2 تہٟ فریسیٟ آۓ تس نِش تہٟ پرُ وژھک تمِس آزماونہٟ باپتھ ۔کیا یہ چَھا جایٔز زِ مرد موکلایہ پننیٟ زنانہٟ ۔
3 تیمیٟ وُن تمن درجواب زِ موسٰہن کیا حکم چُھو توہہ دیتمُت؟
4 تمووُن ، موسٰہن چُھ اجازت دیوتمُت زِ طلاقہ نامہٟ لیکتھ موکلٲیون پننیٟ زنانہٟ۔ 5 مگر عیسیٰ ہن وُن تمن ،تؠمیٟ اُوس تہنزِ سنگ دلیٟ کؠنیٟ تہندِ خاطرہٟ یہِ حکم لیُوکھمُت ۔
6 مگر پیدایٔشیٟ پیٹھے ٲسی تِم خداین مردتہٟ زنیٟ بنٲیٔمتیٟ۔ 7 توۓ روزِ مرد پنینس مٲلِس نِشہٟ تہٟ ماجہ نِشہٟ جُدا سپدِتھ زنانِہ سٲتؠ ۔
8 تہٟ سُہ تہٟ بؠہِ تؠمسٕنز زنانہٟ دونوے آسن اکوے جسم ۔
یعنی تم چھٟنہ زہٟ بلکہ چھِ اکھ جسم ۔
9 لہزا یُوس خداین آسہِ جوڑمُت تس مَہ کرٟنیٟ انسان جدا۔ 10 تٕہ گھرِ پُروژھ شاگردو تَس بؠیِہ اَتھ کتِھہ مطلق۔
11 تمیٟ ونُنکھ ۔ یوُس اکھاہ پنٟنیٟ زنانہٟ موکلاوہِ تہٟ دُوؠمہٟ ساتیٟ کرِ خاندر سُہ چُھ گوڈنچِہ برخلاف زناہ کران۔
12 واگر زنیٟ پننِس خامدس موکلایہ تہٟ بیکِس ساتیٟ کرِ خاندرسُتِہ چھے زناہ کران ۔ 13 پتہٟ لگی لوکھ شریٟ اننہٟ تمِس نِش ۔تاکہ سُہ لاگہِ تمِن اَتھ مگر شاگردو کور تمن اعتراض۔
14 عیسیٰ گو یہ وچھتھ ماؠوس تہٟ وُنکھ ، شرین دؠو مؠے نِش ینہٟ یمن مَہ کریو منع تکیازِ خدایہ سنٔز پادشاہی چھے یتھنیٟ ہنزٔ ۔ 15 بُو چُھسوتو ہہ پُوز ونان ،زِ یوس اکھا تِہ خدایہ سنٔز پادشٲہی شُریٟ سندیٟ پاٹھیٟ قبول کرِنہٟ سُہ گژھنہٟ اتھ منز ہرگِز تِہ دٲخٟل۔
16 پتہٟ رٹِن تِم کھو نہِ تہٟ تمن پیٹھ اَتھ تھایِتھ دژنکھ برکت ۔ 17 ییلہ سُہ نیرتھ وتہِ اُوس پکان۔ تہٟ اکھ شخص آوٗ دوان تس نِش تہٟ تس برونہہ کنہ کوٹھیٟ نمرِتھ لوگس پرژھنِہ۔ہے نیک وستاد بُو کیا کرہٟ زِ ابدی زندگی ہُندوارِث بنہٟ ؟
18 عیسیٰ ہن وُن تس، ژہ کیازِ چھکھ مے نیک ونان ؟ کانہہ چُھنہٟ خدایس ورٲۓ نیک ۔
19 ژہٟ چُھکھ حکمو نِش وٲقف ،قتل مَہ کر،ژوٗرمَہ کر،اپُز گوہی مَہ دِہ ،دھونکہ دِتھ مہ کر نقصان ،پننِس مٲلِس تہٟ ماجہ کر عزت۔ 20 تیمیٟ وُن تس ۔ہے وستاد مے کٔر لوکچارہٟ پیٹھےٟ یمن سارنیٟ کتھن پؠٹھ عمل ۔
