¹ Yana, inkuwalika ivintu vino kuli mwemwe vino ukuti mutize muyembuke. Kweni ndi wumwi wayembuka, tuli nu mwinkala pakasi na Tata, Yesu Kilistu, wuno umulungamane. ² Uwakupususya ku maluyembu yitu nukuti uku sweswe swenga pola, kweni nupya uku insi yonsi. ³ Tumanyile ukuti twiza pakumumanya, ndi tukusunga masunde yakwe. ⁴ Wino akuti, ''namumanya Leza'' kweni asisunga amasunde yakwe uwawufi, nukuti ichumi wusi muli weliwe. ⁵ Kwene wensi wino akasunga izwi lyakwe, muli Weliwe ichumi nulukundo lwakwe Leza lwafikapo pali chino twamanya ukuti tuli muli weliwe: ⁶ wensi wino akuvwanga ukuti wikalila muli Leza alingine nukpya apita ngati vino wapitanga. ⁷ Yakundwe, isikuwalika isunde lipya kuli mwemwe, kweni isunde likali lino mwemwe mwali ukufuma ku ntandiko. Isunde likali izwi lino mwemwe mwauvwila. ⁸ Napano wuli inkuwawalichila isunde ilipya lino ichumi muli Klisitu na muli mwemwe, pamulandu ifinsi ikupita, nu kuswepa kwachumi wukuwala piti. ⁹ Wino akuvwanga akuti ali inu aswepe nu kupata umuze ali munfizi paka nomba. ¹⁰ Wino wakunda umuze winkalila mu utwiswe nukuti musi kamwi akantu akakumuchisa muntu. ¹¹ Kwene wino wamupata umuze ali munfizi nukuti apita mu nfinzi; asimanya kuno akuya pamulandu infinzi yamuyala aminso yakwe. ¹² Inkuwawalichila mwemwe, yana, pamulandu amaluyembu yinu yatetelwa pamulandu wizina lyakwe. ¹³ Inkuwawalichila mwemwe, Yatata, pamulandu mwamanya wino wafuma pantandiko, inkuwawalichila mwemwe, yana yanono pa mulandu mwamuchivwa umuyipe. Nawawalichila, mwemwe, yana, pamulandu mwamumanya Tata. ¹⁴ Nawawalichila mwemwe, yatata, pamulandu mwamunya wino wafuma pantandiko. Nawawalichila mwemwe, yana yanono, pamulandu muli namaka, nukuti izwi Lyakwe Leza likala muli mwemwe, nukuti mwamuchivwa umuyipe. ¹⁵ Mutakunda insi pamwi ivintu vino vili munsi. Ndi umwi wakunda insi, ulukundo lwakwe Tata lusi muli weliwe. ¹⁶ Pakuti chonsichino chili munsi--ukulonda kwa mwili, ukulonda kwa minso, nu kuyikuzya kwa wumi-- vitafuma kuli Tata kweni vyafuma munsi. ¹⁷ Insi nu ulukumbwa lwakwe vikupita. Kweni wensi wino akuwomba ukulonda kwakwe Leza alinkalila penape. ¹⁸ Yana, i ola lyawumalilo. Ngati muno muvwila ukuti mukana Kilistu akwiza, nomba a yakana Kilistu avule yatiyiza. Pali chii twa chimanya ukuti i ola ya umalilo. ¹⁹ Yafumile ukwitu, kweni yatali ayitu. Pakuti ndi chakuti yakufuma kuli sweswe nga yasyazile na sweswe. Kweni lino yafumapo, chilya chalanjizya ukuti yatafumile kuli sweswe. ²⁰ Kweni muli nukupakwe ukufuma nu muswepe, nukuti mwensi mwamanya. ²¹ Intawawalichila mwemwe pamulandu mutamanyile ichumi, kweni pamulandu mwachimanaya ichumi nukuti pamulandu pasi ufi ukufuma mu uchumi. ²² Weni uwaufi kweni wenga wino akukana ukuti Yesu ali Klistu? Muntu wiyo umukana--Klistu, pakuti akukana Tata nu Mwana. ²³ Pasi umwi wino akakaka umwana ali na Tata. Wensi wino wazumila umana nupya ali na Tata. ²⁴ Ngati kuli mwemwe, lekini chino mwachuvwe kufuma ku wutandiko chikala muli mwemwe. Ndi chino mwachuvwa kufuma kutandiko chikhala muli mwemwe, namwe kwene mulikhala mu mwana na muli Tata. ²⁵ Lino ilayano watupila sweswe--wumi uwape. ²⁶ Nawalika ivintu vino kuli mwemwe pali yano yanga waponzya. ²⁷ Ngati kuli mwemwe, ukupakwa kuno mwapochelila kufuma kuli weliwe winkale muli mwemwe, nukuti mutakulondwa umwi kuwasambilizya. Kweni ngati vino upakwa wakwe ukukusambilizya mwemwe vintu vyonsi nukuti ichumi nukuti sufi, ngati vino wawasambilizya mwemwe, mwankala muli weliwe. ²⁸ Nomba, yana, mwikala muli weliwe ukuti ndi walolechela tuliya nichankanga nukuti tutaliya ni nsonyi pali weliwe pa kwiza kwakwe. ²⁹ Ndi mwamanya ukuti umulungamane, mwamanya ukuti wensi wino akuwomba chino ichisuma wavwelo kufuma kuli weliwe.