¹ Aba mfumu baba ntu baha abakana babo ezi zilukite no bulotu. Mi muzyi ye mukwesi o fumu mwi wuru. ² Muzwire habuso mwi ntampero. Mukare ne mutonda moo no kulitumera . ³ Murapele hantuhonke mi muturapelele neswe bulyaho, Okute yee Nyambe mwarule e chizyi che zwi, okutee kuambiwe e niti eyii ilizikite ka Keresite. Kebaka lyezi ndishuminitwa. ⁴ Mi ndirapera yee ndizi shuwahaze, kakuli ndi swanela okuaamba. ⁵ Yende mwi nzibo kaba bena kunje, mutende ezi lotu ezi muwora okutenda ne nako yenu. mi ama zwyi enu kenako yonshe a be ne chi shemo. ⁶ Mi abe aaa a bikitwe e zwaii, okutiyee muzyibe buti mutaba abantu bonshe. ⁷ Kono kezi zintu zindi aama, Tychius mbwa bone ye muzizyiba. mukwetu ozyu tushaka, omukana ozyu asepahara, Mi mwikana ozyo wa Nyambe . ⁸ Ndi mutumina kwenu kezi , okuti yee muzyibe zetu kakwe, okuti yee ba susuweze e myezyo yenu. ⁹ Ni ndamutuma ne Onesmus, Omukwetu ozyo asepahara, wa kwenu. Mbuba misumwine zoshe ezi zapangahali hanu. ¹⁰ Aristarchus, omushuminwa kangu, amirumelisa ne Mareka. No mukwakwe wa Barnabas ( Ozyu kamuwana e ntaelo kakwe; haiba akezya kwenu, mumu tambure), ¹¹ Mi ne Jesu ozyo akuiwa ye ndi Justus. Aba nabo nibaya kumupato oowuu mbaba kandibereka naboo kwa Nyambe. Mbaba kandilishuwa nenja nabo. ¹² Epaphras ami rumelisa. Ngwa kwenu mi mwikana wa Keresite Jesu. A seheka neye mwintapero, Okuti yee muzyimane kokugora nokuzyura ke ntato yonshe ya Nyambe . ¹³ Kakuli ndina obupaki bwakwe, kakuli a sebeza kentata kwenu, kwabena bena mwa laodicea, nabena bena kwa Hierapolis. ¹⁴ Luka o ñanga ozyo a shakiwa ozyo azyi ze mishamu, ne Demas murumele. ¹⁵ Murumerese aba kwetu mwa Laodicea ne Nympha, nenkereke eyii ina mwi njuwo ya kwe. ¹⁶ Eli ñolo haha kali baliwe mukati kenu, Mulisiye li bariwe kubena Laodicea noko, mimubone okuta e ñoro hape libaliwa nokuzwa kwa Laodicea. ¹⁷ Muambe kwa Archipus,'' Tonde kumusebezi owoo no wani ka Nyambe, okutee wuzyuzilizwa. ¹⁸ Ezi ntumeliso zizwa mwi yanja lyangu- Paulusi.Muhupure ama wenge angu, Echi shemo chi be nenwe.