¹ Aho kumana ezo Paulusi akuzwa mwa Asenisi nakaya kwa Korinte. ² Oko akawana o Mujuda akuiwa Akwira, o mukwame womu Pontasi, ko mushobo; ozyo kazo kuzwa kwa Itary ne mukentu wakwe Pulisilla; kakuli a Bajuda naba sumwina Kilawudiyasi o kuzwa mwa Roma; mi Paulusi nakezya kwabo; ³ Paulusi nahara noku tenda nabo kakuli bakabatenda ezintu zifwana. Kabali batendi ba matente. ⁴ Paulusi ka shangananga mwi Sinagogi e Nsabata ne Nsabata. Aku amba ku Bajuda na Bagerike bonshe. ⁵ Kono aho Sirasi ne Timoteya sheba surumuka kuzwa kwa Masedoniya, Mi o Ruho nirwa hambiliza Paulusi ku amba za Jeso ndi Kiresite ku Bajuda. ⁶ Aho Bajuda sheba tatika kusha zuminzana noku mutuka, Paulusi aku zwisa echizyabaro habo sheku amba ye, '' Maroha enu abe ha mitwi yenu; ndaazya murandu. Kuzwa hanu kuba Chishi ndiya.'' ⁷ Aho shazwa nakaya kunjuwo ya Titusi Jasitasi, o mukwame ozyo karapera Nyambe.Enjuwo yakwe kaibembi kwi Sinagoge. ⁸ Kiripasi, o mukuru we Sinagogi ni bashinjuwo yakwe kabazumina kwa ku Nfumu.Bakorinte bonshe abo neba shuwa kwa Paurusi neba zumina noku korobezwa. ⁹ O Nfumu aku amba kwa Paurusi masiku mwi nzozi nokuta ye, '' Washa tiyi, kono ambe mi washa tontoli. ¹⁰ Kakuli ndikere newe mi kwaazya ozyo naku kubaze, kakuli ndikwesi a bantu bangi mu mureneñi.'' ¹¹ Paurusi naahara mo o mwaka ne myezi ye anja ni konke, nazyiya ezywi lya Nyambe mukati kabo. ¹² Kono aho Galliyo shaba o mubusisi wa Achaia, a Bajuda boku muzokera Paurusi noku mureta habuso bwe chuuna che nkaturo; ¹³ Bokutaye, ''ozyu mukwame sha kwesi ata bantu ye baku rapera Nyambe mwinjira ezo kazi yendereli nizo murawo.'' ¹⁴ Aho shika shaka kuamba Paulusi, Galliyo akuamba ku Bajuda, "Enwe mwe Bajuda, heba nji ntaba yo bubbi kapa obufosi, ku botere ye ndi kopane nenwe. ¹⁵ Kono shina ahazili zokubuza za mazywi na mazina no murawo wenu, muzitende mubeni. Ndaazya kushaka ye ndibe o muatuli wezi zintu.'' ¹⁶ Galliyo natenda ye bazwe hachuna cho buatuli. ¹⁷ Boku kwata bonshe Sositenesi, o muyendesi we sinagogi, noku mudamina habuso bwe chuna cho buatuli. Kono Galliyo kali na biraera kwezo niba tenda. ¹⁸ Paurusi, aho shaka kara mo mazyuba mangi, aku reka bakwakwe aku zuwa ne Prisira ne Akwira kwa Syriya. Nashini kuzwa he lizo, Chencare, neba mukurura o mutwi wakwe kakuli nahinda oku konga kwaba Nazirite. ¹⁹ Aho sheba kezya kwa Efasusi, Paurusi nareka Prisira ne Akwira kuko, eye nakaya mwi Sinagogi noka ambaura na Bajuda. ²⁰ Aho sheba kumbira Paurusi ye akare enako eyingi, nakaana. ²¹ Kono aku kumbira kwabo, akuta ye, ''Nandira kaboora kwenu heba Nyambe nashaka.'' Akuzwa mwa Efasusi buzuwa. ²² Aho shaka tura Paurusi kwa Sezariya, aku kambama noka meresa e nkereke ya Jerusarema mi aku surumuka kuya kwa Antiyoke. ²³ Aho shakara nako mo, Paurusi aku nanuka nakaya ku mikuro ya Garatiya ne Firigiya noku goresa aba bazyiizwa bonshe. ²⁴ Cware haho O Mujuda we zina lya Aporosi, kokuzarwa, kazwa kwa Alekizanda, nakezya kwa Afesusi. Kazyi hawa kuamba nokuzyiba a mañoro. ²⁵ Aporosi natewa oku muku zyiyiwa ko Nfumu. Kokuba no Ruho, na amba noku zyiya nenja ezintu ziamba za Jeso, kono kazyi bulyo e nkorobezo ya Johani. ²⁶ Aporosi a kutatika kuamba bugorete mwi sinagoge. Kono Prisira ne Akwira aho bamushuwa, boku litenda o bushere neye noku mutorokera zenjira ya Nyambe murutungu nenja. ²⁷ Aho ka nunsa okuhita mwa Akashiya, a bakwakwe boku muta noku ñorera a bazyiizwa bakwa Akashiya ye ba mutambura. Aho shahura ko, aku tusa abo kaba zumina ke chishemo. ²⁸ Aporosi na amba hakanza ku Bajuda ka manta noku zyiba, kusunda za mañoro ye Jeso kali Kiresite.