¹ Upaulo akalinga he kupipi ku banthu aba munyumba ya ndaghiro akati, ''banangwa, nikala wambula ukumunangirapo u Chala namubombela imbombo iziza mpaka ilelo. ² Usongo waba puti u Ananiya akalamula akti bonsi bobimilire kupipi nawe pamulomo. ³ Po u Paulo akanena kubanthu bache, ''Uchala inthi akabume nkhani he mwebaswepu ngati ulubumba. Mwikala pakuti mundonge ngati banongwa, pamo mulonda mugamule pakunkhoma cho chikaniziwe pa nongwa?'' ⁴ Boba kimililanawe pambali bakati kamomo mungamutukila usongo wa ba puti. ⁵ Upaulo akati, ''nthazimenye, banangwa, pakuti wesongo waba puti. Pakuti visimbiwe pakuti tewize u nene imbibi kwa songo yo aku lamulila abanthu bako.'' ⁶ Bo u Paulo alinga ukuti weka uwa munyumba yaba lamulili, akagha bamo bakaba basaduki abanyabo sona bakaba ba Falisi, akikola nkhani kuba munyumba iya ndaghilo, ''banangwa, ne mu Falisi, ne mwana wa ba Falisayi. Chifukwa indi nubwanaloli ndi zguka kuba kufwa ngati mo mungandamulira umwe.'' ⁷ Bo anena vino, ukudalinkhana kukanda pakasi paba Falisayi naba Saduki, sona igulu likagabinkhana. ⁸ Po aba Saduki bakanena ukuti kute ukuzguka, abangelo nabamo, sona nimizimu nayimo, loli aba Falisayi bakavimanya vyosi. ⁹ Po kukaba ichongo ichikulu, sona bamo abamanyandaghiro bakaba kumbali yaba Falisayi sona bakadalinkhana bakati, ''tuta chagha ichibi nachimo ku munthu yuno. Buli nanthi imphepo inyiza pamo abangelo banganena kukwache''? ¹⁰ Bo kwanyamuka ichongo ichikuru, u songo wa nkhondo akapasya ukuti inthi bamuzepulanie po akalamula kuba nkhondo ukuti baye pansi basende pa maka ukufuma kuba manyandaghiro ,nukumubika kubarongi banongwa, nukwiza nawe kufuma vyongo. ¹¹ Ubu siku ubwandabi umwene akimilira kumbali yache akanena akati loli, ''ube we wemujimvu, ngati moukabikila ubu kaboni wane mu Yerusalemu, momo ukanenele sona mu Romu.'' ¹² Bo kwacha, aba Yuda bamo baka panga ivyongo nukulapa ukuti te bakalye nukung'wa mupaka baka mukome u Paulo. ¹³ Pakaba abanthu bo baka pululira pa fote bobaka finga ulufingo. ¹⁴ Bakabuka ku muputi usongo naku ba elodala bakati ''twalapa ukuti te tukalye nachimo mupaka u Pauli tumukome. ¹⁵ Ukufuma apo leka inyumba yi pemphe kwa songo waba kapiteni ukuti bize nawe kwa uwe, loli inthi tunozyekele nkhanila ukuti twize tumukome bo achili atafikite namuno.'' ¹⁶ Loli umwipwa wa Paulosi akivwa ivya chiwembu akaya,mwilinga nukumubuzya u Paulo. ¹⁷ Upauli, akamwitizga yumo uwaba songo wakale sona akati, ''musende umwana umunandi yuno uye nawe kwa songo uwa nkhondo,ukuti pamo ali nazgo zimo izga kuti amufisizge.'' ¹⁸ Po usongo yula akamusenda u mwana u munandi yula nukubuka nawe kwa songo wa nkhondo akati , ''Paulosi umukayidi anitizga une ku kwache, sona andalusya ukuti nize nu mwana uyu ku kwako ali nazimo izyakunena ku kwako. ¹⁹ Po usongo wa nkhondo aka mukola pa nyobe ukuya ku malo aghafisamu nukumulalusya choni cho ukulonda ukunena ku kwane?'' ²⁰ U mwana umunandi yula akati, ''Aba Yuda bivwana ukuti balalusye ukuti bize nawe u Pauli indabi ku nyumba yaba songo, koko bakuya pa mulalusya inkhani izga nongwa yache.'' ²¹ Loli mutakabivwila, chifukwa pali abanthu abinji ukulusya fote boba ghonite bakumulindilila.Mbabikite m'chilapo ukuti tebalyepo nu kung'wa bulo mpaka baka mukome. Nilelo bwaka babaghire, bakulindilira mumo banga yidumulira inongwa yache iyo. ²² Usongo wa nkhondo akamubwezya umwana umunyamata yula nukumusundanizya akati, ''utakamubuzge nayumo nayumo ukuti wambuzga une inkhani ngati iyi. ²³ Po akabitizya aba songo babili akati, ''usende aba nkhondo 200 banozyekele ukuya ku Caesarea, ni mphunda 70, sona 200 abakalela katundu. Inthi munyamuke nanthi ghendapo amaawazi matatu agha busiku buno. ²⁴ Po sona akalamula ukuti mu muyanye imphunda izyakuti u Pauli akwele sona pakuti muye mumubike akiza kwa mulaghili u Felike. ²⁵ Po akasimba ukalata ngati yuno: ²⁶ Nene Kilaudiyo Lusiya, kwa umwe ba chindikiwa Felike kubalamuka. ²⁷ Umunthu yuno akakoliwa naba Yuda sona akaba papipi pakukomiwa pobo niza naba nkhondo, nkhamutula chifukwa nkhamanya ukuti waku Roma. ²⁸ Nkhulonda ukuti manye ichifukwa cho akananga po nkamusenda ukuya nawe kuba manyamalango wabo. ²⁹ Nkhamanya ukuti akanyalanga chifukwa cha malalusyo po patakabapo inongwa nayimo ku kwache iyakuti banga mukomera pamo ukumupinya. ³⁰ Pobo nivwa ukuti bakupangana izya munthu yula po mwalubilo nkhamutuma kwako. Po sona nkhamula kubo baka munyazya bala ukuti bize navyo vyo bakamulamula pa maso ghinu. ''bakalaghana. ³¹ Pala aba nkhondo bakivwila indaghiro zyabo. Bakamusenda u Pauli nukubuka nawe pa busiku kwa Antipatara. ³² Pisiku ilinyabo, bamo aba nkhondo bakaleka abankhondo aba mphunda pakuti babuke nabo sona abene bakanyokela ukuya mwi linga. ³³ Bo abankhondo ba mphunda ba fika ku Kesareya bakasenda ukalata yula nuku mupa usongo yula nuku mulangizya u Pauli ku kwache. ³⁴ Bo umulaghili abelenga ukalata yula, akalalusya ichigaba cho u Pauli akafumangapo. Bo azimanya ukuti akafumilanga ku chigaba chaku Kilikiya, ³⁵ akati, ''inthi nivwisye hee nanthi boba kakunyazyanga pala biza pano.'' Po akamulamula ukuti asungiwe mu chisu ichapamya icha Helodi ichi kulu.