyenzo yitu yitakutusula, tuli ni suwilo pankholelo pali Leza. ²² Chonsi chino tungalenga tulapochela ukufuma ukwakwe, umulandu twasunga amasunde ukuwomba ivinthu vino vikamusechelesya pamanso yakwe. ²³ Lii isunde lyakwe: ukuti tulingine ukusuwila mwizina lyamwanakwe Yesu kilisitu nukukundana,ngati muno watupilile isunde ²⁴ .Wino akusunga amasunde yakwe Leza akasyalila muliweliwe, Palichii tumanyile ukuti wasyalila muli sweswe, mumupasi wuno watupile.