¹ Bo pakenda amasiku ghamo fayivi, u Anania usongo waba puti, naba manyili sona numumanya ndaghilo uTetulosi bakabuka kula. Abanthu aba bakabuka navyo bakamulamula kwa Pauli batafikite kwa bwana. ² Bo u Pauli imilila iboma, u Tatallius akanda pamunena inongwa yache kumuchindikiwa ngati ulu, ''chifukwa cha uwe tukaba mumutende hee, mubulongozi bwako wabika umutende muchisu chitu.'' ³ Pa vyosi vino tukupalizga nukupokela pa vyosi vyo wabomba, Feleke. ⁴ Nthakulonda ukukabizga, akabaliro muchisa chinu mutwivwisye nkhani hee mubwanaloli. ⁵ Bo twamwagha umunthu uyu ukuti mutamye, sona we yuyu akupangisya ukuti aba aba Yuda muchisu chosi weyuyo akunyamusya ivyongo. We mulongozi waba mu Nazarene. ⁶ Sona tukayezge pakuyinyazga mwi tempheli, po tubaghire pa kumupinya. Vimo vyo bakasimba muma buku agha kale vyongelezga ukuti vilongiwe ukuyana nindafhiro zithu. ⁷ Ghamo amabuku agha kale ghakaba nama vesi seveni(7). Ichabwandilo mu vesi 7,8 loli u Lusiya yo akaba we songo wa mu wofesi, akiza amusenda munyobe zithu pamaka. Po akanena pakuti abakumunyazga bize kukwako. ⁸ Nanthi mukumulalusya u Pauli pa nkhani zgosi izi, ''po inthi mwize mumanye vyosi vivyo tuku munyazizga.'' ⁹ Aba Yuda bope bakinjilila ukuti vyosi vyo bakamuronga nuku dumula vikaba vya bwanalori. ¹⁰ Bo usongo wa muchigaba amupa ulusako u Pauli ukuti anenepo, ''u Pauli akamula akati,'' une nkhumanya ukuti imyaka iminji hee ukaba we songo uwa chisu ichi, po une ne mwene hobokite pa kwandula nimwene kukwako. ¹¹ Uzimenye wemwenecho pakuti pata kendapo amasiku 12(twelovu) mo une nkhabukira pa kwiputila mu Yerusalemu. ¹² Bobanagha une mwi tempheli nthakadalinkhanapo nayumo, nthakandizgapo ivivulupi hagha namu vyalichi bulo, namuchikaya ichikulu. ¹³ Pobatanga simikizga ku kwako vyobakunyazizga ilelo bakunene une akabibi. ¹⁴ Po une nkhwitikizga ku kwako ukuti, ukuyana nululaghilo ulwa khale ngati muzila yoka nkhwiputa mwa chala uwa batata ngati movikasimbiwa nabaghonela. ¹⁵ Indi nu bwanaloli bonsi mwa chala ngati na banthu bano abanthu abiza naba bibi balizguka kubafwe. ¹⁶ Po akabalilo khosi nkhuyezga nkhani ukuba ngati nemubombi umwiza panthazi pa chala napa banthu binu. ¹⁷ Pobo palunda imyaka yo myinji, nkhiza pakubika ivya chisa ni vyabupi(sembe). ¹⁸ Bona bomba ivi, umu Yuda yumo akafuma ku Asia akanagha une indi pakwipulizga ivya Chala muchalichi. Kuta kaba abanthu nabamo sona nichongo nachimo. ¹⁹ Abanthu abo bize panthazi pako bandonge une, nanthi bangaba nazgo zimo. ²⁰ Pamo abanthu abo banga nena ububibi boba bwagha mumwane bonimilile pa nyumba yaba Yuda. ²¹ Nkhufumyako choka bwaka ichakuti nkhakola hee bo nimilile pakasi pinu, indi nubwanaloli ukuti, ''bobakafwa ba kwiza uku zguka pakuti ngati nkhayezganga bwaka panthazi zinu ilelo.'' ²² Po u Felike, yo akaba ukuti ayimenye inzila iyi, akimika inongwa. Akati bo u Lusiya u songo waba nkhondo bo iza akwisika ukufuma ku Yerusalemu, inthi ninong'one inongwa yako.'' ²³ Po akabalamula aba nkhondo ukuti u Pauli bamu sunge mugadi, loli ba mupengeko ivya chisa sona baleke ukukanizga ababwezi bache ukumuchitila vyo bangalonda. ²⁴ Bopendapo ghamo amasiku, u Felike akanyokela nu Dulusiya yo akaba mkazi wache yo akaba wemu Yuda, sona akatuma kwa Pauli ukuti ize, sona ikivya pakufuma kukwache ukuti muli lu lwitiko mwa Kilisitu Yesu. ²⁵ Apo u pauli akapitilizga paku nena kukwache nubwiza bwache umwakwipoka nukwikola mo bangadumulila, Felike aka tetema sona akamula akati, ''ilelo buka. Loli nanthi niza nakagha akabalilo ndiza paku senda.'' ²⁶ Pakabalilo kalanyene umwene akinong'ona ukuti u Pauli angamupa umwene indalama chocho chifukwa amwitizga kabili-kablili ukunenezgana nawe. ²⁷ Bo penda imyaka mibili, Polokiyo Fesito akapyana ubuyo bwa Felike ukuba we songo wa chigaba. Loli u Felike akalonda pakuba hobosya aba Yuda akumuleka u Paulosi mu gadi.