¹ Pou Fesitasi akingila mukaya, bopendapo amasiku ghatatu, akabuka ukufuma Caesarea paka ku Yerusalemu. ² Abaputi abasongo nabasongosongo baba Yuda bakatwala inongwa izyakumupinya u Pauli, bakamulalusya sona u Fesitasi ichetechete. ³ Akamulalusya ukuti abavwe pa nongwa ya Pauli ukuti bamukunge ku Yerusalemu, pakuti bakayanianga ukuti bakumane panzila. ⁴ Ufesitasi akamula akati u Pauli bamubikite ku Caesarea sona ukuti inthi abuke lunonyene. ⁵ ''Polelo bobabangabomba,'' akanena, tubuke nabo. Nanthi chilipo chimo chochikomanikikte numunthu yula, ukuti mumulonge.'' ⁶ Ufesitasi atakikala amasiku ukuchila 8 pamo 10 po akabuka ku Caesarea, pisiku ilya kundabi akipala pachitengo chakulongela inongwa po akalamula ukuti u Pauli ize ku kwache. ⁷ Bo afika, aba Yuda bakufuma ku Yerusalemu bakimilila papipi nawe, po bakamupa inongwa izinji hee imphalapala zyo bataka simikizya. ⁸ Upauli akamula akati, ''inthanangite nachimo chimo ku ndaghilo zyaba Yuda pamo izyamwa tempheli pamo izya Ceasar.'' ⁹ Loli u Fesitasi akalondanga ukubalongela aba Yuda ''ka ukulonda ukuti uye ku Yerusalemu ko inje indongele inongwa yako''. ¹⁰ Upauli, ''indi pabulongi ubwa Ceasar kuko imbaghile pakuti indongiwe. Inthamunangile nayumo u muyuda , ngati mumo nuwe umanyile. ¹¹ Napapo pala inangite, sona nanthi inangite ivyakuti munkome, inthakupasya pakufwa. Loli nanthi vyakundonga vitakukola, patalipo inzila yakuti mumbike munyobe zyabo. Po inongwa yiye kwa Ceasar.'' ¹² Bo u Fesitasi anena naba longozi akamwamula, ''watwala inongwa kwa Ceasar. Kwa Ceasar inthi ubuke!'' ¹³ Bo pendapo amasiku, umwene u Agrippa nu Bernice bakafika ku Ceasarea bakiza pakumu linga u Fesitasi. ¹⁴ Bo bikala amasiku aminji, Fesitasi akababuzya inongwa ya Pauli akati, ''umunthu yumo akasyala ku masinda kwa Felikisi umupinyiwa. ¹⁵ Po inkhaba mu Yerusalemu. Abaputi abasongo nabasongo ba chipanga ababa Yuda bakamupa inongwa nukuti bakumome. ¹⁶ Inkhabamula inkhati telolulaghilo lwa Baroma ukubakoleka umunthu yo mwalongananga nawe, po akalwagha ulusako ulwakwipoka. ¹⁷ Loli bobiza kuno twakomana, inthaka lindilila, kundabi inkhabitizya kubu longi sona aliiza. ¹⁸ Bo uwakulongiwa imilila, batakanena nachimo ichakukola cho akananga. ¹⁹ Pololi bakaba tuvifukwa utwa vya kwiputako sona zikaba zya Yesu yo akafwa, yuyo u Pauli akuti akazyuka. ²⁰ Inthakamanya moinongwa iyi ninga yikonkela, po inkhamulalusya ukuti aye ku Yerusalemu ukuti baye ba mulonge. ²¹ Loli u Pauli akati intanangite nachimo po inthi inje ninongwa kwa Ceasar, inkamubuzya ukuti aye mu jere mupakapo inthi inkha mutwale kwa Ceasar. ²² Agripa akamubuzya u Fesitasi, ''inkulonda nune imwivwe umunthu uyu.'' Indabi, ''Fesitasi akati, ''inthi umwivwe.'' ²³ Pobo kwacha kundabi, Agripa nu Benice bakiza paku teghelezya mu nyumba nabankhondo naba songo basongo bamukaya. Ufesitasi akati u Pauli izekuno, po bakamutwala. ²⁴ Ufesitasi akati, ''mwene Agripa namwebanthu mwensi umwe mwamulinga umunthu uyu, yuyo abanthu bonsi aba Yuda bamu Yerusalemu nakuno babo mukati umunthu uyu mutakalonda ukuti abe kubumi ²⁵ Loli inkagha pakuti inongwa yache yitangamutwala kubufwa pakuti abonekela kubulongi inkinong'ona ukumutuma. ²⁶ Inthakachagha nachimo ichakuti ningasimba kwa mwene. Pachifukwa ichi, niza nawe kukwinu, nkhani nkhani uwe mwene Agripa, ukuti ninga simba vimo ivyanongwa. ²⁷ Pakuti chitakuba cakwivwika ukutuma umupinyiwe sona utakanene vyo anangite.''