2 ۔ خداین کٔرنٕہ پننؠ سُوٚ اُمّت ردّ کینٛہہ یوسٕہ تؠمؠ گوڈے زٲنؠ۔ کیا توہِہ چُھوٗنا پے زِ کتاب مُقدّس کیا چھے ایلیاہس مطلق ونان زِ سُہ چُھ خدایس اسرائیل سنٛز یتھ کنؠ فریاد کران زِ۔
3 ۔ ہے خداوند تِمو کٔرؠ چٲنؠ نبی قتل تٕہ چٲنؠ قربان گاہ مٹٲیِکھ ونؠ چُھس کون زون باقی تٕہ بؠیِہ چِھ تِم میٲنِس زُو وَس تِہ پتےٕ۔ 4 ۔ مگر جوابِ الٰہی کیا میُول تَس؟ یِہ زِ مے چِھ پننِہ خٲطرٕہ سَتھ ساس نفر نچٲیِتھ تھٲیمتؠ یِم نٕہ بعلزبولس برونٛہہ کنِہ غۓ۔
5 ۔ ادٕہ ونِکؠس تِہ چِھ یتَھے پٲٹھؠ برگُزید آسنٕہ کؠن کینٛہہ باقی۔ 6 ۔ تٕہ اگر فضل سٲتؠ برگُزیدٕہ چِھ تٕہ عملو سٲتؠ نٕہ کینٚہہ، تیلِہ روزہے نٕہ فضل فضلٔی۔
7 ۔ ادٕہ نتیجِہ کیا سپُد؟ یِہ زِ اسرائیل یَتھ چیزس ژھانڑان چُھ سُہ مؠولنٕہ تَس مگر برگزیدن میلؠ تٕہ آۓ سخت کرنٕہ۔
8 ۔ چناچِہ لؠکِھتھ چُھ زِ خداین دیژ تِمن ازِکِس دوہس تام کمزور مِزاج تٕہ تِژٕھ ٲچھ یِم نٕہ وُچھن بؠیِہ تِتھ کَن یِم نٕہ بُوزن۔ 9 ۔ تٕہ داوٗد چُھ ونان زِ تِہُند دسترخوان بنِہ تہنٛدِ خٲطرٕہ زال تٕہ رَز تٕہ ٹُھوکر کھؠنُک تٕہ سزاہُک سبب۔
10 ۔ تِہنٛزن ٲچھن گژِھ انِ گوٹ یوتھنٕہ وُچَھن تٕہ ژٕہ تھاوٗ ہمیشٕہ تِہنٛدؠ کمر نمرِتھ۔ 11 ۔ ادٕہ بُو چُھس ونان زِ کیا تِمن لٔگیاہ تِتھ ٹھوکرٕہ زِ وسٕؠ پؠن؟۔ ہرگِز نٕہ، بلکہ مؠول تِہنٛزِ غلطی سٲتؠ غٲر قومن نجات تاکِہ تِمن ییِہ غٲرت۔
12 ۔ ادٕہ ییلِہ تہُنٛد خطا دنیا خٲطرٕہ دولتُک سبَب تٕہ تِہُنٛد نقصان غٲر قومن خٲطرٕہ دولتُک سبَب سپُد تٕ تِہُند بھرپُور آسُن چُھ ضروری دولتُک سبَب۔ 13 ۔ بُو چُھس یِمٕہ کتٕھہ توہِہ غٲر قومن ونان۔ تکیازِ بُو چُھس غٲر قومن ہُند رسول توے چُھس بُو پننؠ خدمت تھؠکناوان،
14 ۔ تاکِہ کُنِہ پٲٹھؠ دیاوٕہ بُو پننِس قومس غٲرت دِتھ تِمو منزٕہ کینژھن نجات۔ 15 ۔ تکیازِ ییلِہ تِہُند الگ سپدُن دنیا رلاونُک وجہ بنؠو تٕہ تِہُند مقبول آسُن چُھنا موردو منزٕہ زندٕہ وتھنَس برابر؟۔
16 ۔ ییلِہ نیازُک گوڈنؠک آٹؠ ریُونز پاک ماننٕہ آو تیلِہ چُھ سورُے مانڑنٕہ آمُت اُوٹ تِہ پاک تٕہ ییلِہ مول پاک چُھ تٕہ لنجہ تِہ آسن تِژھے۔ 17 ۔ مگر اگر کینٛہہ نجہ فٹرنٕہ آیِہ تٕہ جنگی زیتون آسِتھ سپُدک ژٕہ تِمن جائین پیوند، تٕہ زیتُون روغن دار مُولس منز گو شریک۔
18 ۔ ادٕہ ژٕہ مٕہ کر تِمن لنجن پؠٹھ فخر تٕہ اگر فخر کرَکھ تٕہ یِہ زان زِ ژٕہ چُکھنٕہ مُولس کینٛہہ بلکِہ چِھی مُول ژے سنبھالان۔ 19 ۔ ادٕہ ونَکھ ژٕہ زِ لنجہ آیہ اوٕہ موکٕھہ فُٹراونٕہ زِ بُو گژٕھ پیوند۔
