¹ Heva Nyambe naamivusa na Kereste, mutonde zintu kwiwiru, oko Kereste akere kuanja lyecilyo lya Nyambe. ² Muazyare zintu zo kuwiru, kali zintu za hanshi. ³ Kakuti ni mwafwa, mi ovumi bwako vuvikitwe kwa Kereste eye ena kwa Nyambe. ⁴ Kereste shaka navonahare, eye vumi bwetu, nwe shaka novonahare neye muntuvo ⁵ Muvike efu, cware, kurima zenu mwi fasi, mbu hure, ezo zaazya okucenete, na maikuto mabbi, ne ntakazo zifosahere, nentakazo ze cifumu, ezo zifwana mbwe milimu. ⁶ Mpoho zo zintu na kuve ye ovukali Nyambe vukezye kuna avo kashuwi. ⁷ Nenwe zizi zintu zenzo kamuyenda kazo aho kamusihara mwazo. ⁸ Mi cware hanu mulitovohe kwezi zinku-ovukali no kunyeerwa, minahano mibbi, nkutuka, nezywi liswavisa kalishazwi mukanwa kako. ⁹ Musha kihomi nwe veni, kakuli zuli muntu wakare nemisevezi yakwe, ¹⁰ mi shimwa zwati muntu muya ozyo shana tendiwa eciya mwinzivo kuamana noku swana cozyo nacivumba. ¹¹ Aho cware sikwazya omu Gerike no mu Juda, Vashimukanda navo kali ni vava kumukanda, muñete, omu kwa Scythian, mwika, omurukuluhi, kono Kereste ndeye enke, mi ena kuvonshe. ¹² Muzyavare, sina, mbavo vaketetwe kwa Nyambe, okucene no kushakiwa, muzyavare amaikuto ecishemo, okuruka, kuli kokoveza, ovuharo, no mozyo mure. ¹³ Mo kulipanga nenja, muve necishemo mukati kenu. Mi heva zyumwi atongauka kwa muenze, mukitwatire kenjira iswana eyo Onfumu nami kwatira. ¹⁴ Kwezo zintu zonshe, muve nerato, elyo litushumina koku sepahara. ¹⁵ Mureke ecishemo ca Kereste ci vuse mu myoozyo yenu. Kaili kei nkoozo yakwe mpaho tukuwiwa mu muvili onke. Mi muve novuitumre. ¹⁶ Mureke ezywi lya Kereste lihare kwenu ko vufumu. Ko vutali vonshe vuruta mi mulishake ka Lisamu korumba ni ke njimbo ze cimoya. Kuzimba kovuitumro mu myoozyo kwa Nyambe. ¹⁷ Mi conshe co tenda, mwizywi kapa okutenda, mupange zonshe kezina lyo Nfumu Jeso. Muhe ovuitumero kwa Nyambe Eshi kakwe. ¹⁸ Vakentu mulivike kunshi ya va kwame venu, nje swanero kwa Nyambe. ¹⁹ Vakwame, mushake vakentu venu, mi mwasha va vengesi. ²⁰ Vana, mushuwe vashemi venu muzintu zoshe, keci nceco citvisa ku Nfumu. ²¹ Tata kamusha kalihili vanenu ye va voore hanshi. ²² Veeka, mushuwe va yendesi venu kuamana ne nyama mwezi zonshe, masevezi koku tavisa mesho avatu, kono moozyo ucenete. Mutiye Nyambe. ²³ Conshe co mutenda mucitende ko vuntu ku Nfumu mi kushavi kavantu. ²⁴ Uzyi ye uratambura kuzwa ku Nfumu omupuzo ovufumu. Ndu Nfumu Kereste ozyo murapera. ²⁵ Ozyo enshe atenda caazya okurukite ara tambura murandu waazya kurukiti keco na tenda, mi kwaazya ensovozi.