¹ Pakaba umunthu yumo muchikaya ichikulu icha Kesariya, Keroneliyo idzina Iyache, uyu akaba wesongo wa baku Itale. ² Akaba munthu wakwiputa, yo akamoghopa uChala ni mbumba yache, abamvanga abanthu muvinji, sona akiputanga kwa Mwene kabili kabili. ³ Mukaba muma fili koloko iya chamabwila, akalinga mu chilota umu Ngelo akwiza ku kwache. Ungelo akati ku kwache akati ''Koroneliyo''. ⁴ Koroneliyo akamulingitsizya umu Ngelo umwa koghopa hee nu kuti, ''chochoni, bwana?'' U Ngelo akati kukwache, ''ukwiputa kwako ni chitsa chacho uChala avipokela sona akwamula. ⁵ Tuma abanalume waye kuchikaya ichikulu icha Jopa bize nu munthu idzina Simoni yo wakuti Pitala. ⁶ Yo akwikala nuwa kusyana idzina we Simoni, yo inyumba yili mumbali mwa nyanja.'' ⁷ Bo umNgelo yula anena akabuka, Koroneliyo akabitizya aba mbombo wache aba pa nyumba poka na basilikali abakwiputa ukufuma kubo bakapona. ⁸ Koroneliyo akababuzya vyosi vikachitika nu kubatuma ku Jopa. ⁹ Kundabi yache akabalilo ka tweluvu koloko, bobali pa bulendo akufika mu chikaya ichikulu, Pitala akaya pa mwanya pa nyumba nu kwiputa. ¹⁰ Inzala yikamubaba akalondagha ukuti angalya chimo loli bobanda pakupiya, akaghona akalota, ¹¹ Akalinga kumwanya kukighuka, po ichizanga, nichimwenda ichikulu chakoleleka nivimmphemvu vyache vyonsi folo, ¹² Mukasi mwache mukaba ivinyamana ivyaku pambanapambana ni vyakwe ndela inyanda pa chinsu cha pansi,sona iviyuni vyo vikubeta mumwanya. ¹³ Po amazwi ghaneneka ku kwache: ''Nyamuka, Pitala, koma sona urye.'' ¹⁴ Loli u Pitala akati, ''Na panandiponsi, mwene; pakuti nthalilepo lumo ichinthu ichamwiko sona ichanyala. ¹⁵ Loli amazwi ghakiza sona ilyabubili ''cho uchala ati chochiza, mutakatingi cha mwiko.'' ¹⁶ Ivi vikabombiwa katatu konsi, po ichizanga mwalubilo chikakwela kumwanya. ¹⁷ Bo u Pitala achili akwinong'ona ivya vilota vyo akalinganga vyo vikang'anamulanga, linga, abanthu bo bakatumiwa nu Koloneli akimilila pabutaliko nu mulyango, boba lalusya inzila iyakuya kunyumba. ¹⁸ Po bakamupunda nukumulalusya nanthi u Simoni, yokamwitizyanga Pitala akaba palanye. ¹⁹ Bo uPitala achili akwinong'ona pavyo akalinga mutulo , umuzimu ghukamuzya ukuti, ''Linga, Abanthu batatu bakukulonda uwe. Ghamo amabuku ghakale ghakuti, abanthu babili bakukulonda, sona ghamo ghakuti bamo abanthu bakukulonda. ²⁰ Nyamuka sona isika buka nabo , utakakayikile pakubuka nobo, ichifukwa nene nabatuma.'' ²¹ UPitala akisika kubanthu bala akati, ''nene ne munthu yomukulonda. Ka mukulondachi?'' ²² Abene akati, ''usongo wankhondo idzina iyache Koroneli, umunthu umwiza sona akoghopa uChala , sona weyo muneni umwiza pa luko lonsi urwa ba Yuda, weyo apeghiwa amazwi kufuma kwa Chala nu Ngelo umu swepu ukuti akukwitizya kunyumba yache , pakuti aye ivwe vyo iwe ungamubuzya. ²³ Po uPitala akabitizya ukuti wikale nawo. Pandabindabi akanyamuka nu kwenda nawo. ²⁴ Pisiku ilinyabo akaya ku Kesaleya. Koloneliyo akabalindililanga; akaba ukuti abitizizye kale abakamu na bamanyani bache. ²⁵ Pakiza paba ukuti wo Pitala injira, Koroneliyo akakona nawe nukuwa mu vinama vyache nukwiputa. ²⁶ Loli uPitala amunyamusizye mummanya, akanena , ''imilila nune ne munthu.'' ²⁷ Wo Pitala akunena na