20 ۔ ٹھیک چُھ، مگر تِمٕہ آیِہ بے ایمٲنی سٲتؠ فُٹراونٕہ تٕہ ژٕہ چُھکھ ایمانٕہ سٲتؠ قائم ادٕہ گُمنڑ مَہ کر بلکہ کھوٚژ۔
21 ۔ تکیازِ ییلِہ خداین اصلی لنجِہ ترایہ تٕہ ژؠتِہ ژھنِؠنٕہ ترٲیِتھ۔ 22 ۔ ادٕہ خدایہ سٕنٛز مہربٲنی تٕہ تکرار وُچھ۔ تکرار چُھ تِمن پؠٹھ، یِم وسؠ چِھ پؠمٕتؠ۔ تٕہ خدایہ سٕنز مہربٲنی چھے ژے پؠٹھ ییلِہ ژٕہ تَتھ پؠٹھ قٲئم روزکھ نتٕہ یِکھ ژٕتِہ ژٹنٕہ۔ 23 ۔ اگر نٕہ تِم ٹِہ بےایمان روزن تیلِہ یِیَکھ پیوند کرنٕہ تکیازِ خدا چُھ تِمن پؠوند کرِتھ بحال کرنَس پؠٹھ قدرت تھاوان۔
24 ۔ امِہ موجوب زِ ییلِہ ژٕہ تؠمِہ زیتون کُلِ نِشٕہ ژٹنٕہ آکھ تٕہ یمؠک مُول جنگی اُوس تٕہ مُولٕہ مقابلٕہ گوکھ ژٕہ اصلِس زیتونَس منز پیوند تٕہ یمٕہ اصلی لنجِہ چھے سپدان ضروری پننِس زیتونس منز پیوند۔ 25 ۔ ہے بائیو۔ ینٕہ تیُوتھ سپدِ زِ توہؠ سمجھیو پنُن پان عقل منز۔ توۓ چُھسنٕہ بُو یژھان زِ توہؠ رُوزؠو امِہ رازٕہ نِشٕہ ناوٲقف کِہ اسرائیلک اکھ حصّہ سپُد سخت تٕہ یوتام نٕہ غٲرقوم پورٕہ پورٕہ دٲخل سپدن سُہ روزِ تیوتُھۓ۔ 26 ۔ تٕہ اتھ صورتَس منز لبِہ تمام اسرائیل نجات چناچِہ لؠکِھتھ چُھ زِ موکلاون وۄل نیرِ صِیُّونٕہ منزٕہ۔ تٕہ بے دینی کرِ یعقوبَس نِش دفع۔
27 ۔ تٕہ تِمن سٲتؠ آسِہ میون یِہ عہد۔ ییلِہ زن بُو تِہنٛدؠ گُناہ دُور کرٕہ۔ 28 ۔ انجیل ہنٛدِ اعتِبار چِھ تِم تِہندِ خٲطرٕہ دُشمن مگر برگُزندگی ہنٛدِ اعتِبارٕہ جدن اجدادن ہندِ خٲطرٕہ تٲٹھؠ۔
29 ۔ تکیازِ خدایہ سٕنزِہ نعمتٕہ تٕہ ماد دؠوٛن چُھ لاتبدیل۔ 30 ۔ تکیازِ یِتھ کٕنؠ گۓ ونؠ نُم تِہ نافرمان مگر ونؠ سپُد یہودؠن ہنٛزِ نافرمٲنی سٲتی توہِہ رحم۔
31 ۔ تِتَھے کٕنؠ گۓ ونؠ نُم تِہ نافرمان تاکِہ توہِہ پؠٹھ رحم سپدَنکٕہ ذریعہ آسِہ ونؠ یِمن پؠٹھ تِہ رحم۔
32 ۔ امِہ موکٕھہ دیُوت خداین سارنٔی نافرمٲنی منز گرفتار سپدنٕہ تاکِہ سارنٔے پؠٹھ کرِ رحم۔ 33 ۔ واہ۔ خداۓ سٕنٛز دَولت تٕہ حِکمت تٕہ عِلم کٲژا عظیم چھے۔ تؠمسٕنٛدؠ فٲصلٕہ کٲتیاہ چِھ عقلِہ نؠبر تٕہ تؠمِہ سٕنٛزٕہ وتٕہ کٲژا بے نِشان چھے۔
34 ۔ خداوند سٕنٛز عقل کَس ترِ فکرِہ؟ یا کُس چُھ تَس مشورٕہ دِنٕہ وۄل۔ 35 ۔ یا کؠمؠ چُھ تَس گوڈٕہ کینٛہہ دیوتمُت یمؠک بدلٕہ تَس دِنٕہ ییِہ؟۔
36 ۔ تکیازِ تؠمسندے طرفٕہ تٕہ تؠمسٕنٛدۓ وسیلٕہ تٕہ تؠمسٔے خٲطرٕہ چُھ سُورُۓ۔ تؠمسٕنٛز عظمت رُوزِن ہمیشِہ تام سپدان۔ آمین۔