2 تہٟ تمن ونُن ،بروہِمِس گامَس منز گژھؠو ،توروٲ تتھیٟ میلؠو توہہِ اکھ جوان کھٔرنہِ بچہ گنڑتھ ۔ یمس نہٟ ازتام کانہہ نفر آسہِ سوارِ کھوتمت ،سُہ انیُون مُژرتھ یُوریٟ ۔
3 تہٟ اگر کانہہ توہہ ونیُو ،توہی کیازِ چُھو یہ کران ؟ تہٟ وَنزِیُوس خداوندس چھے ٲمسنزٔ ضرورت ۔سُہ سوزِ جلدی ٲمِس بیہ یُوریٟ ۔ 4 اتیِ گے تم تہٟ لوبک سُہ بچہ دروازس نِش نیبرکنہِ کوچس منز گنڈتھ ،تہٟ لگِس کھولنہِ ۔
5 مگر یِم لوکھ تتہِ استاد ٲسیٟ تمو منزہٟ وُن کینژھو تمن ،یہ کیا چُھو کران ؟ زِ کٔھر نہِ بچہ چُھوُون کھولان ؟
6 تمو وُن تمِن تتھے کنیٟ یتھٟ کنی عیسیٰ ہن اُوس وُنمت تہٟ تمو دیوت تمِن گژھنہٟ ۔ 7 اتیٟ اُون تمو کھرٔ نہِ بچہ عیسیٰ ہس نِش تہٟ پننیٟ پلو ترٲوِکھ تس پیٹھ تہٟ سُو گوتس پیٹھ سوار ۔
8 بیہ تہِ واریاہو لوکو ترٲیے پننیٟ پلو وتھرنیٟ وتہِ پیٹھ ۔ باقیو اَنہِ کھہو منزہٟ لنجہ ژٹِتھ تہٟ ترایکھ وہرتھ ۔
9 یِم تس برونہہ برونہہ تہٟ پتہٟ پۃٟ پکان ٲسی تِم ٲسی کریکہ دِی دِی ونان ،ہوشعنا'' مبارک چُھ تس یُوس خداوند سندِس ناوس پیٹھ چُھ یوان ۔
10 مبارک چُھ سٲنِس بب داوٗدسنزِ پادشاہی یوسہٟ یوان چھے ،عالِم بالہس پیٹھ ''ہوشعنا'' ۔ 11 تہٟ یروشلمس منز داخل سپدتھ ووت سُہ ہیکل منز۔ تہٟ ژوپٲری سارنیٟ چیزن ہند معایٔنہٟ کرِتھ گو سُہ یمن بہن ساتی بیتِ عَنِیاہ، تکیازِ شام اُوس گومُت ۔
12 دویمہ دوہُ ییلہِ سُہ بیت عَنِیاہ پیٹھ دراوٗ تہٟ تس لجیٟ بُوچِھہ ۔ 13 تہٟ سُہ گو دورِ وُچھِتھ اکِس انجیرکُلِس نِش یتھ پنہٟ وتھٔر ٲسی زِ اَتھ آسن انجیر مگر تتھ برونہہ کن واتِتھ وچھُنہٟ تیمیٟ تتھ کہین تہِ ،تکیازِ انجیرن ہند موسم اُوس ختم گومُت ۔
14 تیمیٟ وُن تتھ ،برونہہ کُن مَہ کھیؠن زانہہ تہِ کانہہ میوہٟ چُون ۔تٕہ تؠمسُندؠو شاگردو بُوز ۔ 15 پتہ واتیٟ تِم یرشلمس منز ۔ تہٟ عیسیٰ لوگ تمن تتہِ نبیر کڑنہِ یم ہیکل منز کا روبار ٲسی کران ۔تہٟ صرافن ہندِیٟ تختہٟ تہٟ کوتربازن ہنٔزہٟ چوکہ فِرین دُوبہٟ ۔
16 کانسہِ اکِس تہِ دیوتُن نہٟ ہیکلِ منزٕہ ٲسِتھ کانہہ بانٕہ نِنٕہ۔ 17 تہٟ پننہِ تعلیمہ منز ونُن تمن ۔ کیا یہ چُھنا لیکتھ زِ میون گھرٕہ آسہِ سارنی قومن خاطرہٟ دعاہن ہند گھرہٟ مگرتوہِہ چھووُن یہ ڈوکوَن ہُند اڈہٟ ببنومُت ۔
