2 ۔ تکیازِ زندگی ہنٛدِ روحٕکؠ شریعتن کورُس بُو عیسیٰ مسیحس منز آزاد گناہ تٕہ موتکِہ شریعتٕہ نِشٕہ۔ 3 ۔ اوٕہ موکٕھہ زِ یوسٕہ کٲم جسمکِہ وجہ کمزور سپدِتھ شریعت ہؠچھنٕہ کرِتھ۔ سُہ کٔر خداین یعنی تؠمؠ سُوز پنُن نؠچُوگناہ آلودٕہ جسمکِس صورتَس مز تٕہ گنٛہچِہ قربانی خٲطرٕہ دِیُوٚتنس جِسمس منز گنہکِہ سزاہُک حکم۔
4 ۔ تاکِہ شریعتُک پزَر سپدِ اسِہ منز پورٕہ یُوس جسمٕہ مطٲنق چُھنٕہ بلکِہ چُھ روحکِہ مطٲنق پکان۔
5 ۔ تکیازِ یِم جسمٲنی چِھ تِم چِھ جسمٲنی کتَھن ہنٛدؠن خیالن منز تِہ روزان، مگر یِم رُوحٲنی چِھ تِم چِھ روحٲنی کتَھن ہنٛدؠن خیالن منز روزان۔ 6 ۔ تٕہ جِسمٲنی نیت چُھ موت۔ مگر روحٲنی نیت چھے زندگی تٕہ اِطمنان۔
7 ۔ اوٕہ موکٕھہ زِ جِسمٲنی نیت چھے خدایہ سٕنٛز دُشمن۔ تکیازِ سُوٚ چھؠنٕہ خداۓ سٕنزِہ شریعتٕچ تابع نَہ ہؠکِہ سپدِتھ۔
8 ۔ تٕہ یِم جسمٲنی چِھ تِم ہؠکن نٕہ خدایس خوش کرِتھ۔ 9 ۔ مگر توہؠ چِھؠونٕہ جسمٲنی کینٛہہ بلکِہ چُھو روحٲنی۔ بشرطیکِہ توہِہ منٛز چُھ خدایہ سُند روح بسِتھ مگر یمِس منٛز نٕہ مسیح سُند رُوح چھ سُہ چُھنٕہ تؠمسُند۔
10 ۔ تٕہ اگر مسیح ژے منز چُھ تٕہ اتؠ چُھ گنہو سٲتؠ بدن چوٚن موردٕہ مگر روح چُھ پزرٕہ سٲتؠ زندٕہ۔ 11 ۔ تٕۃ اگر تؠمسندُی روح ژے منز بسِتھ چُھ یمؠ عیسیٰ موردو منزٕہ زندٕہ کور، سُہ کرِ تُہنٛدؠ فٲنی بدن تِہ پننِہ تؠمِہ روح کِہ سالتٕہ زندٕہ یُوس توہِہ منز بسِتھ چُھ۔ 12 ۔ ادٕہ ہے بائیو اسٕؠ چِھ قرضدار مگر جِسمٕکؠ نٕہ کینٛہہ زِ جِسمٕہ مطٲبق زندگی۔
13 ۔ تکیازِ اگر توہؠ جِسمٕہ مطٲنق زندگی گُزٲرؠو تیلِہ مرؠو توہؠ ضرور تٕہ اگر روح سٲتؠ بدنٕچؠن کامؠن نیست و نابُود کرؠو تیلِہ تیلِہ رُوزؠو زندٕہ۔ 14 ۔ تکیازِ یُوس تِہ خدایہ سٕندِ روح مطٲبِق پکان چُھ سُہ چُھ خدایہ سُند فرزند۔
15 ۔ تکیزِ توہِہ چُھونٕہ غلطی ہُند روح مؠولمُت یمِہ سٲتؠ پتٕہ خوف پٲدٕہ گژِھہ۔ بلکہ چُھو توہِہ منگنٕہ اُوٚتمُت رُوح میُول یمِس منز ٲسؠ ابّا یعنی ہیُو ببا ونِتھ کریکھ چِھ لایان۔ 16 پاک روح چُھ سٲنِس روحَس سٲتؠ رلِتھ گوٲہی دِوان زِ أسؠٕ چِھ خدایہ سنٕد فرزند .
