2 شیہہ دوہ پتہٟ نیِ عیسیٰ ہن پانس سٲتؠ پطرس تہٟ یعُقوب تنہایٟ منز اکس تھدِس پہاڈس پیٹھ تہٟ تمن برونہہ کنہِ بدلے تس شکل ۔
3 امہٟ سنٔدیٟ پلَو سپٔدیٟ تِتھ نورانیٟ تہٟ ورایا سفید زِ دُنیاہس منز ہیکنہ تِتھ سفید کانہہ تہِ دُھوب کرِتھ ۔ 4 تہٟ تمِس ساتیٟ آے اَتھِ موسیٰ تہٟ ایلیاہ تہِ ۔ تِم ٲسیٟ عیسیٰ ہس ساتیٟ کتھٟ کران ۔
5 پطرسن وُن عیسیٰ ہس ''ربّی ! یتیِ چُھ سُون روزُن ٹھیک ادہٟ ٲسیٟ بناوو تریہِ خؠمہٟ، اکھ چانہِ خاطرہٟ ، اکھ موسیٰ سنٔدِ خطرہٟ تہٟ بیاکھ ایلیاہٟ سندِ خاطرہٟ ۔
6 تکیازِ سُہ اُوسنٕہ زانان زِ کیا ونو امِہ موجُوب زِ تِم أسیٕ سیٹھاہ کھوژمٕتیٕ۔ 7 پتہٟ کوُر اکیٟ اُوبرن تمن پیٹھ شُہل ۔ بؠہِ آیہ تیمہِ اوبرہٟ منزہٟ آواز ''یہ چُھ میون ٹُوٹھ فرزند ،اَمہ سُند بوزیُو ۔
8 تہٟ تمو ترٲوٗ فوراً ژوپٲریٟ نظراہ تہٟ عیسیٰ ہس ورٲۓ وُچھکھنہٟ پانس سٲتیٟ کانہہ ۔ 9 ییلہ تِم پہاڑ پؠٹٕھہ وسان ٲسؠ ۔تہٟ تؠمیٟ دیوت تمن حکم زِ یوتام نہٟ ابنِ آدم موردو منزہٟ زندہٟ وَتِھ یہ کیژھا تو ہہِ وُچُھو ونزؠونہٟ کانسہِ ۔
10 تمو تھووامسنُد کلام یاد تہٟ ٲسیٟ پانہٟ وانی بحث کران ۔زِ موردو منزہٟ زندہٟ وتھنک کیا مطلب چُھ ۔ 11 پتہٟ پُروژھ تمو تس۔ زِعالِم کیازِ چھُ ونان زِ گوڈہٟ چُھ ایلیّاہ سُند یُون ضروری۔
12 تیمیٟ وُن تمن ۔ زِ ایلیاہ کرِ البتہٟ یِتھ سوری کؠنہہ بحال۔ مگرکیاوجہ چُھ زِ ابن آدم سنُدِس حقس منز چُھ لیکِتھ زِ سُہ تُلہِ واریاہ دُکھ تہٟ ییہِ ذلیل کرنہٟ ۔
13 مگر بُو چھسو توہہ ونان،زِ ایلیاہ چُھ آمُت ۔تہٟ یتھ کنیٟ تمسنٔدِس حقّس لیکتِھ چُھ زِ تمو یہ کینژھا یژھُک تہِ کورکھ تس ساتیٟ ۔ 14 ییلہِ سُہ شاگردن نِش آوٗتہٟ وُچھن زِ تمِن اندیٟ اندیٟ چُھ بوڈ ہجوم تہٟ عالم لوکھ ٲسؠ ٲیٟ تمن ساتیٟ بحث کران ۔
15 تہٟ فوراً سپُد سوری ہجوم تس وچھِتھ سؠٹھا حیران ۔تہٟ تمس کن دُورِتھ لگِس سلام کرنہِ
16 تؠمیٟ پروژھ تمِن توہی کیا بحث آسیو یمن ساتیٟ کران ؟۔ 17 تہٟ ہجوم مہٟ منز وُن اکیٟ درجواب '' ہے وستاد ! مےٟ اُوس اُونمت پنُن نیچو یمس منز کلیٟ سند روح چُھ ژے نِش ۔
18 سُہ یتن اَمس پؠٹھ غالب چُھ سپدان ،تہٟ چُھس دَب کڑان بیہ چُھ پُوس کھسان ،بیہ دندٹکان تہٟ کمزور سپدان ۔مؠے ونیِیُو چانین شاگردن زِتِم کڑن ٲمس مگر تم ہؠکنہٟ کڈِتھ