18 تہٟ زیٹھیٟ کاہنو تہٟ فقیہو لوگ یہ بُوزِتھ تمسنٔدِ قتلک موقع ژھانڑُن۔ تکیازِ تِم ٲسی تمِس اوہ موکھ کھوژان زِ ساری لوکھ ٲسیٟ تمسنزِ تعلیمہ ساتیٟ حیران ۔
19 تہٟ پرتھٟ دُوہ شامس اُوس سُہ شہرہ نبیر گژھان کران ۔ 20 پتہ ییلہِ تِم صبحَس تپاری دراۓ تہٟ تتھ انجیرکُلِس ٲسی مول تام ہُو کھمتیٟ ۔
21 پطرسس پییہ سُو کتھ یاد تہٟ وننس،ہے ربّی وچُھ یہ انجیر کُل یتھ ژے لعنت ٲسی کرمژچُھ ہوکھمُت۔ 22 عیسیٰ ہن ون تمن درجواب، خدایس پیٹھ تھایُو ایمان ۔
23 بو چُھسو توہہ پوز ونان ۔ زِ یوس اکھاہ یَتھ پہاڈس ونہِ وتھ تھود تہٟ گژھ سمندرَس منز تہٟ پنِنس دِلس منز کرنہ شک بلکہ کرہٟ یقین زِ یُوس ونان چُھ سُو سپدِن ۔تہٟ تمسنٔدِ خاطرہٟ سپدِتیٟ ۔ 24 توے چُھسو بوتوہہ ونان زِ یہ کینژھاتوہی منگان چھُو یقین کریو توہہ میولو تہٟ تہِ میلیو تُوہہ ۔
25 بؠہِ ییلہٟ توہی استاد سپدِتھ دُعا چھوکران۔ اگر توہہ کانسہِ ساتیٟ کانہہ شکایت آسیو تس کریومعاف تاکہ تہُند بب یوس آسمانس پؠٹھ چُھ کر تہٕدؠ گناہ معاف
26 اگر توہی معاف کریو نہٟ تہٟ تہند بب یُوس آسمانس پیٹھ چُھ کرنہٟ تُہندیٟ گناہ تہٟ معاف ۔ 27 تم آۓ پتہٟ یروشلم ۔ تہٟ ییلہ سُہ ہیکل،فیران اُوس تہٟ زیٹھیٟ کاہن تہٟ فقؠہہ تہٟ بزرگ آۓ تس نِش ۔
28 تہٟ لگِس وننہِ ۔ژہ کؠمہ اختیار چُھکھ ؠمہٟ کامہِ کران ۔یا کؠمیٟ چُھو نے ژے اختیار دیوتمُت ۔یمہ کامہِ کرنہٟ باپت؟ 29 عیسیٰ ہن ون تمن۔ بو پرُژھو توہہ اکھ کتھ تتھ دیو جواب تیلہ ونہٟ بو زِ کیمہ اختیار چُھس بُو یمہ کامہِ کران ۔
30 یوحناسُند بپتسمہ اُوسا آسمانکہ طرفہٟ کنہٟ انسانہٟ سٔندِ طرفہِ ،مے دِیوُوجواب ۔ 31 تم لگیٟ پانہٟ وٲنیٟ وننہِ۔''اگر ٲسیٟٟ ونو آسمانکہ طرفہٟ تہٟ یہ ونہِ تیلہ کیازِ کورونہٟ توہہ تس پیٹھ یقین ۔
32 واگر ٲسیٟ ونو انسانہٟ سندِ طرفہٟ ؟ مگر تِم ٲسی کھوژان لوکن ،امِہ موجوب زِ ساری لوکھ ٲسیٟ واقعی یوحناہس نبی مانان ۔
33 اتی وُن تمو عیسیٰ ہن جواب، زِاَسہِ چھینہٟ پیییٟ ،عیسیٰ ہن وُن تمن ۔ بُوتہِ ونونہٟ توہہ زِ ؠمہٟ کا مہِ کؠمہِ اختیار چھس بو کران ۔