¹ Bo chadumuliwa ukuti tuye ku chisu cha Italy, u Paulosi poka naba kayidi abanyabo bakababika kwa songo wabasilikali izina lyache Juliyasi. ² Bakakwela ingalaba yoyikafuma ku Adilamitiya yikayanga ku Asia. Po tukaya kunyanja. Arisitachasi ukufuma ku Tesalonika mu Mekidonia bakabuka nuswe. ³ Isiku lya ndabi yache tukafika mu kaya akakulu aka Sidoni, bo u Juliyasi akamuzya u Paulo sona akamwitikizya ukuya kumumanyani wache ukuti baye babasungenge. ⁴ Ukufuma kula tukabuka pakulinga sona tukenda munthende mwa Lee wamu Sayipulasi, ukupululila mukachigawo kokali pakene, chifukwa imphepo yikatuvulunganianga. ⁵ Po tukenda nupululila inyanja sona tukaba papipi nu Siliya sona Pamfiliya po babafika mu Mala mukaya akakulu aka Lucia. ⁶ Po pala uwakale akayagha isitima yo yikafumanga ku Alekizandiliya yoyikaya pakwenda ku Itale. Po bakatwinjizya mulanye. ⁷ Po tukenda amasiku aghinji panandi panandi potukafika umwakutamiwa papipi ni Kinidasi, po imphepo yikakuka potukapotwa upulila po tukwenda momuli akazunda imbali ya Keletu ukulingana nu Salome. ⁸ Tukendanga mumbali mwa nyanja ninthamyo, mupaka tukafika pa malo ghamo ghobukuti Haveni, gho ghali papipi nichikaya chikaya Laseya. ⁹ Tukikala akabalilo akatali, itayimu yo aba Yuda bakasala. Po sona chikaba chakoghofya pakwenda. Po u Paulosi akasoka abanthu akati, ¹⁰ Umwe mwebanthu nalinga ubulendo bwitu kotukuya inthi tuvulale sona ukatundu witu inthi ananganike poka numoyo witu.'' ¹¹ Loli umulongozi akivwisya namazwi gha mwenecho wa Ngalawa pakulusya agha Paulosi. ¹² Po loli pasiteji pala pakabapiza ukuti abanthu banga tuzyapo patayimu iya mphepo, aba kwenda abinji bakabuziwa ukuya kula, pa nzila zyosi tungafika mukaya akakulu aka Fowenikisi nukutuzya mupaka mupaka imphepe yimale. Fowenikisi yo siteji mu Kelete, nukulingako izuba likufuma sona naku South West North West. ¹³ Po imphepo yafuma kumwela yikanda ukukuka panandipanandi, bobakenda bakalonda bakwanilisye chobakalonda. Po bakapima chochikakola ubwato, po bakaloboka nukubuka ku Kelete papipi nakunzi. ¹⁴ Pakabalilo kanandi imphepo iyamaka yo bakayitizyanga ukuti, kavuluvulu uwafumila ko izuba likufumila, chikanda pakukuka ukufumila kumalo ghoghali pakasi pa Nyanja. ¹⁵ Bo ukavuluvulu akanda pakumala u Bwato sona tukagha inthamyo inkhulu hee ukuti ingalaba yilinge kumphepo, po tukiza twaleka bwaka ulimbana nayo ukuti ukavuluvulu abuke nu bwato. ¹⁶ Tukenda mumbali mwa Lee pachilumba ichinadi chobakuti Kauda, tukenzya ubwato ninthamyo inkhulu, ukuti tupulumusye ubwato. ^{17 18} Bo banyamula ubwato mumwanya, bakabombela inkhusa ukwema isitima. Bakaba nubogha bwakuti bangasamala amyigha agha ku Sayitisi, po bakinjizya ichela sona bakiza bachifumya. Tukalimbana nukavuluvulu umwakuti indabi yache bakanda ukufumya ukatundu mu bwato. ¹⁹ Isiku lyabutatu bobakenda bakataya ukatundu wa mubwato ninyobe zyabo. ²⁰ Bo izuba ni nthondwa zitakabala kukwitu pamasiku aghinji, sona ukavuluvulu akatukukila hee