¹ Ndishaka ozyive ezo ndikwesi ndilisesa kovukavavu ye ndimituse, navo vena mwa Laudicea, mi shinaho vungi bwavo kali niva vona cifeteho ca ngu kenyama. ² Ndiseveza ye emyozyo yavo iwane nsusumezo ko kuretiwa hantu honke mwi lato no vufumu ko kuzyura, kenkutwisiso, nke nzivo ye nkunutu yeniti ya Nyambe, eye Kereste. ³ Mwake ovu fumu bwe nzivo ne ngana momo zi zikitwe. ⁴ Ndiaamba ci okuta ye enke nareke okumihoma kezywi. ⁵ Mi nanga ndaazya kwina nenwe ke nyama, ko muzya ndina nenwe. Ndivoterwa oku vona ovurotu, na maanta entumero yenu ka Kereste. ⁶ Aho shimwatambuli Onfumu Kereste, muyende kakwe. ⁷ Okuvyarwe kugore kakwe, muzyakiwe hakwe, muve nentumero vuti ni mwa rutiwa, nemushuminwe kovuitumero. ⁸ Muvone muntu asha mi kwati kentuto zo vutli mi noku mishemba kezintu zaazya tuso kokuya kecizo ca vantu, ni kentuto zefasi, nikwaazya Kereste. ⁹ Kakuli ka Kereste momo mwina okuzyuzirizwa konshe ka Nyambe komuviri. ¹⁰ Muzyuzirizwa kakwe. Ngo mutwi wa maanta onshe no muraro. ¹¹ Kakwe ni mwa ya kumukanda ko mukanda omo kali niwa pangiwa ka vantu mi no kuzwisa omuviri kunyama, kono komukanda wa Jeso. wa Kereste. ¹² Ni mwazikiwa neye munkoro vezo. Kakwe ni mwa vuka ke ntumero na maanta a Nyambe, ozyo namu vusa kuvafu. ¹³ Enwe kamufwite kwezo ni mwa fosa no kusha ya kumukanda ke nyama yenu, a ku mihaza mwenshe neye mi akutu swarera twenshe enfoso zetu. ¹⁴ A kutakura ezivi zetu ezo kaziñoretwe ne mirawo eyo kaitushumina. Naazizwisa zonshe no ku kakokoterwa nezo hacifapano. ¹⁵ Naavatapa maanta no vuvusi, naava swavisa hankanza, a kuva koma keci fapano. ¹⁶ Cware kushavi nozyo aturwa kuco kulya kapa co kunywa, kapa kuaamana nezyuva lyo mukiti kapa okuterema ko mwezi, kapa kuamana nezyuva lye nsavata. ¹⁷ Ezo kali munzunde wezo kazishikezya, kono omuviri wazo ndi Kereste. ¹⁸ Kosha zyuminini ozo ashaka okulivooza hanshi no rapera ama ngiroi ozyo akuature kentinfo. Mi ozyo akavira zizintu ezo navoni mi akutunduruswa kemihahano ye nyama. ¹⁹ Kalikwati kumutwi wakwe. oko kumutwi omuviri onshe muma nungo ne misifa nkoko ihazwa hantu honke; ukura ko kukuliswa oko ni kwa hewa kwa Nyambe. ²⁰ Cware heva ni mwafwa na Kereste kentuto zefasi, ncinji aho musihara kazo mufasi: ²¹ Kosha hindi, kosha rasa, kosha kwati''? ²² Zoshe zizi zintu nzezo zisinya okuhara ko kuzisevelisa, kokuya ke ntaero ne ntuto za vantu. ²³ Eyo mirawo ino vutali vokuli pangira vurumeli no kulikokoveza no kukoliswa ko miviri. Kono zaazya ntuso kuamana kulivika muze nyama.