17 ۔تہٕ اگر فرزند چِھ تٕہ وٲرث تِہ چِھ یعنی خدایہ سٕندؠ وٲرث تٕہ مسیح چُھ سون میراث بشرطیکِہ اسٕؠ تُلو تَس سٲتؠ دُکھ تاکِہ تَس سٲتؠ لبو جلال تِہ۔ 18 ۔ تکیازِ میانِہ دانستی منز چِھنٕہ یمِہ زمانٕکؠ دُکھ دٲدؠ یَتھ لائق کینٛہہ زِ تَتھ جلالکِس مقابلَس منز ہیکَن آسِتھ یُوٚس اسِہ پؠٹھ ظٲہر سپدن وۄل چُھ۔
19 ۔ تکیازِ مخلوقات چھے سؠٹھاہ آرزُو سٲتؠ خدایہ سٕندؠن نؠچوؠن ظٲہر سپد نچِہ وتٕہ وُچھان۔ 20 ۔ تکیزِ مخلوقات بطالتکِس اختیار منز دِنٕہ آمٕژ پننِہ خوشی سٲتؠ نٕہ کینٛہہ بلکِہ تؠمسٕندِہ ذریعہ یمؠ سُہ۔
21 ۔ امِہ اُمیز پیٹھ بطالتکِس اِختیارس منز کٚر زِ مخلوقات گژِھ خدایہ سٕندؠن فرزندن ہنٛزِ جلالچِہ آزادی منز دٲخل فنائی ہنٛد قبضٕہ نِشٕہ ییلٕہ گژِھتھ۔
22 ۔ تکیازِ اسِہ چُھ معلوم زِ سٲری مخلوقات چھے رِلتھ ونؠک تام کریکہٕ دِوان تٕہ خلٲصی ہنٛدِس دٲدِس منز چھے تڑپان۔ 23 ۔ فقت تِمے یٲتؠ نٕہ کینٛہہ بلکہ ٲسؠٕ تِہ یِمن رُوحٕکؠ گوڈنکؠ پَھل میلؠ۔ توہؠ چُھوٗ پننِس باطنِس منز کرءکٕ دِوان تٕہ منگتٕہ آسنُک یعنی پننِہ بدنچِہ خلٲصی ہٕنٛزِہ وتِہ چُھوٗ وچھان۔
24 ۔ چناچِہ اسِہ میُول اُمید ہنز وسالتٕہ نجات مگر یمِہ چیزٕچ اُمید چِھے ییلِہ سُہ اتِھ یِیِہ تیلِہ کِژِھ اُمید چھے پتٕہ؟۔ تکیازِ یُوس چیز وُچھنٕہ چُھ یِوان تؠمِچ اُمید کیا کرِ؟
25 ۔ مگر یُوس چیز نٕہ وچھنٕہ یِیِہ اگر تؠمِچ اُمید کرو تٕہ صبرٕہ سان چِھ تؠمِچ وَتھ وچھان۔ 26 ۔ یِتَھے کٔنؠ چُھ رُوح سانِہ کمزُوری منز مدد کران تکیازِ یتٕھہ پٲٹھؠ اسِہ دُعا پزِ کرُن اسٕؠ چِھنٕہ زانان۔ مگر رُوح چُھ پانٕہ وُۄش تراۓ تراۓ اسِہ شفاعت کران، یمؠک بیان ہیکنٕہ سپدِھ۔
27 ۔ تٕہ دِلن پرکھاوَن وۄل چُھ زانان زِ رُوحٕچ کیا نیت چھے تکیازِ سُہ چُھ خدایہ سٕنٛزِ مرضی مطٲبق مُقدّسن ہُند شفاعت کران۔ 28 ۔ تٕہ اسِہ چھ معلوم زِ ساری چیز چِھ رلِتھ خدایس سٲتؠ محبت تھاون والؠن ہندِ باپَتھ نیکی پٲدٕہ کران یعنی تِمن باپَتھ یِم خدایہ سٕنٛدِ ارادٕہ موافق بُلاونٕہ آۓ۔