yuyo, akabuka mukasi mo akabanga abanthu abinji babunganite poka. ²⁸ Umwene akati kukwawo, ''Umwe mwebosi muzimenye kale ukuti ntemwiko ukuti u Yuda angale pamo endelane nuwa luko ulunji. Loli ilelo u Chala andangizya une ukuti ndeke ukumunena u munthu ukuti muswepu pamo ntemu swepu. ²⁹ Chocho chifukwa nkhati nitiziwa nuwe nkhapotwa pakakana. Ilelo kukulalusya kuti, ka ukandondelangachi?'' ³⁰ Koroneliyo akati, Amasiku boghendapo folo, pa kabalilo ka feli koloko nichamabwila po nkhiputanga mu nyumba yane, nkhalinga, umunthu imilile panthazi pane amvete ivya imyenda iya kubuta. ³¹ Akati, ''Koroneliyo,inyiputo zyako zivwika kwa Chala, sona akumbuka imbombo zyako izya chisa. ³² Ilelo tuma umunthu ku Jopa, ukuti baka mwitizye umunthu yumo idzina Simon yo bakumwitizya ukuti Pitala. Akwikala mu nyumba yawakusyana idzina Simoni, yo inyumba yache yili mumbali nyanja iyikulu; Ghamo amabuku ghakale ghakongelezya: Nanthi izya, alinena kukwinu. ³³ Pa kabalilo koka, nkhatuma kukwako. Wabomba nkhani wiza. Ilelo pano, uswe twebosi twafika pa maso gha Chala ukuti twivwe vyosi vyo ulamulile nu chala ukuti unene.'' Mumalo mwakuti ulamuliwekale nu Mwene mukunena, ghamo amabuku ghakuti:Ulamuliwe kale nu Chala , moghakunenela. ³⁴ Po Pitala akanena akati, ''Naloli , namanya ukuti uChala atenulughano awe. ³⁵ Loli, muchigaba chonsi wensi umunthu yo akumoghopa yuyo sona akubomba imbombo iziza iyo akwitikiziwa ku kwane. ³⁶ Mu menye amazwi gho akatuma ku banthu ba mu Izilayeli, bo babaziwa amazwi amiza agha basungi mwidzina ijya Yesu Kilisitu, yo we mwene wa wonsi. ³⁷ Mukunya ivinthu vyo vikachitika ku malo bonsi agha ku Judeya,kubwandilo Galileya, bo bu ububatizo bwa Yohani bwivwika. ³⁸ Mo vikachitikila ukukwafyania nu Yesu uwa ku Nazaleti, ngati mo u Chala Akamusalila yuyo nu muzimu umuswepu sona namaka.Akabuka pakubomba imbombo izinji nu Satana. Pakuti uChala akaba nawe. ³⁹ Uswe tukaba swe bakamboni pa vyo u Yesu akabomba , monsi muchinsu cha Yudeya namu Jelusalemu. Baka mukoma nu kumupinya pa chikomo. ⁴⁰ Loli uchala akamuzusya kubakufwa pitsiku ilya butatu ukuti aboneke. ⁴¹ Loli kubanthu awe, loli kuba kamboni bobakasaliwa kale nu Chala. Uswe swe lukalyanga nawe nu kungwa poka nawe bo anyamuka kuba kufwa. ⁴² Akalamulika ukuti aye anene amazwi amiza kubanthu ukutin awe we kamboni ukuti umwene weyo atsaliwa nu chala, pakuti alamule umupuma nu wa kufwa. ⁴³ Momo vibelile kukwache ukuti wonsi abaghonela bokamboni, pakuti wensi yo akusubalila mumwache aliza apokele ukughombokiwa ku mbibi mwina iyache. ⁴⁴ Bo uPitala achili akunena, umuzimu u swepu ghukiza kubanthu wonsi bo bakivwa amazwi. ⁴⁵ Abanthu bo bakafumianga akachipapa kunkhule iya mwanalume bo lusubilo-bonsi bbobakiza nu Pitala bakaswigha, chifukwa cha chabupi icha umuzimu uswepu umwiza ghopewaya waya kuba kunzi. ⁴⁶ Pakuti akivwa ukuti abakunzi bakunena muvinenelo ivinji sona bakwiputa hee uChala. Pitala akamula ⁴⁷ ''Ka alipo angasengula aminzi ukufuma ku banthu aba pakuti batakoziwe, abanthu aba wo bapokelite umuzimu uswepu bope ngati sweswe?'' ⁴⁸ Po akabalamula ukuti wensi ababatiziwe mwidzina ilya Yesu Kilisitu. Po bakamulenga ukuti ikale nawo amatsiku aminji.