19 تؠمیٟ وُن تمن درجواب ۔ہیُو بے اعتقادو ! بُو کوت تام رُوزہٟ توہہ ساتیٟ ۔کوٚت تام کرہٟ بُو تہُند برداشت۔ انوِٗن سُہ مے نِش ۔ 20 ادہٟ تمو اون سُہ تس نِش ۔تہٟ ییلہٟ تؠمیٟ سُہ وُچھ ۔تہٟ فوراً دِژ رُوحن تس مُرَن تہٟ پیُو پتھر تہٟ لوگُس ٲسہٟ کؠنیٟ پُوس کھسنہٟ ۔
21 تؠمیٟ پروژھ تہنٔدِس مٲلس یہ کر پیٹھٟ چُھ اَمِس ،تیمیٟ ون،' بچپن پیٹھےٟ۔
22 تہٟ سُہ اُوس ٲمِس اکثر نارس تہٟ آبس منز تراوان تاکہِ ٲمِس کرہے ہلاک ۔مگراگرژہٟ کؠنہہ کرِتھ ہیککھ ،تیلہِ یینےٟ اَسہِ پیٹھ عار تہٟ کَر اَسہِ مدد ۔ 23 عیسیٰ ہن وُن تس ۔''کیا اگر ژۂ کرِتھ ہیککھ ''۔ یُوس اعتقاد چُھ تھاوان ؟ تہنٔدِ خطرہٟ ہیکہِ پریتھ کؠنہہ سپدتھ ۔
24 تمٔسد مالیٟ وُن فوراً کریکھ دِتھ ۔بُوچُھس اعتقاد تھاوان، تہٟ ژہٟ کر میانہِ بے اعتِقادیِ ہُند علاج۔
25 ییلہ عیسیٰ ہن وُچھ زِ لوکھ چھ دوان دوان یتِہ جمع سپدان ۔تہٟ تمِس بدروحس وُنن روب کرِتھ ، بُو چھسے ژے ونان ، نیر امِس منزہٟ تہٟ بیہ دوبارہ گژھزؠنہٟ اَمِس منز داخل ۔ 26 اِتیٟ دراوٚ سُہ کریکھ دِتھ تہٟ تس مُرن دِتھ ۔سُہ گوموردہٟ پہؠُو یِتٕھہ کٕنؠ سالمو دُوپ زِ سُہ مُود ۔
27 مگر عیسیٰ ہن تُل سُہ اَ تھس تھپ کرِتھ تھود تہٟ سُہ وُتھ تہٟ سُہ وُتھ استادہ 28 ییلہ سُہ گھرہٟ آوٗ تہٟ شاگردو پروژھ تس الگ کُن ۔زِ اَسہ کیازِ ہیوکنہ اَمِس یہ کڑتھ؟
29 تؠمیٟ ون تمن ۔یہ ہیکہینہٟ دعا ورٲۓ بیہِ کونے ساتیٟ نِیرتھ ۔ 30 پتہٟ تتہِ پیٹھ روانہٟ سپدِتھ تہٟ گلیلہِ منزہٟ نیِرتھ اُوس نہٟ یژھان سُہ زِ کانسہ گو ژھ پے لگُن۔
31 تکیازِ سُہ اُوس پنین شاگردن تعلیم دوان تہٟ تمن ۔اُوس ونان''ابن آدم ییہِ انسانن حوالہٟ کرنہٟ تہٟ تم کرن تس قتل تہٟ قتل گژھنہٟ پتہ ترِیہ دوہے وَتھِ سُہ زندہٟ ۔
32 مگر تمن آسنہٟ یہ کتھ سمجھ یوان ۔ تہٟ تس پرژھنس تہ ٲسیٟ کھوژان 33 پتہ واتی تِم کفر نحوم تہٟ ییلہِ سُہ گھرِ اُوس تہٟ تؠمیٟ پروژھ تمن ۔ زِ توہی کیا بحث آسؠُو وتہٟ منزکران؟
34 تمو کرٔژھوپہٟ۔ تکیازِ تمو اُوس وتہِ منز اکھ اکِس ساتیٟ یہ بحث کورمُت زِ بُوڈ کس چُھ ۔
35 پتھر بہیتھ بُلٲیِن پتہٟ تِم باہ تہٟ وننکھ '' اگر کانہہ گوڈٕہ نؠوک سپُدن یژھان چُھ تہٟ سُہ بنہِ سالمن پتِم تہٟ سالمن ہُند خادِم ۔ 36 تہٟ لکھ لوکٹ شُر انِتھ کورن تمن منز باگ اِستادہٟ۔ پتہٟ سُہ کھونہِ منز رٹتِھ ونُن تمن ۔
