¹ Loli u Sawuli, achili akwinong'ona umoyo ukuti angakoma abamanyili ba mwene, akaya kubaputi abasongo. ² Sona akamulalusya izya kalata uwakuya ku chalichi ku Damasikasi, nanthi ungaghako yumo yo akumukonkha, kali pamo mwakakazi wize nawo ku Jelusalemu nu bapinya. ³ Bo akwenda, vikachitika ukuti bo afika kupipi ku Damasikasi, mwakuchenusya ubuswepu bukafuma ku mwanya. ⁴ Po akawa pansi akivwa izwi likuneniwa kukwache, ''Sauli Sauli choni cho ukunjimvia? ⁵ Sauli akamula , ''ka wewenu mwene?'' umwene akati, ''ne Yesu, yo ukumulonda. ⁶ Loli nyamuka, uye muchikaya ichikulu, inthi bakubuzye cho uya pabomba. ⁷ Abanthu bobakendanga nu sauli bakimilila batakanenga nachimo, bakivwanga ghomazwi, loli batakalinga nayumoyumo. ⁸ U Sauli akanyamuka pansi, bo akwighula amaso, atakalinga na chimo; po bakamukola panyobe po bakabuka nawe ku Damasikasi. ⁹ Pamasiku ghatatu atakalinganga nukulya nukung'wa bubo. ¹⁰ Pokukaba umumanyili ku Damasikasi izina lyache Ananiya. Umwene akati kukwache muvilota, ''Ananiya!'' Po akati, ''ndinga, une indi pano, Mwene.'' ¹¹ U Mwene akati kukwache, ''nyamuka, buka munzila yo tukuti yigholoke, uye ulalusye inyumba inyumba ya Yudasi yo akamuma mukaya ka Taraso bakumwita ukuti Sauli, pakuti ilelo akwiputa. ¹² Po akiza alinga mu vilota umunthu yumo izina lyache Ananiya akwiza nukughoneka inyobe papache , pakuti ize alinge sona. ¹³ Loli u Ananiya akamula akayi, ''mwene nivwa ukufuma kubanthu abinji izya munthu uyo, abonba ivibibi vilinga ku banthu abiza aba mu Jelusalemu. ¹⁴ Po ali namaka ukufuma ku baputi abasongo ukuti bakole wensi yo akwiputa mwizina linu. '' ¹⁵ Loli umwene akati ku kwache , ''Buka, chifukwa uyo asaliwe ukuti mubombeli wane, aye anyamule izina lyane kubakunzi nabamwene nabana bamu Izilayeli. ¹⁶ Une inthi mulangizye ivya kubaba chifukwa chi zina lyane. ¹⁷ Po u Ananiya akanyamuka, nukwinjila munyumba. Akaghoneka inyobe papache, po akati, ''Mwanangwa Sauli, u mwene u yeso, yo akubonekile pa musebo po wizanga, wewe anthuma ukuti upokele ukulinga kwako ko kwizula nu muzimu umusepu. ¹⁸ Mwalubilo ivinthu vikafuma kumaso vikaba ngati akanda pakulinga; akanyamuka sona akoziwa; ¹⁹ Bo alya akaka ghakiza. Akikala na bamanyili mu Damasikasi amasiku aminji. ²⁰ Aponyene na ponyene akanda pakupalazya uyesu mu chalichi, akanenenga ukuti we mwana wa chala. ²¹ Bonsi bobakivwa bakaswigha bakatinji, ''Ka temunthu yo akananga bobakaba mu Jelusalemu yo akwitiziwa mwizina ili? Iza kuno pati abasende aye nabo kubaputi abasongo. ²² Loli u Sauli akiza ongeleziwa amaka, sona ubupalazi bwache bukabapota naba Yuda bobakikalagha mu Damasikasi pakuti basimikizya ukuti u Yesu we Kilisitu ^{23 24 25} Bo penda amasiku aminji, aba Yuda akapanzania poka ukuti bamukome. Loli vyo bakapanzania vikamanyikwa kwa Sauli. Bakavwamilila mumilyango pamusanya na pabusiku ukuti bamukome. Loli abanyili bache ba kamusenda pabutsikunukumwingizga pa chindozi icha ilinga, nukumwisizga muchizanga. ^{26 27} bo iza mu Jelusalemu,Sauli akayezga ukuti awe mumanyili, loli bonsi akamukana, batakivwisya ukuti akaba mumanyili. Loli baranaba akamusenda nukubuka nawe kuba manyili, sona aksenda mo usawuli mo akabela kubamwene pa musebo po sona namo umwene akanenela nawe, namo u Sauli apalazizga nkhani mu Damasikasi mwi zina lya Yesu. ^{28 29 30} akaba nabo, ukubuka nkufuma mu Jelusalemu po akapalazga umwa bu jimvu mwidzina lya mwene u Yesu.sona akasusyana naba Juzi bobakanenanga ichi Giliki, loli abene bakapitilizya ukuti bamukome. bo abanangiwa bamanya ivi, bakamusenda ukwisika nawe ku keselia nukumutuma ku Talaso. ^{31 32} po ivyalichi vyonsi ivya Chala muchigawa icha Yudea, na mu Galileya na mu Chamaliya mukaba umwakufwasa akasatuka nukwenda nukumogha u mwene sona nukumutalalika nu muzimu umuswepu, amachalichi gha kavula. po kukiza akabalilo kamo, po u Pitala akenda mu kaya konsi, akangala na banthu mwa chala bobakikalanga mukaya akakulu aka Lida. ³³ mulanyene akamwaghamo umunthu yumo idzina lyache Eneya, yo akaba ukuti aghona muvibonde imyaka eyiti, pakuti akaba wakuti akafwa umubili imbali yoka. ³⁴ UPitala akanena akati, ''Eneya, u Yesu Kilisitu akupozya uwe. Nyamuka sona nyamula ichibonde chako,'' aponyene akanyamuka. ³⁵ Abanthu bonsi bobakikalanga mukaya sona bakapinduka mwa Mwene. ³⁶ Ilelo ku Jopa umanyili yumo idzina ilyache Tabita (cho chikung'anamula ukuti, ''Dorika''). Umwanakazi uyu akabombanga imbombo iziza nukubika ivyabupi ukuti vyavwe abapina. ³⁷ Kakiza akabalilo ko akalwala sona akafwa. Bokozya umubili yula, nu nukughubika muchipinda chapamwanya. ³⁸ Pakuti akaya Lida akaba papipi nu Jopa, umumanyili akivwa ukuti u Pitala akaba kulanye, bakatuma abanthu babili, nukulambilizya ''zakuno umwambula kuchedwa.'' ³⁹ Pitala akanyamuka nukubuka nawo. Akati afika, bakamubika muchipinda chapamwanya, na banthu bobakamuzungulila bakalilanga, nukumulongozya amalaya gho u Dorika asonanga bo achili wa bumi. ⁴⁰ Pitala akabafumiya wonsi wokaba mu chipinda chila, nukugwada,akiputa; po akang'anamukila kumuvimba, akati, ''Tabita nyamuka.'' po akighula amaso, akalinga u Pitala akikala. ⁴¹ Upitala akamukola panyobe nukumunyamusyizya mumwanya; po akiza amupunda mumphepo zya Chala, nabafwirwe akabalangizya. ⁴² Amazwi ghakamanyikwa ponsi mu Jopa, sona abanthu abinji bakasubalila mwa Mwene. ⁴³ Vikachitika ukuti u Pitala akikala amatsiku aminji mu Jopa nu munthu yumo idzina iyache Simoni uwakusyana.;