¹ Bo twapulumuka, tukamanyila ukuti aka ayilandi bakukitizya ukuti Malta. ² Abanthu bakunzi bakatupa ivyakunona vyo vitakuboneka mwalwe, pakuti bakapemba umoto, nukutupokela chifukwa cha mvula yoyikawanga, nukutalala. ³ Bo u Paulo abunganika umuzigho wankhwi, akaghubika pamoto, mukafuma injoka chifukwa cha chilungula, yikamuluma pa nyobe. ⁴ Bo abanthu bapanzi balinga ichinyamana chilumite umwa kulelemba ku nyobe, bakanena kwa weka nu munyabo, naloli umunthu uyu akwenela ukuba wa kukoma nangabuli akapulumuka ukufuma kunyanja, ubwanaloli butakumwitikizya ukuti abe nubumi. ⁵ Po apo akakung'unthila ichinyamana pamoto sona atakivwa ukubaba nakumo. ⁶ Bakalindilila ku kwache ukuti inthi izule, pamo inthi awe pansi nukufwa aponye. Bobamulindilila mutayimu iyitali, nukwaghe ukuti patalipo nachimo, bakanena we Chala. ⁷ Loli papipi popakaba iminda ya mwene wa Isiland, umunthu izina lyache Publius. Akatupokela nukutulyesya kwamasiku ghatatu. ⁸ Vikabombiwa ukuti uwise wa Pablius akaghona nukulwala imbina ya Zekema nu kupela. Bo u Paulo abuka kukwache, akiputa aKabika inyobe papache, akamupozya. ⁹ Bo ivi vyabombiwa abanthu abinji bobakasyala mukaya ka Island bobakalwala bakiza nukupola. ¹⁰ Abanthu bope bakatuchindika ni nchindi izinji. Botukunozyeka ukuti tughuzye, bakayupa uswe vyo tukalonda. ¹¹ Bo penda imyezi yitatu tukenda mungalaba ya ku Alekizandiliya, yoyikataya akabalilo kamphepo mu Island, ichimanyisyo chache bana ba mapasa. ¹² Bo twafika mukaya ka Syracuse, tukukalako amasiku ghatatu. ¹³ Ukufuma apo tukafuma ukuya kukaya ka Rhegium. Bolyenda isiku lyoka, kukiza imphepo ya kabefu yoyikanda pakuwaza. Mumasiku ghabili tukaya mukaya ka Puteoli. ¹⁴ Kula tukabagha bamo abanangwa bo bakitikiziwa ukuti bikale nabo kumasiku 7. Munzila tukaya ku Rome. ¹⁵ Ukufuma apo abawamwabo, bobivwa izya uswe, bakiza pakutulinga kubutali ku maliketi gha Appius naku nyumba zyabalendo zitatu. Bo u Paulo alinga abawamwabo, akapalizya Uchala sona akaghomiwa. ¹⁶ Botukwingila mu Romu, u Paulo akitikiziwa akwikala naba silikali bobaka mulondela. ¹⁷ Vikiza ngati bopenda amasiku ghatatu u Paulo akitizya poka abanalume bobakaba balongozi babayuda. Bobabungana poka, akanena nabo, banangwa nanga buli nthanangite nachimo kubanthu napo malamulo ghaba baba bithu, nkhapelekiwa ngati nemunanzi ukufuma ku Yerusalemu ukuya munyobe zya baloma. ¹⁸ Bo bandalusya, bakinong'ona ukunsatula pakuti patakaba ichifukwa nachimo ichakunkhomela munongwa yane. ¹⁹ Loli bo abayuda bakunena ukuyana nivyakulonga vyabo, bakanfosing'a ukuti inje mbonekele kwa Caesar, nanga buli chikaba ukuti nthakuleta nayimo inthimbanizyo muchisu chane. ²⁰ Pa chifukwa ichi, ukufuma apo, nkitikizya pa umwe ukuti nkwenda ukulinga umwe sona nukunena numwe. Pakuti chifukwa cha lusubilo lwa ba Izilayeli lekani vwete ubunyolo.'' ²¹ Bkanena nawe, ''tutapokelitepo ukalata ukufumila kuyudeya uwa uwe. ²² Loli tukulonda ukwivwa ukufuma kukwako pavyo ukwinong'ona ukufuma kubamipatuko, pakuti vimanyikwizwe kwa uswe ukuti vikuneniwa paliposi kukususyana nuswe. ²³ Bobasala isiku lyache, abanthu abinji bakiza kukwache kumalo gho akanozya. Akuyilekela inkhani ku kwabo, ukuti bapeleke ubukaboni u bwa bufumu bwa Chala. Akayezya ukubakopa ivya Yesu, poka ni vyamumalamulo gha Moses nivya kufuma ku Bakunguluka, ukufuma indabindabi ukufika ichamabwila. ²⁴ Bamo bakivwisya ukuyana nivinthu vyo akanena, nanga buli bamo batakivwisya. ²⁵ Bobakupotwa ukwivwana weka nu munyabo, bakafumapo bo u Paulo anena izwi lyoka lino: ''umuzimu ughuswepu ghukanena akiza mwamukunguluka u Yesaya kuba baba binu. ²⁶ Akanena buka kubanthu aba uti, pakwivwisya inthi wize wivwe, loli tewize uvuvwe, sona ukulinga inthi wize ulinge loli te wize nachimo. ²⁷ Pakuti imyoyo ya banthu yaba yibulu, namakutu ghabo ghaghomu pakwivwa, sona bighalile amaso ghabo. Chibe chamachitiko ngali bakundinga namaso ghabo, Sona ngali bakwivwa namakutu ghabo, nukuleghelezya ni myoyo nukunyokela sona, po une ningabachizya.''' ²⁸ Ukufuma apo, mukwenela ukumanya ukuti ichiponosyo cha Chala chabuka kuba mitundu sona bakuzukwivwa.'' ²⁹ Boanena ivinthu ivi, abayuda aba bakafumapo, batakivwana napopanandi. ³⁰ Upaulo akikala imyaka yibili mu nyumba yakulipila, akapokela wensi yo akiza kukwache. ³¹ Akatangazya ubu mwene bwa Chala nukumanyisya ivinthu vya bumwene bwa Yesu Kilisitu umwakulimba umoyo kwambula kufisa nachimo.