sona abinji bakati tetube twebamoyo. ²¹ Bo abanthu bikala akabalilo akatali mwambula ukulya, po u Paulosi akimilila mukasi mwabo sona akati, ''mwe banthu nanthi mukanivwa, sona mutakanyamusye ubwato nukuya ku Kelete nge tutakaluza nukuluza ukatundu. ²² Loli sona nkhulenga ukuti jimba umoyo, patalipo nayumo kukwinu yo inthi afwe loli ubwato bwene bo inthi bukomanike. ²³ Ligholo umungelo wa Chala yo une newache akimilila pambali papane. ²⁴ Sona akati, leka pakoghopa Paulosi. Akwiza pakwimilila pa kesale, sona nukulinga Uchala muchisa chache akubapa mwebonsi mwe mwendanga nawe.' ²⁵ Po mwebanthu umwe jimba imyoyo. Bo nkhusubalila Uchala pakuti zizubombiwa ngati mo akambuzizya une. ²⁶ Loli tusamalile vizilumba zimo. ²⁷ Bo amasiku ghakwana 14, tukasendiwa kunzila sona nukuya ku Nyanja ya Adiliyatic. Pakasi pa busiku bakinong'ona ukuti bali pafika kukakwezya. ²⁸ Bakasenda ivyakupimilabakatayila m'minzi bakagha 20 fathoms; bopenda itayimu bakapima sona bakagha 15 fathoms. ²⁹ Bakoghopanga pakuti Ingalaba yingaguntha ibwe, po bakinjizyanga ivyela ivyakwana folo kwisinda kwache sona abanthu bakiputa kuche lubilo. ³⁰ Bo bakenzyanga Ingalaba bakalonda pa samalamo mu Ngalaba sona bakisya ubwato muminzi, sona bakaba ngati baya pasumbila ivyela ku nthanzi kwa Ngalaba. ³¹ Loli u Paulosi akati,''usongo wabasilikali sona nakubasilikali,'' Napo abanthu bano bikale mu Ngalaba temupokiwe.'' ³² Po abasilikali bakudumula ulukusa lwa Bwato sona akalileka pati kabuke. ³³ Bo kwanda pakucha, Paulosi akabalenga bonsi pakuti balye ichakulya. Akati, ''Mwikala amasiku 14 nokulya nachimochimo. ³⁴ Nkhubalenga pakuti mulye ichakulya, mulondiwa ukulya pati mutakafwe. Pa akasisi nanthi koka ko inthi kasobele pakufuma mumitu yina. ³⁵ ''Bo anena bunonye akasenda ichibama nukuchimensula nukwanda pakulya. ³⁶ Abanthu bonsi bobakabaghomya mukasi mumwabo bakalya ichakulya. ³⁷ Twebonsi poka mu Ngalaba yila tukabamo 276. ³⁸ Bo bonsi balya bikuta, bakayipepusya Ingalaba, pakusumbila u Tiligu mu Nyanja. ³⁹ Bo kwacha bobakenzya Ingalaba bakapotwa nuchimanya ichisu chila, loli bakalinga isiteji yo mumbali mwache mukaba umusesenga, sona bakanenezyana akuti angayenzya Ingalaba palanye. ⁴⁰ Po bakafumya ivyela nukuvileka muminzi. Sona bakasatula inkhusa zyo bakapinyila ichinyongelo, sona po bakakwezya umwenda ku nthanzi pakuti imphepo yisunkhule ubwato kunthanzi liye pambali. ⁴¹ Po bafika pamalo ko inyanja zibili zikakumana sona isitima yikadwiba pansi. Ichakunthanzi chache chika patila nokwenda, po pakasi pakanda ukuchimuka chifukwa cha mayigha ichongo cha mphepo. ⁴² Abasilikali bakalondanga pakoma bosi abakaidi patakabe nayumo uwati asabe sona nusamala. ⁴³ loli usongo wa nkhondo akalonda pamuponia u Paulosi, Pololi akabalesya pabomba ichinthu chila; sona akababuzya ukuti babanga saba banyele nathi ubwato bwizula baye kunzi. ⁴⁴ Po abanthu bonsi bobasyala bakonkhe mumatabwa, munzila yino vitakachitika ukuti twebonsi tufika kunzi akiza.