21 عیسیٰ ہن کرٔ تس نظراہ تہٟ ٹھا ٹھِنِیار کرِتھ وُننس ''اکہِ کتھِ ہنٔز چھے ژے منز کمی۔ گژھ یہ کینژھا ژے چھی تیِ کٔن تہٟ دِہ غریبن ۔ژے میلیٟ آسمانس پؠٹھ خزانہٟ ۔تؠمہٟ پتہٟ ییہ مے پتہٟ پتہٟ ۔ 22 اَمہِ لتھٟ ساتیٟ گو سُہ اداس تہٟ غمگین سپدِتھ دراوٗ ۔ تکیازِ سُہ اۃوس بوڈ مالدار ۔ 23 پتہ وُن عیسیٰ ہن ژوپاری نظراہ کرِتھ پنین شاگردن دولتمند سُند کوتا مشکل چُھ خدایہ سنٔزِ پٲدشاہی منز داخِل سپُد ۔
24 شاگرد گے تمسنزٔو کتھو ساتیٟ حیران،عیسیٰ ہن وُن تمن بیہ درجواب۔ بچُو!یم لوکھ دولتس پیٹھ بھُروسہٟ چھ تھاوان تہندِ خاطرہٟ کوتا مشکل چُھ خدایہ سنزٔ پادشاہی منز داخل سپُدن ۔
25 سژنہِ پہیہ منزیٟ اُونٹ ترُن چُھ سہل بنسبت دولتمند سُند خدایہ سنٔزِ پادشاہی منز دٔاخٟل سپُدن ۔ 26 سُہ لوگ سیٹھا حیران سپدِتھ وننہِ زِ تیلہ کُس ہیکہ نجات لبتھ ؟
27 عیسیٰ ہن وُن تمن کُن نظراہ کِرتھ ۔زِیہ ہیکنہ انسانن ہند ساتی سپدِتھ مگر خدایہ سنٔدِساتی ہؠکہ سپدِتھ ۔
28 پطرس لوگ تمِس وننہِ ۔وچھ اَسہِ تروو سوری کؠہنہ تہٟ ژے پتہٟ پتہٟ دراۓ ۔ 29 عیسیٰ ہن ون،بو چھسو توہہ پوز ونان ۔زِ تیوتھ چُھنہ کانہہ یمیٟ میانہِ خٲطرٕہ تہٟ انجیلِ ہندِخٲطرٕہ تروُو،گھرہٟ۔باۓ یا بینہ یا مول موج یا شُرء یا کھاہ۔
30 تہٟ ونیٟ یتھ زمانس لبہِ نہٟ ہَتھ گنہ۔گھرہٟ تہٟ باۓ تہٟ مبؠیِہ تہِ ماجہِ تہٟ شُریٟ تہٟ کھاہ مگر ظلمہ ساتیٟ تہٟ ینہٟ والِس عالمس منز ابدی زندگی۔
31 مگر وریاہ یِم بُرنہہ آسن سپدن پَتھ تہٟ ؠم پتھ آسن سپدن بُرونہہ۔ 32 تہٟ یروشلم گژھنہٟ وزِ ٲسی تِم وتہِ منز ۔ تہٟ عیسیٰ اُوس تمن برونہہ پکان تِم لگی حیران گژھنہِ تہٟ یِم پتہٟ پتہٟ ٲسی پکان تِم لگی کھوژنہِ ۔پتہ تِمن بہن پانس ساتیٟ نِتھ تِمہٟ کتھٟ وننہِ ؠمہٟ تس پؠٹھ ینہٟ واجنہِ آسہٟ
33 وچھؠوٲسی گژھو یروشلم تہٟ ابنِ آدم ییہِ زیٹھیٟ کاہنن تہٟ فقیہن حوالہٟ کرنہٟ ۔تہٟ تِم دن سُہ قتل کرنک حکم بؠہٟ کرنس غیرقومن حوالٕہ۔
34 تہٟ تِم وُڑاوان تس مزاق بؠہِ لاینس تھوکہٟ ۔بؠہِ لایٔس کوڈہٟ تہٟ کرنس قتل۔ پتہٟ وتھ سُہ تریہِ دوہے بعد زندہٟ 35 پتہٟ وُن زبدی سندیو نیچیو یعقوبَن تہٟ یوحناہن تِمس نِش یِتھ تس ہے وستاد، ٲسیٟ چھ یژھان زِ یمہِ کتھہِ ہُند ٲسیٟ ژے درخوست کرہٟ ووُۓ ،ژہ کرکو سانہٟ باپتھ ۔
36 تؠمیٟ وُنکھ توہی کیا چُھو یژھان زِ بُو کرہٟ تُہندِ خاطرہٟ ؟