29 ۔ تکیازِ یِم تؠمؠ گوڈٕہ زٲنؠ تِم کٔرِن گوڈٕہ پؠٹھے مُقرر تِہ زِ تؠمسٕندِس نؠچوِ سٕنٛد آسن ہمشکل۔ تاکِہ سُہ یِیِہ واریاہن بایَن منز گوٚڈنؠک ماننٕہ۔
30 ۔ تہٕ یِم تؠمؠٕ گوڈٕہ پؠٹھے مُقرر کٔرؠ تِمن دؠوتُن نادتِہ۔ تٕہ یِمن ناد دؠوتُن تِم گٕنٛزرِن راست باز تِہ تٕہ یِم راست باز گٕنٛزرِن، تِمن بخشُن جلال تِہ۔ 31 ۔ ادٕہ اسٕؠ کیا ونو تِمن کتَھن مطٲبق اگر خدا سانِہ طرفٕہ چُھ تیلِہ کُس چُھ سون مُخٲلف؟۔
32 ۔یمؠٕ نہٕ پننِس نیچی سُند پرواہ کورنٕہ بلکہ کوٚرُن سُہ اسِہ سارنؠ ہنٛدِ موکٕھہ حوالٕہ۔ سُہ کیازِ بخشنٕہ اسِہ تَس سٲتؠ تٕہ بؠیِہ سٲری چیز تِہ اسِہ۔ 33 ۔ خدایہ سٕنٛدؠن برگُزیدن پؠٹھ کُس کرِ شکایت؟۔ خدا چُھ سوُۓ یُوس تِمن راست باز چُھ گٕنٛزران۔
34 ۔ کُس چُھ یُوس مُجرم گنٔزایِہ؟۔ مسیح عیسیٰ ہس چُھ سُہ یُوس مُود بلکہ وُۄتھ موردو منزٕہ زندٕہ تٕہ چُھ خدایس دٔچھنِہ طرفٕہ بؠیِہ چُھ کران سُوٚس شفاعت تِہ۔ 35 ۔ کُس کرِ اسِہ مسیح سٕندِ محبتٕہ نِشٕہ جدا؟ مصیبت یا تنگی یا ظلم یا دراگ یا ننگہٕ گی یا خطرٕہ یا تلوار؟۔
36 ۔ چُناچِہ لؠکِتھ چُھ "اسٕؠ چِھ چانِہ باپَتھ دوہے مارنٕہ یِوان۔ اسٕؠ چِھ آمٕتؠ ذبحہ کرن والؠن کٹَن ہنؠ پٲٹھؠ گٕنٛزرانٕہ۔ 37 ۔ مگر سارنٔی حالاتَن منز سپٕز اسِہ تؠمِہ سٕنٛدِ وسالتٕہ یمٕؠ اسِہ سٲلمن سٲتؠ محبت کوٚر جیت حٲصل بلکِہ تؠمِہ کھوٚتٕہ تِہ سپٕز کامیٲبی حٲصل۔
38 ۔ تکیازِ مے چُھ یقین زِ خدایہ سُند محبت یُوٚس سٲنِس عیسیٰ مسیحس منز چُھ، تؠمِہ نِشٕہ ہؠکنٕہ اسِہ نَہ موت جُدا کرِتھ نَہ زندگی۔
39 ۔ نَہ فرشتٕہ، نَہ حکومت، نَہ موجودٕہ چیز، نَہ یِنٕہ وٲلؠ چیز، نَہ طاقت، نَہ تھزَر، نَہ سرینؠر، نَہ بؠیِہ کانٛہہ مخلُوق۔