¹ Mi ninda vona engiroyi neli surumuka hanshi o kuzwa ku wiru. Neli kwatilire enki ye rambo lye here, mi muanja lyalyo neli kwatilire enceini enene. ² Nilya kwata e diragoni, lina ezyoka lya kare, ozyu ali diyavurusi, kapa Satani, noku musunga ke myaka ye cikiti. ³ Nilya mushohera mu rambo lyaazya entanta, noku mukiira mo noku vika e ziramatera ha wiru. Ezi niza tendwa ye areke o kuhoma vashi machava hape mbita e myaka ye cikiti shiya mani. Kuzwa aho, a votere oku sungururwa ke nako enfwihi. ⁴ Mpaho shendi vona a mavona. Hawo kaha kere avo niva hewa a manta oku atura. Kame ndoku vona e myuzya yava niva koshorwa e mwitwi kevaka lyovu paki bwa Jesu ni kezywi lya Nyambe. Kali niva tongamina ecivatana kapa echiswaniso caco co kuvumba, mi niva kana oku tambura eswayo hazi fateho zavo kapa he - anja. Niva kezya kuvuntu, noku vusa ne Kiresite ke myaka ye cikiti. ⁵ O vungi bwa vafu kali niva kezya ku vuntu mbita e myaka ye cikiti sheya mani. Oku nkoku vuka kwa matatikiro. ⁶ Bena e nfuyauzi no kucena mba vena vena echi bbamu muku vuka kwa matatikiro! Kwezi Orufu rwabili rwaazya a manta. Navara va avapurisita va Nyambe niva Kiresite mi nivara vusa neye emyaka ye cikiti (1000). ⁷ Shake neyi mane e myaka yoli 1000, Satani nara zwisiwa mwi ntorongo yakwe. ⁸ Mi nara yenda mu makokona one efasi ku kuhoma vashi macava va hanshi - Gogi ne Magogi - (ndu zekete rwa mazekete) kuva shanganya kukurwa. Navara hingiha mbwa njeke yahe lizo lya wate. ⁹ Nva yenda kufwiinkanya efasi noka zingiza a mafuro a vantu avo vazumina, o mureneñi owo u shakiwa. Kono muliro okuzwa kwi wiru nokuva zyongesa. ¹⁰ Diyavurusi, ozyu nava homenena, naa shoherwa muziva eli litumbuka o muliro oya wa sirufura, omu nimwa shoherwa ecivatana no muporofita wa kayama. Nivara shandiswa a kamwi na masiku enako kayimani. ¹¹ Mpaho Shendi vona o ruvona -o- runene ro kutuva nozyu kakere haro. Havuso bwakwe efasi ne wiru nilya vutuka, mi kali kakwina ecivaka cavo kokuya. ¹² Mi shendi vona a vafu - a vanene na vachenya niva zyimene havuso vo ruvona, mi a mavuka nia vukurwa, Nikwa vukurwa ne yimwinya evuka - eyi kayili Vuka yo Vuharo. A vafu niva aturwa kokuya kezi kazi ñoretwa mu mavuka, kokuya ke zitendantu zavo. ¹³ Ewate nilya zwisa a vafu avo kavena mwalyo. O rufu na mavita niya vooza avo kavena mwawo, mi a vafu niva aturwa kokuya kezo niva tenda. ¹⁴ Cware o rufu na mavita niza swoherwa muziva lyo muliro. Eziva lyo muliro ndo rufu rwavili. ¹⁵ Ati ezina lya zyumwi o muntu nelya azya kuwanahara neli ñoretwa Mwivuka yo Vuharo, ka shoherwa muziva lyo muliro.