37 تِمو ون تس ،زِ سانہ باپتھ کریہ زِ چانِس جلالس منز بہیہِ اَسہِ منزہٟ اکھ ژے دچھنیٟ کینیٟ تہٟ بیاکھ کھُووریٟ کینی ۔ 38 عیسیٰ ہن وُن تمن ۔توہہ چھؠو نہٟ پے زِ کیا چھو منگان؟ یُوس پیالہ بُو چینہٟ وول چُھس ،کیا توہی ہیکوا چِیتھ ؟ تہٟ یُوس بپتسمہٟ پُو ننہٟ وول چُھس ،کیا توہی ہیکوا نِتھ ؟
39 تمو وُن تس ۔سانہِ سٲتیٟ ہیکہِ سپدِتھ ۔ عیسیٰ ہن وُن تمن۔یُوس پیالہٟ بُوچینہٟ وول چُھس کیا توہی چیوا ؟ تہٟ یُوس بپتسمہٟ بُو ننہٟ وول چُھس توہی نِیوا ۔
40 مگر پانس دچھنی یا کھووریٟ کینیٟ بہناون چھؠنہٟ میٲنیٟ کٲم کؠنہ سواۓ تِہندِ یِہندِ باپتھ تیار کرنہٟ آمت چُھ ۔ 41 ییلہ تمو دہو یہ بُوز تہٟ یعقوب تہٟ یوحناہس سپٔدیٟ تِم ناراض۔
42 عیسیٰ ہن وُن تمن پانس نِش ناد دِتھ ۔توہی چُھو ازانان یم غیر قومن ہندیٟ زٹھیٟ چھ ماننہٟ یوان تِم چِھ تمن پؠٹھ حکومت چلاوان تہٟ تہندیٟ امیر چھ تمن پیٹھ اختیاز تھاوان ۔ 43 مگر توہہ منزہٟ کُس چُھ تیوتھ بلکہ یُوس توہہ منزہٟ بوڈ آسُن یژھان چھُ سُو بنہ تہُند خادم ۔
44 تہٟ یُوس توہہ منزٔہٟ اوٚل آسُن یژھان چُھ سُہ بنہ سارنیٟ ہنُد غلام ۔
45 تکیازِابنِ آدم تہِ چھنہٟ ٲمہِ مو جوب آمُت خدمت کرنایہ پانس بلکہ امہِ موجوب زِ خدمت کرہِ تہٟ پُنن زودیہِ واریاہن ہندِ بدلہ چھپہِ ۔ 46 پتہ آوٗ سُہ یریحُوہس منز تہٟ ییلہ سُہ تہٟ تمسُندیُ شاگرد تہٟ لکھ بوڈ ہجوم یریحُوپیٹھٟ نیران اُوس ، تہٟ تِمایٔ سُند نیچیو برتِمایٔ اُوٗن فقیر اُوس وتہِ اندس پؠٹھ بِہتھ ۔
47 سُہ لوگ عیسیٰ ناصری سُندبوزِتھ کریکھ کرِتھ وننہِ ، ہے ابن داوٗد ،ہے عیسیٰ مؠے پؠٹھ کر رحم !۔
48 تہٟ واریاہو کورتمس رُوب زِ ژھوپہٟ کر ۔مگر تؠمیٟ تجہِ زیادے کریکہٟ ۔ہے ابن داوٗد مے پؠٹھ کر رحم ۔ 49 عیسیٰ ہن ووٚن تھود وَتِھتھ ،یہ انِووُن یُوریٟ ،اتیِ بُلووتموسُہ اُون یہ ونتھ زِ اطمینان تھاوٚ،وتھ سُہ چھی ژے ناد دِوان ۔
50 پنُن چُوغہٟ دٲرِتھ ژھٔنِتھ تُجیٟ تؠمیٟ وُوٹھ تہٟ آوٗ عیسیٰ ہس نِش ۔ 51 عیسیٰ ہن ون تس، ژہ کیا چُھکھ یژھان زِ بُو کرٕہ چانہِ باپتھ ؟ اَنیٟ وُن تمس ''ہے ربّویٟ ''یِہ زِ بُو گژٕھ وُچُھن ۔
52 عیسیٰ ہن وُن تمِس ،گژھ چٲنیٟ ایمانن کورکھ ژہ ٹھیک ،تہٟ سُہ لوگ فوراً وُچھنہٟ ،تہٟ وتہِ منزی درٲو سُہ تس پتہ پتہ ۔