37 یُوس اَکھاہ میٲنِس ناوس پؠٹھ یتھیو شرؠو منز اکِس قبول چُھ کران تٕہ یُوس مے قبول چُھ کران چُھ یمیٟ بُو سوزمُت چُھس قبول کران ۔ 38 یوحناہن وُن تس ، ہےوستاد، اَسہِ وچھ چانس ناوس پؠٹھ اکھ شخص بدروحن کڑان تہِ اَسہِ ہیوت تمس منع کرُن ،تکیازِ سُہ اُوسنہٟ سانیٟ پیروی کہؠنہ کران
39 مگر عیسیٰ ہن وُن تس کرزیو نہٟ منع تکیازِتُؠوتھ چُھنہٟ کانہہ یُوسنہٟ میانہِ ناوہٟ ساتیٟ معجزہٟ ہایہٟ تہٟ جلد ہیکہ مے وہی تباہی ونِتھ 40 تکیازِ یوسنہ اَسہِ خلاف چُھ سُہ چُھ سانہِ طرفہٟ ۔
41 یوس اکھاہ توہہ اکھ پیالہ تریش امہٟ موکھٟ چیٲ وہِ زِ توہی چھیٔو مسیح سنٔدی ۔بُو چھُسوتوہہ پوزونان زِ تَس راوٟنہٟ پنُن اجر ہرگز۔ 42 تہٟ یُوس اکھا ہ یمو لوکٹیو منزہٟ یمو مے پیٹھ چُھ ایمان اونمُت کانسہ ٹھوکر کھیاوہٟ ۔تمسند خٲطرٕہ چُھ بہتر یِہ زِ اکھ بوڑ گرَٹٕہ کٔنؠ گژِھ یِن تَس نٲلؠ ژھننہٟ تہٟ سُہ گژِھ سمندرس منز لگاونہٟ یُون ۔
43 اگرژے پنُن اتھ ٹھو کرہٟ کھیاویٟ تہٟ سُہ ژھٔنُن ژٹتِھ ،چانہِ خاطرہٟ چھُ بہتر ٹُنڈہٟ آستھیٟ زندگی منز دٲخِل سپُدن اَمہِ نِشہ زِ زٕہ اَتھ ٲستِھ گژھکھ ژہ جہنمکس نارس منز یُو سنہٟ زاہنہ ژھیتے گژِھ ۔
44 یتہٟ نہٟ چُھ تِہُند کیوم مران تہٟ نہٟ ناریٟ ژھیتہٟ گژھان ۔ 45 بیہ اگر ژے پنُن کھوَر ٹھو کرہٟ کھیٲ ویٟ تہ سُہ ژھٔنُن ژٹتھِ چانہٟ خاطرہٟ چُھ بہتر لُونگ ٲستھیٟ زندگی منز داخٟل سپُدن امہِ نِشہ زِ ژہ یِکھ دونوۓ کھورہیتھ جہنمس منز تراونہٟ
46 یتہِ نٔہ چُھ تہِنُد کیوم مران تہٟ نٕہ چُھ نار ژھیتہٟ گژھان ۔ 47 بؠیِہ اگر ژے پننیٟ أچھیٟ ٹھوکرہٟ کھیٲوی تہٟ سُو کڑُن نیبر، کُون ٲسِتھ چُھ چون زندگی منز داخٟل سپُدن بہتر امہِ نِشہٟ زِ زٕہ ٲچھ آسِتھ یکھ جہنمس منز تراونہٟ۔
48 پتہٟ نۂ چُھ تِہُندکؠومٔی مران تہٟ نہٟ ناریٟ ژھیتہٟ گژھان۔ 49 تکیازِ پریتھ کانہہ شخص ییہِ نارہٟ ساتیٟ نمکین کرنہٟ ۔ تہٟ پرؠتھ کانہہ قربانیٟ ییہِ نونہٟ ساتیٟ نمکین کرنہٟ
50 نون چُھ اصل واگر تتھ نونہٟ مزے موکلہِ تہٟ سُہ کؠمہِ چیزہٟ ساتیٟ کرِووُن توہی مزہ دار؟ پانس منز تھٲیُو نوٚن تہٟ اکِس بیکس ساتیٟ روزُیو رلِتھ ۔