¹ Bo abapositoli sona nabanangwa bobakaba mu Judeya bakivwa ukuti abanthu abamitundu bope bapokela izwi ilya Chala. ² Bo u Peteli akiza ku Jelusalem, bobakaba kumbali yabanthu abinji cho badumwile ivipapa bakamususya; ³ Bakati, ''Akwivwana nabanthu bobatandumile sona nukulya nabo!'' ⁴ Loli u Peteli akanda pakulongosola inthamyo kukwabo umwasimikizyankhani nukuti, ⁵ ''Une nkhanda pakwiputa mukaya akakulu akamu Jopa, sona nkhalinga nivyakunthanzi ivyakatini kokakawa pansi, kayana ngati chimwenda ichikulu ilya kufuma kumwanya namakona ghache folo. Ghukusika nukwiza papi nune. ⁶ Nkhachilingisya nukuchinong'onela. Nkhalolela ichinyamana ichavinama folo ichapachisu ichpansi .wikoko vya pachisu chapansi vikwavula pansi sona niviyuni vyakumwanya. ⁷ Po nkhivwa amazwi aghakaneniwa ukwiza kukwane, ''Nyamuka, Peteli; Koma sona ulye!'' ⁸ Une nkhati,''Temomumo, Chala; chote chiswepu napo chitaswepite chitinjile mumulomo.'' ⁹ Loli amazwi ghakamuliwa ukufuma kumwanya, ''cho uChala achiswefizye mutakanene ukuti chibibio. ¹⁰ Ichi chikabombiwa katatu, po sona vyonsi vikasendiwa nukuya kumwanya sona. ¹¹ Pakabalilo kala pakaba abanthu batatu bakimilila kunthanzi kwa nyumba kotuba; bakatumiwa ukufuma ku kasaleya ukwiza kwane. ¹² Umuzimu ghukandamula une ukuti mbuke nabo, sona nthakafumyeko ukuyana nabo. Abanangwa bakabuka nune, sona tukaya twinjila munyumba ya munthu. ¹³ Akatubuzya mo abalingila abangelo bimilile mukasi munyumba yache sona bakati, ''Batume abanalume ku Yopa munyosye u Simoni yo bamwitizya Peteli. ¹⁴ Akwiza ukunena amazwi ghawo ghazukubapoka-uwe nimbumba yako yonsi'.'' ¹⁵ Bo nanda pakunena kukwabo, umuzimu ghukiza kukwabo, ngati moghukizila pabwandilo. ¹⁶ Nkhakumbuka amazwi gha Chala, mo akanenela, ''U Yohane naloli bakamozya naminzi: loli mukwiza ukoziwa namazwi aghiza.'' ¹⁷ Nanthi u Chala abapa ichabupi ngati mo akatupela uswe bo twasubalila uchala. Ukufumila mwa Yesu, ningaba newenu, ne ningasusya u Chala?'' ¹⁸ Bobivwa ivinthu vino, batakanena nachimochimo, loli bakamuchindika uchala sona bakati, ''akabachenja ukuti ng'anamuka umoyo nama na banthu aba mitundu.'' ¹⁹ Po bobakiza basatana chifukwa cha nthamyo zyo zikanda pa Sitefani akasasya kwa Fonishani, Sayipulasi, Anthiyoki, ukunena amazwi kuba Yuda bene. ²⁰ Loli pabamo bala, abanalume bafumila ku Sayipulasi nuku Sayilini, bakiza ku Anthiyoki sona bope bakanena kuba Helene, bakalumbilila amazwi aghiza agha Yesu umwana wa Chala. ²¹ Inyobe iya Chala yikaba nabo: inambala iyikulu yikasubalila nukung'anamukila kwa Yesu. ²² Utupangwi utwa bo tukwiza pa makutu gha chalichi mu Jelusalemu, sona bakafuma mu Barnabas kubutali ngati ku Anthiyoki. ²³ Bo afika sona akalinga ichisa cha Chala, akahoboka nukubapa amapa bonsi bikale nu Chala numoyo wabo ghonsi. ²⁴ Bo akaba munthu mwiza sona nukwizula numuzimu umuswepu sona nubwanaloli sona abanthu abinji bakongeleziwa kwa Chala. ²⁵ U Barnaba akafumamo mu Tasasi pakulonda Sauli. ²⁶ Bo amwagha yuyo, akiza nawe ku Anthiyoki zikiza akuti, imyaka yobakabungana poka nabachalichi sona numanyisya abanthu abinji. Abafundiwa bakabitizyanga pabwandilo kuti boba Kilisitu mu Anthiyoki. ²⁷ Po amasiku ghano aba Polofeti aba kufumila ku Jelusalemu nukuya ku Anthiyoki. ²⁸ Umwaweka, izina iyache, Agabasi akanyamuka nukwimilila namaka aghamuzimu wa Chala nukuti kuboneke inzala chisu chonsi ichapansi. Ichi chikaboneka mumatsiku agha Kaladiyasi. ²⁹ Po abamanyili, bo weka akamanya, akanda pakutuma ivyakusangula pakubavwa abanangwa mu Judeya. ³⁰ Bakabomba vino; bakatuma indalama kubasongo munyobe ya Barnabas nu Saulo...